Петербургтәи аметро аусура хацнаркит

Петербургтәи аметро аусура хацнаркит

11
(ирҿыцуп 13:08 04.04.2017)
Санкт-Петербург агубернатор Иусбарҭа иаанацҳаит атеракт ашьҭахь аметрополитен аусура хацнаркит ҳәа.

АҞӘА, мшаԥымза 4 — Sputnik. Санкт-Петербург агубернатор Иусбарҭа иаанацҳаит атеракт ашьҭахь, аҩашаҽны аметрополитен аусура хацнаркит ҳәа. Абри азы адырра ҟанаҵеит РИА Новости.

"Петербургтәи аметрополитен шьыжьы инаркны аусура хацнаркит. Уажәтәи аамҭазы аметрополитен ацәаҳәақәеи астанциақәеи зегьы аус руеит", ҳәа аҳәоит аацҳамҭаҟны.

Иара убри аамҭазы ашьыжь асааҭ 10 рҟынӡа амаршрут 2М ("Петроградская" – "Московская") ала автобусқәагьы аус шыруц ируеит.

Амш нҵәаанӡа аелектротранспорт амаршрутқәа шыҟац иааныжьуп.

11