Ҭамаз Гәагьиа

Гәагьиа: Аахыҵ Уаԥстәыла алхрақәа бзианы имҩаԥысит

15
Аахыҵ Уаԥстәыла имҩаԥысыз алхрақәа рылҵшәақәа рыла, Анатоли Бибилов атәыла ахадас дҟалеит.

АҞӘА, мшаԥымза 10 — Sputnik, Бадраҟ Аҩӡба. Аахыҵ Уаԥстәыла алхрақәа бзианы имҩаԥысит, иҳәеит Аԥсны Алхратә комиссиа ахантәаҩы, алхрақәа рҟны Аԥснынтәи анаԥшҩцәа рделигациа хадара азызуаз Ҭамаз Гәагьиа. 

"Егьырҭ атәылақәа рҟынтәи алхрақәа ирылахәыз анаԥшцәа иреицәамкәа ҳусура мҩаԥаагеит. Ишахәҭаз еиԥш аинтервиу раҳҭеит, апресс-конференциа ҳалахәын, ҳахьнеизгьы ибзианы иаҳԥылеит. Ҳара ҳахьыҟаз зехьынџьара ҭынчран, алхрақәа рышьҭахь абиуллетенқәа аԥхьаӡара ианалага усҟан аҭагылазаашьа маҷк уаацәшәаратәы иҟалазаргьы, анаҩс зегьы ҭышәынтәалеит", — ҳәа иҳәеит Гәагьиа.

Алхрақәа ирылахәын акандидатцәа: атәыла Ахада Леонид Тибилов, Апарламент аиҳабы Анатоли Бибилов, Ашәарҭадаратә маҵзура аусзуҩ Алан Гаглоев.

Иара убас, Аахыҵ Уаԥстәыла атәылауаа Ареферендум аҟны рыбжьы рҭиит, уи иалҵшәаны, ареспублика ахьӡ ҿыц рыдыркылеит — Ареспублика Аахыҵ Уаԥстәыла, аҳәынҭқарра Аланиа.

15