АҞӘА, цәыббра 16 – Sputnik. Евроеидгыла иаднакылеит аофициалтә ӡбара 2017 шықәса хәажәкырамзанӡа хаҭалатәи асанкциақәа, Урыстәыла атәылауааи аиурист хаҿқәеи ирҿагыло ирыцҵазарц.
Асанкциақәа ирыҵаркуеит Евроеидгыла атәылақәа ралалара 146-ҩык атәылауааи 37 еилахәыреи азин рымҭара. Асиаҟны иарбоуп: Ҟрым Аԥыза-министр Сергеи Аксенов, Севастополь ақалақь ахада Алексеи Чалыи, Ҟрым Аԥыза-министр актәи ихаҭыԥуаҩ Рустам Темиргалиев, Украина ашәарҭадаратә маҵзура Ҟрымтәи аусбарҭа уаанӡатәи анапхгаҩы Петр Зима, асенатор Сергеи Цеков, Валентина Матвиенко, Дмитрий Рогозин, Елена Мизулина, Леонид Слуцки, асенатор Андреи Клишас уҳәа ирацәаҩны.
Асанкциатә сиаҟны иарбоуп 146-ҩык ахатәхаҿқәеи 37 иурист хаҿқәеи. Иара убасгьы Донецки Лугански рнапхгаҩцәа, урыстәылатәи аофициалтә хаҿқәа.
