Алексей Гогуа.

Алықьса Гогәуа ибиографиа

5

Дырмит Гәлиа ихьӡ зху апремиа алауреиат, Адунеи Жәларбжьаратәи адыгатә аҵараҭҵааратә академиа аҳаҭыр зқәу академик, Ажәларқәа рдоуҳатә акзаара адунеи Жәларбжьаратәи академиа алахәыла, Аԥсны зҿаԥсазтәыз акультура аусзуҩы, Аԥсны Жәлар рышәҟәыҩҩы Алықьса Ноча- иԥа Гогәуа диит 1932 шықәсазы, хәажәкырамза 15 аҽны, Очамчыра араион Гәыԥ ақыҭан.

Алықьса Ноча- иԥа Гогәуа раԥхьатәи ажәабжь иҩит хә-класск аҿы дантәаз, раԥхьаӡа иҩымҭа акьыԥхь абеит жә-класск рҿы аҵара аниҵоз, раԥхьатәи ишәҟәы ҭыҵит 1957 шықәсазы.

Алықьса Гогәуа аус иухьан ажурнал "Алашара" аҿы, ашәҟәҭыжьырҭаҿы, ажурнал "Амцабз" редактор хадас, акыр шықәса Аԥсны ашәҟәыҩҩцәа реидгыла дахантәаҩын. Д.Гәлиа ихьӡ зху аҳәынҭқарратә премиа акомиссиа напхгара азиуеит.

Алықьса Гогәуа еснагь аԥсуа жәлар рмилаҭҭә қәԥара дагәылагылан. 1988 шықәсазы ауаажәларратә-политикатә хеидкыла "Аидгылара" хантәаҩыс дарҭеит. 1989 шықәсазы далхын СССР жәлар депутатс.

Алитература иазкны ажәахәқәа ҟаиҵахьеит жәларбжьаратәи аконференциақәа рҿы. Аԥсшәахь еиҭеигахьеит Толстои, Достоевски, Латонов реиԥш иҟоу ашәҟәыҩҩцәа рҩымҭақәа.

5