В.Путин встретился с Р.Хаджимбой в Сочи

Ҳаџьымба: Еидҵоу арбџьармчқәа реиҿкаара Аԥсны ашәарҭадара иацхраауеит

16
(ирҿыцуп 17:28 08.12.2014)
Владимир Путини Рауль Ҳаџьымбеи ашәахьа абҵара 24 рзы рнапы аҵарҩит Аԥсны Аҳәынҭқарреи Урыстәыла Афедерациеи рыбжьара аусеицурази астратегиатә еиҩызареи рзы Аиқәшаҳаҭра. Адокумент иазԥхьагәанаҭоит ашәарҭадаразы еидҵоу арбџьармчқәа реиҿкаара.

АҞӘА, абҵ 29 – Sputnik. Аԥсны Аҳәынҭқарреи Урыстәыла Афедерациеи рыбжьара аусеицурази астратегиатә еиҩызареи рзы Аиқәшаҳаҭра аҭахижьҭеи акыр ҵуан, уи еиднакылоит ҩ-тәылак ршәарҭадара аӡҵаарақәа, урҭ рыӡбара иацхраауеит, иҳәеит Рауль Ҳаџьымба.

"Аҭагылазаашьа аҽаԥсахуеит, адунеи аҟны иуадаҩу апроцессқәа мҩаԥысуеит. 2008 шықәсазы аҭагылазаашьа хазын. Иахьа, ҳазхаҵара ашьҭахь, иааҳакәыршаны иҟоу ахҭысқәа ҳрызхәыцны, ашәарҭадара азҵаарақәа рганахь ала даҽа знеишьақәак ҳҭахуп", — азгәеиҭеит Ҳаџьымба.

Аҳәынҭқарра Ахада иажәақәа рыла, "еидҵоу арратә мчқәа" алшара ҟарҵоит ҳҳәынҭқарразы ашәарҭадаразы. "Урыстәыла иӷәӷәоу ҳәынҭқарроуп. Аԥсны иҟоу урҭ рырбџьармчқәа ҳархьчоит, аха ҳаргьы аҭак ҟаҳҵозар ауп", — ациҵеит Ҳаџьымба.

Рауль Ҳаџьымба инаҵшьны иазгәеиҭеит еидҵоу армчқәа реиҿкаара Аԥсны ар уи ишаԥырхагамхо. 
"Архәҭақәа ргәыԥқәак еиуеиԥшым аусқәа мҩаԥнагалоит ҳар апрофессионалтә ҳаракыра ашьҭыхразы",  — иҳәеит Аҳәынҭқарра Ахада.

Аԥсны Аҳәынҭқарреи Урыстәыла Афедерациеи рыбжьара аусеицуреи астратегиатә еиҩызареи рзы Аиқәшаҳаҭра анапаҵаҩҩра иазкны Қырҭтәыла агрессивтә ҭак аҟаҵара ишазхиоу рҳәеит.  Уи иахҳәааны Ҳаџьымба иазгәеиҭеит: "Ҳара ҳзы арҭ ажәақәа акгьы аанагом, иҳаҳауеижьҭеигьы акыр ҵуеит. Сгәы иаанагоит Қырҭтәыла ахаҭа еилнакаар ауп, ус еиԥш иҟоу ацәажәарақәа аӡҵаарақәа рыӡбараҿы ишхырҳагам", — иҳәеит Ҳаџьымба.

Аԥсны Аҳәынҭқарреи Урыстәыла Афедерациеи рыбжьара аусеицуреи астратегиатә еиҩызареи рзы Аиқәшаҳаҭра ҳшәарҭадара аӡҵаарақәа рыӡбаразы ишдокумент хадоу инаҵшьны иазгәеиҭеит Рауль Ҳаџьымба.

16