Аҟәа имҩаԥысит Аԥсны Жәлар Реизара афбатәи ааԥхьара адепутатцәа актәи реилатәара

Апарламент аиҳабы ихаҭыԥуаа алхуп

27
Ахаша, мшаԥымза 12 рзы Аҟәа имҩаԥысит Аԥсны Жәлар Реизара афбатәи ааԥхьара адепутатцәа актәи реилатәара.

АҞӘА, мшаԥымза 12 — Sputnik, Бадраҟ Аҩӡба. Михаил Сангәлиа, Левон Галустиан, Саид Ҳаразиа Аԥсны Жәлар Реизара – Апарламент аиҳабы ихаҭыԥуаас иалхуп.

Абри атәы аҭыԥ аҟынтәи иааицҳауеит ҳкорреспондент.

Натали Смырԥҳа лкандидатурагьы ықәгылан, ахал ара мап ацәылкит.

Апарламент адепутатцәа актәи реилатәара далахәын Аԥсны Ахада Рауль Ҳаџьымба.

Апарламент аиҳабы ихаҭыԥуаҩыс иалху Саид Ҳаразиа иазгәеиҭеит Апарламент аусура еиҳаны аҭакԥхықәрақәа шадлаз, ауааԥсыра уи хра аманы аус ауеит ҳәа ишазыԥшу.

"Ҳалхыҩцәа азинеиҿкаара адагьы иазыԥшуп асоциал-економикатә зҵаарақәа ҳаӡбуеит ҳәа", — иҳәеит иара.

Иара иҳәеит дшақәгәыӷуа Апарламент ааԥхьара ҿыц аҿаԥхьа иқәгылоу аусқәеи азҵаарақәеи рыӡбра рылшап ҳәа.

27