Эбжноу

Раԥхьатәи "Адунеи амисс" Кериман Ебжьноу лыхәылԥаз Москва имҩаԥгахоит

13
(ирҿыцуп 10:05 16.07.2015)
Қьериман Халис Едже (Ебжьноуԥҳа) 1932 шықәса рзы, 28 тәыла рхаҭарнакцәа злахәыз аԥшӡара аконкурс аҟны, раԥхьатәи "Адунеи амисс" ҳәа ахьӡ ҳарак лыхҵахеит.

АҞӘА, ԥхынгәы 14, Sputnik, Бадраҟ Аҩӡба. Қьериман Халис Едже (Ебжьноуԥҳа) илызку ахәылԥаз азыԥхьагәаҭоуп Аԥсуа бираҟ амш аҽны, ԥхынгәы 23 рзы. Ахәылԥаз мҩаԥгахоит Москва, ВДНХ иҟоу апавильон "Абхазия" (Аԥсны) аҿаԥхьа ҳәа Sputnik акорреспондент изаалыцҳаит Москватәи аԥсуа диаспора акоординатор Нара Папԥҳа.

Папԥҳа иаалыцҳаит "Адунеи амисс" Қьериман Ебжьноуԥҳа илызку ахәылԥаз аҟны иазыԥхьагәаҭоуп еиуеиԥшым ауснагӡатәқәа рымҩаԥгара ҳәа.

"Имҩаԥгахараны иҟоуп аԥсуа дизаинер ҿарацәа ицәырырго русумҭақәа дырбара, иаадыртуеит аԥсуа маҭәа атема иазку Баҭал Џьапуа иусумҭақәа рцәыргақәҵа, иддырбоит "Адунеи амисс" Қьериман Ебжьноуԥҳа илызку афильми афотоцәыргақәҵеи" — азгәалҭеит Папԥҳа.

Ахәылԥаз еиҿыркаауеит Москватәи аԥсуа диаспореи, Жәларбжьаратәи акультура-усутә центри, Аԥсны акультуреи аҭоурых-культуратә ҭынха ахьчареи рминистрреи Ҭырқәтәыла иҟоу аԥсуа диаспора аинциативатә гәыԥи.

Шьҭрала иаԥсуаз Қьериман Халис Едже (Ебжьноуԥҳа) 1932 шықәса рзы, 28 тәыла рхаҭарнакцәа злахәыз аԥшӡара аконкурс аҟны, раԥхьатәи "Адунеи амисс", — ҳәа ахьӡ лыхҵахеит.

13