Аҿар ртеатр асцена ду аҿы раԥхьатәи рықәгылара

37
(ирҿыцуп 10:36 16.08.2016)
  • Аԥсны атеатр асцена хада аҟны Аҿар ртеатр апремиера.
Аԥсуа ҳәынҭқарратә аҿар ртеатр Самсон Ҷанба ихьӡ зху Аԥсуа адраматә театр асценаҟны Шоҭа Ҷкадуа ипиеса "Ҳаԥсыуаауп, Ҳаԥсыуаа" (Акьанџьа) ықәдыргылеит.

Аспектакль "Ҳаԥсыуаауп, Ҳаԥсыуаа" раԥхьаӡакәны иқәиргылеит арежессиор Дырмит Кәартаа, ароль хада нарыгӡон Софа Агәмаа, Амиран Ҭаниа, Заира Анқәаб-Ермолова. Апиеса ахаҭа акәзар, аԥсуа ҭаацәаратә еизыҟазаашьақәеи, аҭаацәараҿы имҩаԥысуа ауадаҩрақәеи ирызкуп.

Аԥсуа ҳәынҭқарратә аҿар ртеатр аԥҵан нанҳәа 20, 2014 шықәсазы. Атеатр аилазаараҿы ихәмаруа актеорцәа Аԥснытәи Аҳәынҭқарратә университет афилологиатә факультет "актиортә ҟазара" аҟәша аушьҭымҭацәа роуп, дара аус руан атеатр "Аамҭа" аҟны.

 

37
  • Аԥсны атеатр асцена хада аҟны Аҿар ртеатр апремиера.
    © Sputnik. Томас Тхайцук

    Софа Агәмаа напхара зылҭо аҿар ртеатр асцена ду ахь ицәырҵит.

  • Аԥсны атеатр асцена хада аҟны Аҿар ртеатр апремиера.
    © Sputnik. Томас Тхайцук

    Апремиера азы аԥсуа драматург, апрозаик Шоҭа Ҷкадуа ипиеса "Ҳаԥсыуаауп, ҳаԥсыуаа" (Акьанџьа) алхын.

  • Аԥсны атеатр асцена хада аҟны Аҿар ртеатр апремиера.
    © Sputnik. Томас Тхайцук

    Аҿар ртеатр арежиссиор Софа Агәмаа апиеса аҟны ароль хада налыгӡеит. Аԥсны Жәлар рартиска илылшеит зыҷкәын илахьынҵа аӡбара иаргәаҟуа ан лхаҿсахьа аарԥшра.

  • Аԥсны атеатр асцена хада аҟны Аҿар ртеатр апремиера.
    © Sputnik. Томас Тхайцук

    30 шықса рышьҭахь Аԥсны Жәлар рартиска Софа Агәмаа асцена ду ахь лцәырҵра ссирын, ахәаԥшцәагьы напеинҟьабжьыла илԥылеит.

  • Аԥсны атеатр асцена хада аҟны Аҿар ртеатр апремиера.
    © Sputnik. Томас Тхайцук

    Актиор ҿарацәа ргәы хыҭхыҭуа асцена ду ахь ацәырҵра иазыԥшын, иҳараку актиортә ҟазара аадырԥшит. Афото аҟны Вадим Абыхәбеи Аслан Еныкьи.

  • Аԥсны атеатр асцена хада аҟны Аҿар ртеатр апремиера.
    © Sputnik. Томас Тхайцук

    Ари апиеса Софа Агәмаа лзы раԥхьатәиӡам - асцена ду аҟны иқәдыргылаанӡа ари аспектакль егьырҭ актиор ҿарацәы лываргыланы лхатә театр "Аамҭа" аҟны иқәлыргылеит.

  • Аԥсны атеатр асцена хада аҟны Аҿар ртеатр апремиера.
    © Sputnik. Томас Тхайцук

    Аспектакль аҽазыҟаҵаарқәа агәыхыҭхыҭра ацын. Адекорациеи ашәҵатәқәеи аҵыхәтәанытәи амшқәа рҟынӡа иаздырхион.

  • Аԥсны атеатр асцена хада аҟны Аҿар ртеатр апремиера.
    © Sputnik. Томас Тхайцук

    Аспектакль асиужет ала афырхаҵа хада раԥхьатәи ибзиабара ихаишҭырц азы ԥшьынтә аҳәсацәа ааигеит, аха рыԥшьҩыкгьы рҟынтә аӡәгьы аҩны даанымхеит, аӡәгьы иан дылгәамԥхеит. Амала аҵыхәан иалихыз дилахьынҵахеит.

  • Аԥсны атеатр асцена хада аҟны Аҿар ртеатр апремиера.
    © Sputnik. Томас Тхайцук

    Афырхаҵа хада аԥшьбатәи иԥҳәыс, лыԥшра мчын, аха згәы разыз, иҟәышыз аӡә лакәын, анхәа лгәы дақәшәеит. Лара лҟәышра абзоурала аҭаацәа аҵеи дроуит: афырхаҵа хада иахь раԥхьатәи иԥҳәыс лҟынтәи иԥа дааргеит.

  • Аԥсны атеатр асцена хада аҟны Аҿар ртеатр апремиера.
    © Sputnik. Томас Тхайцук

    Аҿар ртеатр ақәгылара акыр иззыԥшыз аби аԥеи реиԥылара асцена ала ихыркәшын. Аспектакль қәҿиарала ахәаԥшцәа идырбан. Актиор ҿарацәа аҟазара амҩа ду иқәлеит.