Хьыбла Амҷыԥҳа: Хьыбла Гьерзмаа Берлинтәи лконцерт зегь аршанхеит

© Фото : Zeki KapbaКонцерт Хиблы Герзмава в Берлине. Фото с места события.
Концерт Хиблы Герзмава в Берлине. Фото с места события. - Sputnik Аҧсны
Анапаҵаҩра
Ԥхынҷкәын 3 рзы Берлинтәи афилармониаҟны имҩаԥысит Аԥсни Урыстәылеи жәлар рартистка Хьыбла Гьерзмааԥҳа дызлахәыз аконцерт.

АҞӘА, ԥхынҷкәын 7 – Sputnik. Германиа иазыԥхьагәаҭаз, Хьыбла Гьерзмааԥҳа дызлахәыз аконцертқәа ҩба рҟынтәи актәи уаршанхартә имҩаԥысит ҳәа ҳзаалыцҳаит Германиа иҟоу Аԥсны Ахаҭарнак Хьыбла Амҷыԥҳа.

Народная артистка Абхазии и России Хибла Герзмава - Sputnik Аҧсны
Хьыбла Гьерзмааԥҳа: пицундатәи ауарӷан аблаҷыц еиԥш ихьчатәуп

Ԥхынҷкәын 3 рзы Берлинтәи афилармониа азал ду аҟны имҩаԥысит аоператә шәаҳәаҩцәа Хьыбла Гьерзмааԥҳаи Чарльз Кастроновои, Аркади Берин напхгара зиҭо Аҩада Реин-Вестфалиа адгьылқәа роркестри злахәыз аконцерт.

"Урыстәыла ахьтәы сопрано ҳәа ззырҳәо, Пицунда ииз Аԥсны аԥҳа лыбжьы ииашаҵәҟьаны "ихьы сопраноуп", атенор-ҿа Кастроново иакәзар афырхаҵа идунеи ҩаӡарала иааирԥшуеит. Аркади Берин напхгара зиҭо, иреиӷьӡоу Аҩада Реин-Вестфалиа адгьылқәа роркестри дареи еиҭаҳәашьа змам аопера аҭоурых ҳагәылархалоит", — ҳәа ануп аконцерт анонс аҟны.

Аконцерт апрограмма иалан Моцарт, Пуччини, Верди, Белини рырҿиамҭақәа. Амҷыԥҳа лажәақәа рыла аконцерт мҩаԥысит қәҿиара дула.

"Берлинтәи афилармониа азал Европа иреиӷьӡақәоу иреиуоуп. Абри ахәылԥаз азы араҟа ишәыршәыруан аԥсуа бираҟқәа. Абасала ҳартистка ду гәыла-ԥсыла ишлыцыз аадырԥшуан аԥсуа диаспора алахәылацәа, Аԥсны Ахаҭарнакра, Урыстәылеи егьырҭ иҳадгылаҩцәоу атәылақәеи рыцҳаражәҳәарҭақәа русзуҩцәа", — ҳәа азгәалҭеит Амҷыԥҳа.

Ԥхынҷкәын 18 рзы Диуссельдорф имҩаԥысраны иҟоуп Хьыбла Гьерзмааԥҳа дызлахәу даҽа концертк.

Ажәабжьқәа зегьы
0