Павильон международного информационного бренда Спутник. Архивное фото.

Радио Sputnik апроект ҷыда

27
(ирҿыцуп 11:18 09.02.2016)
Аибашьра ашьҭахь акьыԥхьратә маҵзура "Новости" аҿаԥхьа иқәгылаз аусдҵа уадаҩқәеи аҳәаанырцә АПН ахаҭарнакра имҩаԥнагоз аусурақәеи уҳәа ирацәаны рыӡбахә еиҭаҳәахоит жәабранмзазы имҩаԥысраны иҟоу апроект ҷыда "История начинается с новости" аҭыжьымҭақәа рҟны.

АҞӘА, жәабран 9- Sputnik. Иҷыдоу апроект "История начинается с новости" иацнаҵоит Совинформбиуро инаркны АПН, РИА Новости, Жәларбжьаратәи Аинформациатә маҵзура "Россия сегодня" аҟынӡа ҳаамҭазтәи ажурналистика аҭоурых аиҭаҳәара. Апроект апрограммақәа уаҳар улшоит ишиашоу ицо аефир ала, арадиостанциа Sputnik аҟны, иара убасгьы – Совинформбиуро 75 шықәса ахыҵра иазку амультимедиатә проект МИА "Россия сегодня" арубрика "Радиоточка" аҟны.

"Жәабранмзазтәи апроект ҷыда аҭыжьымҭақәа рызкуп АПН "Новости" аусура. Аибашьра ашьҭахь акьыԥхьратә маҵзура "Новости" аҿаԥхьа иқәгылаз аусдҵа уадаҩқәеи аҳәаанырцә АПН ахаҭарнакра имҩаԥнагоз аусурақәеи ртәы инарҭбааны иаарԥшуп. Азыӡырыҩцәа ҳара ҳапрограммақәа рҟны ирбар рылшоит усҟантәи аамҭеи иахьатәи аамҭеи реимадара. Ус шакәугьы усҟантәи аамҭазы ажурналист иҟазаратә дунеи аҽакын. Ҳапроект ҷыда иалнаршоит уи иныҭкааны ҳгәаларшәара", — иҳәоит урысбызшәала ефир ахь иҭыҵуа Sputnik адиректор Алексеи Орлов.

Совинформбиуро 75 шықәса ахыҵра иазку аиубилеитә усмҩаԥгатәқәа мҩаԥысраны иҟоуп 2016 шықәса рзы. Имҩаԥыргараны иҟоуп афотоцәыргақәҵақәа, аиндаҭлара "Левитан еиԥш иаҳҳәоит", афилателистикатә аалыҵ ҷыда ацәыргақәҵа уҳәа ирацәаны ауснагӡатәқәа.

Жәларбжьаратәи Аинформациатә маҵзура "Россия сегодня" аџьынџьтә журналистика аҭоурых ҳаҭырла ихьчауа ихнаркәшаран иҟоуп Совинформбиуро адырраҭарақәа аколлекциатә еизга аҭыжьра.

Аныҳәатә уснагӡатәқәа хыркәшахоит 2016 шықәса рашәарамза 24 рзы, Совинформбиуро аԥҵамҭа амш азы.

Жәларбжьаратәи Аинформациатә маҵзура "Россия сегодня" — жәларбжьаратә медиагәыԥуп. Адунеи аҟны имҩаԥысуа ахҭысқәа зегьы инарҭбааны, оперативла, ишәаны-изаны иазнеины иаанарԥшуеит. Иарахьы иаҵанакуеит: РИА Новости, Р-Спорт, РИА Недвижимость, РИА Рейтинг, ИноСМИ. Амаҵзура иара убасгьы аԥыжәара амоуп урыстәылатәи асоциалтә ҳақәеи аблогқәеи рҟны аиҭаҳәарала.

27