Аԥсны атехника ҷыда рҿыцхоит

Аԥсны атехника ҷыда рҿыцхоит

10
Ақыҭанхамҩатәи ааглыхратәи машьынаргыларазы иналукааша урыстәылатәи азауадқәа рхаҭарнакцәа рашәарамза 28 рзы Аԥсны иаҭаараны иҟоуп.

АҞӘА, рашәарамза 21 – Sputnik. Иазыԥхьагәаҭоуп Аԥсны ақыҭанхамҩатә техника арҿыцра ҳәа РИА Новости иазынеицҳаит ассоциациа "Росспецмаш" ахаҭарнак.

"Аԥсны аграрицәа иргәиҭоуп ақыҭанхамҩатә техника апарк арҿыцра. 10 инареиҳаны урыстәылатәи азауадқәа — ассоциациа "Росспецмаш" алахәылацәа рашәарамза 28 рзы бизнес-миссиала Аԥсны иаҭаараны иҟоуп. Иалацәажәараны иҟоуп Аԥсныҟа лизинг ҳасабла урыстәылатәи азауадқәа раалыҵқәа раагара", — иҳәеит ассоциациа "Росспецмаш" ахаҭарнак.

Иара убасгьы иҳәеит ауснагӡатә атәыла анапхгара рыҳәарала ишеиҿкаау. Иара иажәақәа рыла Аԥсны иахьазы аус зуа иахәҭаны иҟоу атехника абжоуп. Аиҳарак рхархәаратә аамҭа ииасхьеит.

Ассоциациа "Росспецмаш" аекспертцәа рыҭҵаарақәа рыла Аԥсны атрактор-машьынатә парк аиҭарҿыцра ахә шьоуп 150 миллион мааҭ ҳәа.

Ассоциациа "Росспецмаш" аменеџьер Ольга Серебринникова лажәақәа рыла Аԥсны аграрицәа еиуеиԥшым атехника рҭахуп.

Абизнес-миссиа еиҿкаауп урыстәыла-аԥснытәи ахәаахәҭра-економикатә усеицура аҳәаақәа ирҭакны. Абизнес-миссиа аиҿкаара мҩаԥыргеит Аԥсны иҟоу Урыстәылатәи Афедерациа Ахәаахәҭратә хаҭарнакреи Урыстәылатәи ассоциациа "Росспецмаши".

Ауснагӡатә рхы аладырхәуеит абри аусхк аҟны иналукааша ахаҭарнакцәа: АО "Петербургский тракторный завод", ОАО "Миллеровосельмаш", АО "Клевер", ООО "Компания САРМАТ", ООО "Завод молочных машин", ООО "Трактор".

10