45 шықәса "Шьараҭын" ҳацны

22
(ирҿыцуп 13:12 15.08.2016)
  • Государственный ансамбль народного танца Шаратын
  • Государственный ансамбль народного танца Шаратын
  • Государственный ансамбль народного танца Шаратын
Леон иорден занашьоу, Едуард Бебиа ихьӡ зху аҳәынҭқарратә жәлар рыкәашаратә ансамбль "Шьараҭын" 45 шықәса ахыҵит.

Арԥарацәеи аҭыԥҳацәеи рнапқәа еибаркны еивагьыжьуеит. Иаалырҟьан асцена дықәлоит аԥаҭхь кны иӡышӡа ишлоу аҭаҳмада. Уи икәашо дрықәныҳәоит. Абырг пату иқәҵо икәашоз абырсааҭк иаангылоит – абас, ажәытә кәашара "Шьараҭын" ала 45 шықәса раахыс иаанартуеит ансамбль "Шьараҭын" аныҳәатә концертқәа.

Леон иорден занашьоу, Едуард Бебиа ихьӡ зху аҳәынҭқарратә жәлар рыкәашаратә ансамбль "Шьараҭын" 45 шықәса ахыҵра иазкыз аиубилеитә программа арепертуар иалан ахәаԥшыҩцәа бзиа еицырбахьоу акәашарақәа рнаҩс иҿыцу ақәыргыларагьы – "Акәымжәыуаа".

"Шьараҭын" раԥхьатәи аконцерт мҩаԥысит 1970 шықәса рзы Аԥснытәи аҳәынҭқарратә филармониа асценаҟны.

45-шықәса раахыс ансамбль "Шьараҭын" адунеи ақалақьқәа 250 рҟынӡа ирҭаахьеит.

Ансамбль инанагӡоит афольклортә кәашарақәа реиԥш ақьабзтәи аритуалтәи ҟазшьа змоу акәашарақәагьы. Ансамбль арепертуар иалоуп абарҭ рҩызцәа акәашарақәа: "Аибаркыра Шьараҭын", "Аҭыԥҳацәа ргәазыҳәарақәа", "Ашәарыцацәа рыкәашара – Иаирума", "Ауапа кәашара", "Аҟама кәашара", "Ачаракәашара", "Анхацәа рыкәашара", "Нарҭаа", "Ҭауадаа рыкәашара", "Аҟармыгәкәашара" у.у.е. "Шьараҭын" арепертуар иалоуп Кавказтәи ажәларқәа рыкәашарақәагьы.

Ансамбль "Шьараҭын" Тунис имҩаԥысуаз Адунеизегьтәи XI Карфагентәи афестиваль аԥхьахә анашьоуп. Самсун ақалақь аҟны имҩаԥысуаз афольклортә кәашарақәа Жәларбжьаратәи рфестивальқәа хԥа рҟны ансамбль акәашацәа хынтәны аиааира ааргахьеит, Москватәи XII Жәларбжьаратәи афестиваль иадипломантцәахахьеит. Иара убасгьы Алада Урыстәыла ақалалқьқәа рассоциациа жәлар рҟазара афестивальқәа ҩба ирдипломантцәоуп.

Аԥсны ахьчараан агәымшәареи афырхаҵареи рзи амилаҭ ҟазара аизырҳарази ансамбль "Шьараҭын" Леон иорден анашьоуп.

1996 шықәсазы "Шьараҭын" раԥхьатәи асахьаркыратә напхгаҩы Едуард Бебиа ихьӡ ахҵан.

22
  • Государственный ансамбль народного танца Шаратын
    © Sputnik. Томас Тхайцук

    Аҳәынҭқарратә жәлар рыкәашаратә ансамбль "Шьараҭын" ахәаԥшцәа ирыднагалеит аиубилеитә программа ҿыц.

  • Государственный ансамбль народного танца Шаратын
    © Sputnik. Томас Тхайцук

    Амилаҭтә кәашарақәа – аԥсуа жәлар ркультура иузаҟәымыҭхо иҟоуп. 45-шықәса ҵуеит ансамбль "Шьараҭын" ажәытәтәи аԥсуа кәашарақәа рыԥсы ҿыцны ирхарҵоижьҭеи.

  • Государственный ансамбль народного танца Шаратын
    © Sputnik. Томас Тхайцук

    Аныҳәатә концерттә программа иалалеит еицырдыруа акәашарақәа реиԥш иҿыцугьы – "Акәымжәыуаа".

  • Государственный ансамбль народного танца Шаратын
    © Sputnik. Томас Тхайцук

    Акәашара абызшәала "Шьараҭын" артистцәа ахәаԥшыҩцәа иддырбоит аибашьра, ауааԥсыра есҽынтәи рыбзазара, урҭ ргәырҩақәа, ргәырӷьарақәа.

  • Государственный ансамбль народного танца Шаратын
    © Sputnik. Томас Тхайцук

    Аԥсуа кәашарақәа мҩанызго ирхаданы иҟоуп адаул.

  • Государственный ансамбль народного танца Шаратын
    © Sputnik. Томас Тхайцук

    Акәашара ҩаӡара хадас иамоу аихатырреи аилыххареи "Шьараҭын" артистцәа қәҿиарала иаадырԥшуеит.

  • Государственный ансамбль народного танца Шаратын
    © Sputnik. Томас Тхайцук

    "Аҽыуаа", "Аҟармыгәкәашара", "Нарҭаа рыкәашара" рҟны артистцәа ахьиҩқәҵаҩ иеиԥш инарыгӡоит иуадаҩӡоу аелементқәа.

  • Государственный ансамбль народного танца Шаратын
    © Sputnik. Томас Тхайцук

    Ансамбль инанагӡоит Аԥснеиԥш Кавказтәи ажәларқәа рфольклортә кәашарақәеи ақьабзтәи аритуалтәи ҟазшьа змоу акәашарақәеи.

  • Государственный ансамбль народного танца Шаратын
    © Sputnik. Томас Тхайцук

    Акәашара иаанарԥшуеит аԥсуа ҭыԥҳа леихышәашәареи лыԥшӡареи.

  • Государственный ансамбль народного танца Шаратын
    © Sputnik. Томас Тхайцук

    Аԥсуа милаҭтә кәашарақәа релементқәак махәҿалатәи азыҟаҵара бзиа рҭахуп.

  • Государственный ансамбль народного танца Шаратын
    © Sputnik. Томас Тхайцук

    Ансамбль акәашацәа асцена дырмацәысуеит.