Архивтә документқәа Аԥсныҟа ирхынҳәхоит

© Sputnik Сария КварацхелияЗдание государственного архива
Здание государственного архива - Sputnik Аҧсны
Анапаҵаҩра
Аелектронтә хҩаала зызуу архивтә документқәа 2018 шықәсазы Аԥснытәи ацентртә архив иаҭахоит.

АҞӘА, цәыббра 29 – Sputnik, Сариа Кәарацхьелиаԥҳа. Аԥсны ареволиуциатә ҵысра аҭоурых иазку адокументқәеи ХХ ашәышықәсазтәи Аԥсны аҭоурыхтә маршрутқәеи рдокументқәа реиқәыԥхьаӡа Аҭоурых-архивтә институт астудентцәа Аԥснытәи Ацентртә архив иарҭеит цәыббра 28 рзы.

"Иахьазы архив иаҳҭаз адокументқәа Аԥсназы аҵакы рыманы ишыҟоу аадыруеит. Аԥсны Ацентртә архив аиҭашьақәыргылареи аҿиареи рзы хра рыманы иҟоуп", — лҳәоит Аҭоурых-архивтә институт астудентка Милана Бжьаниаԥҳа.

Иԥшаау адокументқәа рзы астудентцәа ажәахәқәа аздырхиеит.

"Аԥсны ареволиуциатә ҵысра аҭоурых иазку адокументқәеи ХХ ашәышықәсазтәи Аԥсны аҭоурыхтә маршрутқәеи рдокументқәеи ирызкны ажәахәқәа мҩаԥгоуп", — лҳәеит Аҭоурых-архивтә институт астудентка Анастасиа Книазева.

Архивтә фото - Sputnik Аҧсны
Аԥсны ацентртә архив ашьақәыргылара апроект Ҟрым иӡыргахоит

Зыӡбахә ҳәоу адокументқәа рыдагьы ирхиахоит 1937 шықәсазтәи Аҟәа ақалақь аплани, аиҳабыра Рыҩны ахыбра аргылараз апроекти асметеи, Аԥсны аспорт аҭоурых иазку адокументқәеи.

Милана Бжьаниаԥҳа лажәақәа рыла иахьазы иԥшаау адокументқәа ркьыԥхь хиоуп.

"Аамҭа ҳҭахуп. 2018 шықәса рзы иаҳгәиҭоуп адокументқәа реизга аҭыжьра", — лҳәеит лара.

Милана Бжьаниаԥҳа Аҭоурых-архивтә институт астудентцәа дрыцны Урыстәыла Аҳәынҭқарратә архив ахь апрактиказы днашьҭын. Уаҟа Аԥсны иазкыз адокументқәа аус рыдылулон. Лара ишылҳәаз ала жәаба инареиҳаны фонд аарԥшуп.

"Адокументқәа Аԥсныҟа рырхынҳәразы аусурақәа актәи ретап мҩаԥгоуп. Ҳара дара зегьы асканер иахҳажьит, уажәшьҭа урҭ аелектронтә хҩылаақәа Аԥсныҟа инашьҭтәуп. Иҟаҵоу аус аинститут аҟны аҵара зҵо ҳхатәы ԥшьгароуп", — лҳәеит Бжьаниаԥҳа.

Милана Бжьаниаԥҳа илгәиҭоуп лусура иацылҵарц, илҭахуп Ҭырқәтәыла, Иран, Италиа иҟоу архивқәа рҟны аԥшаарақәа рымҩаԥгара.

Ажәабжьқәа зегьы
0