Лука Гаделия.

Лука Гаделиеи Владимир Магомадови Самара аконцерт еицымҩаԥыргеит

6
Аҩаша, ԥхынҷкәын 22 рзы, Самаратәи Аҳәынҭқарратә филармониа азалаҿ Лука Гаделиеи Владимир Магомедови аконцерт еицымҩаԥыргеит.

АҞӘА, ԥхынҷкәын 23 — Sputnik, Бадраҟ Аҩӡба. Аҩаша, ԥхынҷкәын 22 рзы, Самаратәи Аҳәынҭқарратә филармониа азалаҿ еицырдыруа ауарӷанарҳәаҩ Лука Гаделиеи Атеатр ду асолист Владимир Магомадови аконцерт еицымҩаԥыргеит.

Аконцерт апрограмма "Қьырсатә концерт" ҩ-хәҭак рыла ишьақәгылан – барокко амузыкеи аромантизм амузыкеи рыла. Лука Гаделиеи Владимир Магомадови инарыгӡеит Вивальди, Гендель, Моцарт, Глиук уҳәа егьырҭ акомпозиторцәагьы рырҿиамҭақәа.

"Магомадов ибжьазы уадаҩра ыҟаӡам, атехника аганахьала аконтральти амеццо-сопранои ишиҭаху рынагӡара илиршоит. Ашықәсқәа цацыԥхьаӡа аобертонқәа рацәаны изцу ибжьы еиҳа-еиҳа аҽарҭбаауеит, аҽыҳаранакуеит. Сгәыӷуеит ҽааны Пицундатәи ауахәама аконцертқәа рсезон ахь даазгап ҳәа", — иҳәеит Лука Гаделиа.

Лука Гаделиа иазгәеиҭеит азыӡырыҩцәа аконцерт ргәаԥхеит ҳәа агәыӷра шимоу.

Иара иажәақәа рыла амузыкантцәа уаанӡагьы Москватәи азалқәеи Пицундатәи ауахәамеи рҟны еицықәгылахьан.

Владимир Магамадов жәларбжьаратәии урыстәылатәии аиндаҭларақәа дырлауреатуп, аҟазаратә проект "Аопера ду" даиааиҩуп.

6