Урыстәыла жәлар рартистка, аоператә шәаҳәаҩы Хьыбла Гьерзмааԥҳа

Хьыбла лҿаԥхьа Третиак аҭамзаара шьҭеиҵеит

12
Актәи аканал Ахраҿазы Урыстәылеи Чехиеи рыбжьара ахәмарра алагамҭаз ашәаҳәаҩ Хьыбла Гьерзмааԥҳа иналыгӡараны дыҟан Урыстәыла агимн. Аха атехникатә ҭагылазаашьақәа ирыхҟьаны уи залмыршахеит.

АҞӘА, ԥхынҷкәын 19 — Sputnik. Урыстәыла ахаккеи Афедерациа аиҳабы Владислав Третиак Урыстәыла жәлар рартистка, аоператә шәаҳәаҩы Хьыбла Гьерзмааԥҳа лҿаԥхьа аҭамзаара шьҭеиҵеит аҭыԥ змаз атехникатә проблемақәа рзы ҳәа аанацҳауеит Р-Спорт.

Актәи аканал Ахраҿазы Урыстәылеи Чеиеи рыбжьара ахәмарра алагамҭаз ашәаҳәаҩ Хьыбла Гьерзмааԥҳа иналыгӡараны дыҟан Урыстәыла агимн. Аха атехникатә ҭагылазаашьақәа ирыхҟьаны уи залмыршахеит.

"Ашәаҳәаҩ агимн аныналыгӡоз аамҭаз атехникатә еиԥҟьарақәа ҟалеит. Амузыка аушьҭра хьшәахеит, уи ашьҭахь амикрофонгьы абжьы ацәыӡит. Афедерациеи, хаҭала сара сыхьӡалеи аҭамзаара ҟаҳҵоит ашәаҳәаҩ лҿаԥхьа иҟалаз аҭагылазаашьазы", — иҳәеит Третиак ажурналистцәа дрыҿцәажәо.

12