Бзыԥҭа ақыҭан ауаҩы дҭахеит

Бзыԥҭа ақыҭан ауаҩы дҭахеит

22
Бзыԥҭа ақыҭан амҩатә машәыр ҟалеит лаҵарамза 16, асааҭ 19:35 рзы.

АҞӘА, лаҵарамза 17 — Sputnik, Бадри Есиава. Калдахәара ақыҭан инхоз Џьофик Гыруаԥшь дзықәтәаз амашьынеи урыстәылатәи аҳәаахьчаҩцәа зықәтәаз амашьынеи еинҟьеит. Абри атәы Sputnik акорреспондент изааицҳаит Аԥсны Автоинспекциа аиҳабы Наур Смыр.

"Автомашьына Wolksvagen Golf 3 аԥсҟы зкыз Џьофик Шьоҭа-иԥа Гыруаԥшь Гагра араион иахьаҵанакуа амашьына аԥсҟы импыҵҟьаны амҩатә цәаҳәа дахысит, иаԥхьаҟа иааиуаз автомашьына дасит. Џьофик Гыруаԥшь ахәышәтәырҭаҟны дахьнаргаз иԥсҭазаара далҵит", — иҳәеит Смыр.

Амашьынақәа анеиҿас ашьҭахь Гыруаԥшь имашьына аҽа машьынакгьы ианҟьеит, уи ашьҭахь ауп амца анакыз. Амҩатә машәыр иалахәыз егьырҭ ахәышәтәырҭахь анеира мап ацәыркит.

22