Ладариа: аиҳарак ҳаззыԥшу аекономика аганахьала аусеицура ауп

© Sputnik / Томас ТхайцукРуслан Ладария
Руслан Ладария - Sputnik Аҧсны
Анапаҵаҩра
Анапы аҵаҩуп Аԥсны, Гәдоуҭатәи араион Ахадареи Приднестровиатәи Молдавиатәи Ареспублика, Дубоссартәи араион Ахадареи ақалақь Дубоссар Ахадареи рыбжьара ахәаахәҭра-економикатә, анаука-техникатәи, акультуратәи усеицуразы аиқәшаҳаҭра.

Аҟәа, цәыббра 29 — Бадри Есиава. Гәдоуҭатәи араион аиҳарак иазыԥшуп аекономика аганахьала аусеицура, абри атәы иаиҳәеит Sputnik акорреспондент дзыҿцәажәаз Гәдоуҭа араион ахада Руслан Ладариа ахәашаҽны, цәыббра 29.

"Аиқәшаҳаҭраҿы иазгәаҭоуп акультуреи, аспорти, аҵареи аекономикеи рзы аусеицура. Ҳусура хацҳаркыр ҳҭахуп акультурала, аха аиҳарак ихадараны иалаҳкаауеит аекономика. Ари ақәшаҳаҭра ақьаад аҿы иаанымхақәа, ишаҳәҭоу еиԥш аус аурц ҳҭахуп", — азгәаиҭеит Ладариа.

Гәдоуҭа ахада иҳәеит Дубоссартәи араион ахадара шаку аиқәшаҳаҭара анапаҵыҩра аԥшьазгаз. Дуббоссарнтәи хатәгәаԥхарала еибашьра иааз, Аџьынџьтәылатәи еибашьраан иҭахаз, аибашьҩы анышә дамадоуп Жәындәрыԥшь ақыҭан.

Подписание соглашение - Sputnik Аҧсны
Аиқәшаҳаҭра ҿыц анапы аҵаҩуп

"Мшаԥы 17 1993 шықәса рзы, саҳәшьа лԥа дицҭахеит Дубоссарынтәи аибашьҩы, Рудковски, Гәдоуҭа араион Жәындәрыԥшь ақыҭан анышә иамадоу. Уи ауп дареи ҳареи аиқәшаҳаҭра напы заҵаҳҩыз", — еиҭеиҳәеит Ладариа.

Иара иазгәаиҭеит аусеицуразы ишыҟоу уадаҩрақәак, уи раԥхьа иргыланы ПМА ахсаалаҿы иааннакыло аҭыԥи, арегион иҿы иҟоу агеополитикатә ҭагылазаашьеи ирыдҳәалоуп. Ладариа инациҵеит, уи иамыхәаԥшықәа аиқәшаҳаҭра аус аурцаз ирылшо зегьы шыҟарҵо.

Ажәабжьқәа зегьы
0