(3:51 / 23.23Mb / просмотров видео: 58)

Боџьгәуа: зегь раҵкьыс ирыцҳараз аамҭаны иҟалеит марттәи ажәылара

179
(ирҿыцуп 16:15 15.03.2016)
Аԥсны Аџьынџьтәылатәи еибашьра аветеран, Леон иорден занашьоу Леонид Боџьгәуа марттәи ажәылара ахҭысқәа игәалаиршәоит.

Аибашьра аветеран Леонид Боџьгәуа иажәақәа рыла, аибашьраан зегь раҵкьыс иуадаҩыз ирыцҳараз аамҭаны иҟалеит марттәи ажәылара.

"Ацҳа аҟны, ажәылара аԥхьа ишаԥу еиԥш, аконверт аартны, иҳамаз адҵа дырны ҳҽырӷәӷәаны, асааҭ хԥа-ԥшьба шыҟаз ҳамҩа ҳақәлеит, аӡы ҳарны,аҟәараҿы ҳанынаӡа, иҳақәыхәлеит,аҵх цәгьа илашьцан, уаҟа аминақәа рацәаны иҵан, иахьынӡаҳалшоз ҳаннеи ҳаангылар акәхеит", — иҳәеит иара.

"Асааҭ 12 реиԥш аиҿахысра ӷәӷәа цон, сҩыза Вадим Дбар дсывыршьааит, саргьы ахәра соуит, 30-рҟынӡа аснариад аԥҽыхақәа сылалеит, срыԥҳақәеи, сҷачақәеи, сымгәа, схы сеилаԥыхха ашьа аҽҽаҳәа исыцәцон, сдеисра ангәарҭа сыԥсоит, ҳәа ргәы иаанаган ахәшә сыларҵеит, ишрылшоз ала адгьыл жны, анышә сарҭеит", — иԥсы шҭаз анышә дшарҭыз атәы дԥышәырччо еиҭеиҳәон аветеран.

Леонид Боџьгәуа гәыбӷан аӡәгьы ииҭаӡом, аибашьраҟны аԥсы иалгара даара ицәгьоуп, иоуз ахәра аԥсҭазаареи иареи еиваабомызт аҟнытә, усгьы дыԥсоит дымгәаҟап ҳәа ауп иҩызцәа ус шыҟарҵаз.

179