АҞӘА, ԥхынгәы 31 – Sputnik. Анемец қалақь Констанц адискотекаҿы аҭааҩцәа руаӡәк ахысра далагеит. Хҩык ахәрақәа роуит, аӡәы дшьуп. Абри атәы аанацҳауеит РИА Новости.
"34-шықәса зхыҵуаз ахаҵа амҽыша ашьыжь ахысра далагеит асааҭ 4.30 (5.30 мск) рзы адискотекаҿы (ақ. Констанца, Макс-Штромаиер-Штрасе), иҟалаз ахысрақәа ирыхҟьаны хҩык ахәрақәа роуит, аӡәы дшьуп. Ацәгьара иуит ҳәа агәаанагара зызрымаз ауаҩы аполициеи иареи реиҿахысраан дшьуп", аҳәоит РИА Новости.
Иара убасгьы ахәрақәа иоуит аполициа аусзуҩы, аха уи иԥсҭазаара ашәарҭа иҭагылам.
Аполициеи апрокуратуреи ашьаусҭҵаара хацдыркит.
