АҞӘА, пхн 1 — Sputnik. Аҳазалхратә ҭыԥ "Адлер" автомобилтә цәаҳәаҟны (аурыс-аԥсуа ҳәаа) Шәачатәи аҳазалхыҩцәа иаԥдырҟәҟәааит Аԥсныҟа изакәанымкәа алкогольтә аалыҵ аиагара ҳәа аанацҳауеит Аладатәи аҳазалхратә усбарҭа (ААУ) апресс-маҵзура.
ААУ аҳәамҭақәа рҟны иазгәаҭоуп акурорттә сезон иалагеижьҭеи, алкогольтә аалыҵ аҭахрақәа ирызҳаижьҭеи бизнесуаак афеида аиура рҽазышәо азакәан ишацәхьаҵуа.
"Ганрацәалатәи автомобилаушьҭырҭатә ҭыԥ "Адлер" (аурыс-аԥсуа ҳәаа) аҳазалхратә пост иаҵанакуа автомабилтә цәаҳәаҟны аҵыхәтәантәи мызки бжаки рыҩныҵҟа аҳазалхыҩцәа ҩынтәуп иааныркылоижьҭеи изакәанымкәа Аԥсныҟа иаларгаларц иаарго алкогольтә аалыҵ, уаанӡа ари аҩыза аус аԥырҟәҟәаан лаҵарамзазы", — ҳәа аҳәоит адырраҟны.
Автомашьына "ВАЗ-2106", Урыстәылантәи Аԥсныҟа амҩа иқәыз, аҳазалхратә пост аҟны иааит асааҭ ҩба рзы, уахынланы.
"Аҳазалхратә гәаҭара амҩаԥгараан иаарԥшын амашьына аԥхьатәи атәарҭа аҵаҟа хә-литрак зкуа апластика иалху аԥаҭлыка. Аинспектор изҵаара "аԥаҭлыка иҭоу закә маҭәашьарузеи?" аҭакс арныҟәцаҩ уи сԥирҭуп иҳәеит. Амашьына анаҩстәи агәаҭараан аинспекторцәа ирыԥшааит асалон зыла иҭәыз апластикатәә ԥаҭлыкақәа. Иарбоу атауар ашьҭахьтәи атәарҭа аҵаҟаи абагаж аҟәшаҿи аматор ахьҭагылоу аҟәшаҿи иҭан", — аҳәоит адырраҟны.
Апресс-маҵзура ишаанацҳауала иаарԥшын, асԥирҭ азы иҟазшьарбагоу афҩы змаз, иԥшшәыдоу абааӡашьар ала иҭәыз, хәба-хәба литра зкуаз апластикатә ԥаҭлыкақәа 20. Иааидкыланы урҭ 100 литрак инаӡон.
"Амашьына аԥсҟы зкыз, џьаргьы аус зымуа, Аԥсны атәылауаҩ иҳәеит асԥирҭ Шәача ишааихәаз, анаҩс Аԥсны аҭиразы. Хықәкнгьы ишимаз маҷк афеида аиура. Акоммерциатә хықәкы зманы аҳәаа иахырго атауар адеклорациа ишахыжьтәу издырамызт", — аҳәоит Аладатәи аҳазалхратә усбарҭа апресс-маҵзура адырраҭара.
Атауар зегьы изтәыз имхны аџьармыкьатә хәыԥса ашьақәыргыларази аидентификациа азурази, аҿырԥштәқәа аҳазатә експертизазы ишьҭын Дон иаԥну Ростов ақалақь ахь.
Уажәтәи аамҭазы аилкаарақа рымҩаԥгара иаҿуп.
