Актиорцәа ҿарацәа Фазиль Искандер еицырдыруа ирҿиамҭала аспектакль ықәдыргылеит

Анапаҵаҩра
Аҳәынҭқарратә Санкт-Петербургтәи акультура институт аҩбатәи акурс аҟны аҵара зҵо аԥсуа студентцәа Самсон Ҷанба ихьӡ зху аԥсуа драматә театр асценаҟны аԥсышәала иқәдыргылеит Фазиль Искандер ироман "Сандро Чегьемтәи" иалху аспектакль "Аҽа аԥа Џьамхәыхә мамзаргьы чегьемтәи Евангьелие".

Акурс анапхгаҩы, аспектакль арежиссиор-ақәыргылаҩ Владимир Фунтусов Sputnik ишазеиҭеиҳәаз ала, ари аҩымҭа иалнаршеит "аинтернационалтә уаҩԥсытә ԥсабараҟны иреиҳаны иҟоу — амилаҭ аиламҩашьара" инаҵшьны аарԥшра.

Уаанӡа, Аҳәынҭқарратә Санкт-Петербургтәи акультура аинститут аҩбатәи акурс аҟны аҵара зҵо аԥсуа студентцәа Фазиль Искандер иҩымҭа иалхны иқәдыргылаз аспектакль "Аҽа аԥа Џьамхәыхә мамзаргьы чегьемтәи Евангьелие" Санкт-Петербургтәи атеатр аҟны имҩаԥысуаз афестиваль "Ликующая муза" аҟны "Иреиӷьу аспектакль" ҳәа аноминациа алауреатс иазыԥхьаӡахахьан.

Ажәабжьқәа зегьы
0