Мактина Джинджолия

Џьынџьалԥха: уажәтәи аамҭазы ҳусура иацхраауеит аилахәырақәа жәба

23
(ирҿыцуп 18:05 12.04.2017)
Афонд "Ашана" аусзуҩы Мактина Џьынџьалԥха Sputnik арадиостудиаҿы инарҭбааны даҳзалацәажәоит акциа "Ҳаидгыланы аԥсҭазаара еиқәҳархап" хәы-шықәса аҩныҵҟа илшаз атәы.

Агәыҳалалара аԥсҭазаараҿы иҟамлар ауаҩы дуаҩны дзыҟалаӡом, Аԥсны иҟамызҭгьы агәыҳалалратә фонд "Ашана" згәамбзиара иаргәамҵуа, зхала зхыи ма зҭаацәеи ирзаанхоз ахәыҷқәа рхыԥхьаӡара еизҳауан. Хәы-шықәса ҵуеит уи имҩаԥнаго акциа "Ҳаидгыланы аԥсҭазаара еиқәҳархап" аус ауеижьҭеи, ари аамҭа иалагӡаны 35 миллион мааҭ еизнагеит 105-ҩык ахәыҷқәа Аԥсны анҭыҵ рыхәышәтәразы. Урҭ аԥарақәа рахьынтә 5 миллионк смс ахархәарала еизнагаз ауп.

 

"Акциа "Ҳаидгыланы аԥсҭазаара еиқәҳархап" ауаажәлар даара ибзианы ирыдыркылеит, иара убас еиуеиԥшым аилахәырақәа ацхыраара ҳарҭоит. Уажәтәи аамҭазы ҳусура иацхраауеит аилахәырақәа жәба", — ҳәа азгәалҭеит Џьынџьалԥҳа.

23