След. Архивное фото.

Тҟәарчалаа амшә рыԥшаарц иашьҭоуп

48
(ирҿыцуп 10:22 17.07.2015)
Тҟәарчал ауааԥсыра ақалақь аҟны амшә рбеит. Абнаԥстәы аԥшаара иаҿуп амилициа аусзуҩцәеи ашәарыцацәеи.

АҞӘА, ԥхынгәы 16– Sputnik, Роберт Џьапуа. Тҟәарчал ақалақь амилициа аусзуҩцәеи ауааԥсыреи ақалақь аҟны ирбаз амшә аԥшаараз иашьҭоуп ҳәа аалыцҳаит Тҟәарчала араион Ахада Аида Чачхалиаԥҳа.

"Иахьа ашьыжь иҳауит адырра, Тҟәарчал аладатәи акалҭ аҟны иҟоу абылтәыҭаҭәарҭа ааигәара амшә рбеит ҳәа. Абнатә ԥстәы аԥшаара нап адыркит амилициа аусзуҩцәа реиԥш ашәарыцацәагьы. Иара убасгьы абри азы адырра раҳҭеит ааигәа-сигәатәи ақыҭауаа. Амшә уаҳа аӡәгьы имбацт, иркит ҳәагьы дырра ҳамам", — лҳәеит Чачхалиаԥҳа.

Абри аҩыза ахҭыс ҟалеит 2006 шықәса нанҳәамзазы Аҟәа ақалақь аҟны. Алашарбага араион иахьаҵанакуаз аҭыԥантәи аԥҳәыс амшә дахәит. Уинахыс иара ашьҭа-мҭа уаҳа аӡәгьы имбеит.

48