Сҭамԥыл ақалақь аҟны зықьҩыла ауаа ареферендум иаҿагылоит

Сҭамԥыл ақалақь аҟны зықьҩыла ауаа ареферендум иаҿагылоит

8
(ирҿыцуп 12:35 18.04.2017)
Сҭамԥыл ақалақь аҟны зықьҩыла ауаа ареферендум иаҿагылан амҩадуқәа рахь икылсит. Уаанӡа, 51% Ҭырқәтәыла атәылауаа апарламенттә напхгара ацынхәрас апрезиденттә напхгарахь аиасразы рыбжьы рҭиит ареферендум аҟны.

АҞӘА, мшаԥымза 18— Sputnik. Сҭамԥыл ақалақь аҟны зықьҩыла ауаа ареферендум иаҿагылан амҩадуқәа рахь икылсит. Уаанӡа, 51% Ҭырқәтәыла атәылауаа апарламенттә напхгара ацынхәрас апрезиденттә напхгарахь аиасразы рыбжьы рҭиит ареферендум аҟны. Абри атәы аанацҳауеит РИА Новости амаҵзура Франс Пресс адыррақәа рышьаҭала.

Амаҵзура ишаанацҳауа ала, Бешикташи Кадыкееи араионқәа рҟны зықьҩыла ауаа аҿагыларатә акциақәа мҩаԥыргоит.

Аконституциатә ԥсахрақәа уаанӡа Ҭырқәтәыла Апарламент адепутатцәа адгылара арҭахьан, атәыла Апрезидент Реджеп Таип Ердоган инапы аҵаиҩхьан.

Аҿагыларатә акциақәа раан азинеилагарақәа ртәы ҳәа акгьы аацҳам.

8