Пункт размещения украинских беженцев в Новосибирске

35 нызқьҩык инареиҳаны Украинатәи ахҵәацәа Урыстәыла иҟоуп

7
(ирҿыцуп 11:02 01.12.2014)
35 нызқьҩык инареиҳаны Украинатәи ахҵәацәа Урыстәыла аамҭалатәи анхарҭақәа рҿы иҟоуп.

АҞӘА, ԥхҷ 1 – Sputnik. 35 нызқьҩык инареиҳаны Украинатәи ахҵәацәа Урыстәыла аамҭалатәи анхарҭақәа рҿы иҟоуп. Абри атәы ааицҳаит Урыстәыла аҭагылазаашьа ҷыдақәа рминистрра ахаҭарнак Александр Дробышевски.

"Иааидкыланы Урыстәыла иҟоуп 769 ахҵәацәа аамҭалатәи рынхарҭақәа. Уаҟа 35 нызқьҩык инареиҳаны ауаа ыҟоуп. Урҭ рхыԥхьаӡараҿы 11,2 нызқьҩык ахәыҷқәа", — иҳәеит Дробышевски. Ахҵәацәа рзы амедицинатә-ԥсихологиатә цхыраара еиҿкаауп, аинформациа роуртә аҭагылазаашьа рымоуп.

Ахҵәацәа аамҭалатәи рынхарҭа мчыбжьык иалагӡаны 20 рыла еиҵахеит, урҭ рҟны 1,5 нызқьҩык ауаа нхон.

7