Ельвира Арсалиаԥҳа дырԥылеит Малаиа Броннаиа аҿы иҟоу Москватәи адраматә театр асахьаркыратә напхгаҩы Сергеи Голомазови аҟазарҭақәа рырҿиаратә еидгыла адиректор Вера Бабичеви

Арсалиаԥҳа: ҳара еиуеиԥшым атеатр ҳҭахуп

8
(ирҿыцуп 11:49 28.06.2017)
Аԥсны Акультура аминистр Ельвира Арсалиаԥҳа дырԥылеит Малаиа Броннаиа аҿы иҟоу Москватәи адраматә театр асахьаркыратә напхгаҩы Сергеи Голомазови аҟазарҭақәа рырҿиаратә еидгыла адиректор Вера Бабичеви.

АҞӘА, рашәара 28 – Sputnik, Роберт Џьопуа. Фазиль Искандер ихьӡ зху Аурыс драматә театр аҟны ихацыркхаз апроект "Шедевры московской сцены" аҵак ду амоуп атәыла артистцәа рзы, лҳәеит Аԥсны Акультура аминистр Ельвира Арсалиаԥҳа Малаиа Броннаиа аҿы иҟоу Москватәи адраматә театр асахьаркыратә напхгаҩы Сергеи Голомазови аҟазарҭақәа рырҿиаратә еидгыла адиректор Вера Бабичеви данырԥылоз.

"Иракли Хынҭәба асеиԥш апроект игәы ианҭеик, ҳара зегьы иҳалшоз ала ҳидгылеит. Иацы ҳара аспектакль аҟны ҳаҟан. Ҳара ҳзы даара акраҵанакуеит еиуеиԥшым атеатр абара. Ҳактиорцәа рзы аҵак ду амоуп уи", — лҳәеит Арсалиаԥҳа.

Малаиа Броннаиа аҿы иҟоу Москватәи адраматә театр асахьаркыратә напхгаҩы Сергеи Голомазов иазгәеиҭеит иузымдыруа ахәаԥшыҩцәа рҿаԥхьа ақәгылара еснагь агәҭынчымра шузцәырнаго.

"Шәпублика ҳаспектакль шрыдыркылаз, ахҳәаақәа шазыруаз… ҭабуп ада иахысҳәаари?", — иҳәоит иара.

Иракли Хынҭәба иазгәеиҭеит апроект "Шедевры московской сцены" ахәаԥшҩы ииҭахыз проектны ишыҟалаз.

"Абилеҭқәа қәҿиарала иаҳҭиуеит. Иацы, иахьа азал ҭәуп. Арахь иааиз, атеатр бзиа избо артистцәа рыхәмарра ихнахит. Насыԥуп иахьа ҳара иахьҳамоу алшара асеиԥш иҟоу аспектакльқәа рбаразы", — иҳәоит иара.

Аҩаша, рашәара 27 рзы РУСДРАМ асценаҿ ицәырган — "Княжна Марья", аԥшьаша, рашәара 29 рзы —"Три сестры". Агострольқәа хыркәшахоит аутистцәа ирызку аспектакль "Особые люди" ала.

8