АҞӘА, мшаԥымза 24 – Sputnik, Бадраҟ Аҩӡба. Ааигәа иасыз аԥшаӷьы аԥхасҭа знаҭаз аҩнқәа хымш-ԥшьымш рыҩныҵҟа еиҭашьақәыргылахоит, иҳәеит Аԥсны Аҭагылазаашьа ҷыдақәа рминистр Лев Кәыҵниа Sputnik акорреспондент аинтервиу иҭо.
"Ашьыжь асааҭ 10 рзы Гагра араион аҟны аурҭ ӷәӷәа – аԥшаӷьы асит. Аԥхасҭа роуит аҩнқәа, атранспорт. Ирацәоуп зхыб зхыху аҩнқәа", — иҳәеит Лев Кәыҵниа.
Очамчыреи Тҟәарчалигьы аԥхасҭақәа ҟалеит.
"Аҭагылазаашьа ҷыдақәа рминистрра амаҵзурауаа аусурақәа мҩаԥыргоит, ацхыраара ахьаҭаху инеиуеит абригадақәа", — иҳәеит аминистр.
Иара иажәақәа рыла ашәахьагьы аҳауатә ҭагылазаашьа уадаҩхар ауеит.
