Стенин ихьӡ зху 2017 шықәсазтәи аконкурс ажиури алыркааит

Стенин ихьӡ зху 2017 шықәсазтәи аконкурс ажиури алыркааит

5
(ирҿыцуп 11:14 18.01.2017)

АҞӘА, ажьырныҳәа 18  – Жәларбжьаратәи аинформациатә маҵзура "Россия сегодня" апресс-маҵзура. Жәларбжьаратәи аинформациатә маҵзура "Россия сегодня" еиҿнакааз Андреи Стенин ихьӡ зху афотожурналистика Жәларбжьаратәи аконкурс ажиури алырхит. Аконкурс еиҿнакааит жәларбжьаратәи аинформациатә маҵзура "Россия сегодня". Иара иахьазы Урыстәыла ахьӡ ҿыцқәа аазыртуаны иҟоу конкурс заҵәыкуп. Ажиури иалахәхоит:  ажурнал "Штерн" афотодиректор Андреас Трамп, амедиагәыԥ Independent Media афоторедактор Иан Лендсберг, жәларбжьаратәи афестиваль Cortona On The Move (Италия) асахьаркыратә редактор Арианна Ринальдо, аишьцәа Лиумьераа рыхьӡ зху  Ацентр ашьаҭаркҩы Наталиа Григорьева-Литвинскаиа, МИА "Россия сегодня" афотокореспондент, афотоконкурс World Press Photo алауреат Владимир Песниа, Китаитәи агазеҭ Xinmin Evening News апрезидент, Шанхаитәи амедиагәыԥ иатәу агазеҭқәеи АИХ (СМИ) рнапхгаҩы  Чень Цивеи, афоторедактор Варвара Гладкаиа.

2017 шықәса рзы аусумҭақәа алыркаауеит аноминациақәа ԥшьба рыла: "Главные новости", "Спорт", "Моя планета", "Портрет. Герой нашего времени". Аконкурс ахь азыҳәақәа рыдыркылоит хәажәкыра 22 2017 шықәса рҟынӡа. Аконкурс аԥхьахәтә фонд иартәоит: 50, 35, 25 нызқь мааҭ, номинациа-цыԥхьаӡа. 500 нызқь мааҭ ианашьахоит "Гран-при" зырҭо афотоҭыхыҩ. 

МИА "Россия сегодня" афотокореспондент, афотоконкурс World Press Photo алауреат Владимир Песниа: "Дарбанызаалак арҿиара знапы алаку ауаҩы изы иҩыза, иқәла, иколлега игәаанагара акраҵанакуеит. Аиҳарак уи аҵакы аманы иҟоуп умҩа алагамҭазы. Жәларбжьаратәи аконкурс аҟны адгылареи ацхыраареи роура – уи еиҳагьы амчи алшареи узҭо ҭагылазаашьоуп. Ари аиндаҭлара даара ибзиоуп ахы аарԥшразы, хә-континентк рҟынтәи афотоҭыхыҩцәа рацлабра. Алахәылацәа алшара рымоуп аизҳаразы".

Амедиагәыԥ Independent Media афоторедактор Иан Лендсберг: "Стенин ихьӡ зху афотожурналистиказы аконкурс адунеи аҿар еидызкыло усмҩаԥгатәуп. Урҭ рҭыхымҭақәа ирныԥшуеит адунеи арыцҳареи агәырӷьареи, ауаа рыԥсҭазаарақәа. Аконкурс иамоуп алшара ахьӡ ҿыцқәа рцәыргаразы. Аконкурс аҿар ирнаҭоит алшара аԥсҭазаара аиӷьтәра рыхәҭаа аларгаларцы".

Китаитәи агазеҭ Xinmin Evening News апрезидент, Шанхаитәи амедиагәыԥ иатәу агазеҭқәеи АИХ (СМИ) рнапхгаҩы  Чень Цивеи,:;Александр Стенин ихьӡ зху Жәларбжьаратәи афотоконкурс ажиури алахәхара аҭакԥхықәра ду ацуп».

2016 шықәсазтәи аконкурс еизнагеит 6000 усумҭа 71 тәыла рҟынтәи. Аиааира згаз русумҭақәа ықәыргылан: Москва, Стамбул, Кеиптаун, Шанхаи, Пекин, Каир, Берлин, Рим, Марибор, Лиублин. 2016 шықәсазтәи аконкурс Гран–при ианашьахеит италиатәи афототыхыҩ Данило Гарсиа Ди Мео. Жәларбжьаратәи аинформациатә маҵзура "Россия сегодня" еиҿнакааз Андреи Стенин ихьӡ зху афотожурналистика Жәларбжьаратәи аиндаҭлара хықәкны иамоуп ҳаамҭазтәи афотожурналистика ауаажәларра разхьарԥшра. Аиндаҭлара – жәларбжьаратәи афотоеилазаара афотожурналистикаҟны ахьыӡ ҿыцқәа ахьаадырԥшуа, астандартқәа ахьдырҿио, иахьышьақәдыргыло ҭыԥ заҵәыкны иҟоуп. Андреи Стенин ихьӡ зху афотожурналистика Жәларбжьаратәи аиндаҭлара 2016 шықәса рзы имҩаԥысит урыстәылатәии жәларбжьаратәии АИХ (СМИ), аинформациатә маҵзурақәеи афотоеилазаарақәеи рыдгыларала. Аиндаҭлара информациатә партниор хаданы иҟан: урыстәылазегьтәи аҳәынҭқарратә канал "Россия-Культура", аинформациа-жәабыжьтә портал KP.ru, аинформациатә портал ЖурДом, апортал Russian Photo. Аконкурс жәларбжьаратә информациатә партниор хаданы иҟан: аинформациатә маҵзура Askanews, аинформациатә маҵзура EFE, амедиахолдинг Independent Media, аинформациатә маҵзура Notimex, ателеканал, апортал RT, The Royal Photographic Society, Shanghai United Media Group (SUMG). Аусхкытә информациатә партнерцәа рыҳасабала аиндаҭлара иадгылеит: Урыстәыла афотожурналистцәа рхеидкыла, Москватәи ажурналистцәа рхеидкыла, Аҿари астудентцәеи АИХ рхеидкыла,Академия Фотографии, амаҵзура ГеоФото, апортал Photo-study.ru, аинформациатә портал YOung JOurnalists, афестиваль "Фотопарад в Угличе".

5