Аекскурсиамҩаԥгаҩцәа реиҳараҩык акатегориақәа роуам

© Sputnik / Владимир БегуновАекскурсиамҩаԥгаҩцәа реиҳараҩык акатегориақәа роуам
Аекскурсиамҩаԥгаҩцәа реиҳараҩык акатегориақәа роуам - Sputnik Аҧсны
Анапаҵаҩра
Акурортқәеи атуризми рзы аминистрреи, Аҵара аминистрреи, атуристтә фирмақәа рхаҭарнакцәеи, аҵаратә усҳәарҭақәа рхаҭарнакцәеи злахәны имҩаԥысыз астол гьежь "Профессиональная подготовка экскурсоводов" мҩаԥнагеит "Аԥсны атуризм азы Аидгыла".

АҞӘА, ажьырныҳәа 27 – Sputnik, Владимир Бегунов. Акурортқәеи атуризми рзы аминистрреи, Аҵара аминистрреи, атуристтә фирмақәа рхаҭарнакцәеи, аҵаратә усҳәарҭақәа рхаҭарнакцәеи злахәны имҩаԥысыз астол гьежь "Профессиональная подготовка экскурсоводов" мҩаԥнагеит "Аԥсны атуризм азы Аидгыла".

Астол гьежь аҟны Аԥсны Акурортқәеи атуризми рминистр Авҭандил Гарцкиа иазгәеиҭеит сынтәа аекскурсиамҩаԥгаҩцәа рзы акатегориақәа шьақәыргылахоит ҳәа. Гарцкиа иажәақәа рыла аминистрра атуризм аусхк аҟны аргама-шьаҭа аԥыжәара анаҭо иалагоит. Сынтәа Аҟәеи Гагреи иаадыртраны иҟоуп аекскурсиамҩаԥгаҩцәа рзы хымзтәи акурсқәа. Акурсқәа рыхәԥса хә-нызқьмааҭ шьақәнартәоит, ианалгалак ашьҭахь аусуразы алицензиа роуеит.

"Ҳара иаҳҭахуп аттестациатә комиссиа иалахәызарц аҵарауаа, ажурналистцәа, ауаажәларратә еиҿкаарақәа рхаҭарнакцәа", — иҳәеит Гарцкиа.

Хәышықәсатәи ишьақәырӷәӷәо астаж змоу аҩбатәи акатегориа рырҭоит, хы-шықәса рахь знык рлицензиа иацырҵоит, Быжь-шықәсатәи астаж змоу ирырҭоит актәи акатегориа, хәы-шықәса рахь знык аттестациатә комиссиа иахысуеит. Астаж ҳәа иԥхьаӡоуп ауаҩы ашықәс аҩныҵҟа 50 мшы аус шиуз азы аекскурсиатә путиовкаҿы аҭаҩра аныҟоу.

Ажәабжьқәа зегьы
0