Фҩык ауаа ҭахеит Тунис ажәылараан

Ажәылараан фҩык ауаа ҭахеит Тунис

11
(ирҿыцуп 16:17 06.11.2014)
Аҩнуҵҟатәи аусқәа рминистр Мохамед Али Аруи адырра злаҟаиҵаз ала, ажәылараан аруаа ирылшеит атеррористцәа руаӡәк иҭархара, даҽаӡәы иҭҟәара.

АҞӘА, жьҭ 24 – Спутник Аԥсны. Фҩык ауаа ҭахеит, урҭ рахьтә хәҩык аҳәса, атеррористцәа ауаа ҭҟәаны иахьрымаз аҩны жәыларала агараан.

Аҩнуҵҟатәи аусқәа рминистр Мохамед Али Аруи ишиҳәаз ала, иҭҟәаз ҩыџьа ахәыҷқәа ироуз ахәрақәа рыхәшәтәразы идәықәҵан ахәшәтәырҭахь.

Аинформациатә дырраҭара Франс Пресс излаанацҳауа ала, аполициа атеррористцәа иркыз аҩны иакәшеит, анаҩс аиҿахысрақәа ирылагеит, уи иахҟьаны аполициа аусзуаҩцәа аӡә дҭахеит, даҽаӡәы ахәрақәа иоуит.

Аруи иазгәеиҭоит, атеррористцәа аҳәса шрылаз, "урҭ ахәыҟаҵарҭа инааҩныҵҵәҟьа ахысра иалагеит" — иҳәеит уи.
Ахҭыс ҟалеит Тунис апарламент ахь алхрақәа рымҩаԥгара аламҭалаз. Алхрақәа рымҩаԥгара азгәаҭоуп иааиуа амҽышазы.

11