АҞӘА, хәажәкыра 25 - Sputnik. Аԥсны иҟоу Аладатәи арратә округ аруаа имҩаԥыргоз атактикатә зыҟаҵарақәа рҳәаақәа ирҭагӡаны, ашьхара иахьаԥнуи амшынԥшаҳәаҿи итәаз "аӷа" ируаа ҭадырхеит ҳәа аанацҳауеит РИА Новости, Аладатәи арратә округ апресс-маҵзура аиҳабы аполковник Вадим Астафьев иажәақәа ҵаҵӷәыс иааганы.
Аҽазыҟаҵарақәа мҩаԥысуан аполигонқәа "Ҵабал", "Нагвалоу" рҿы.
"Раԥхьаӡа акәны аеромобилтә гәыԥқәа арратә авиациа авертолиотқәа Ми-8АМТШ "Терминатор" рыла "аӷа" иобиектқәа ирылахысуан", - ҳәа аҳәоит адырраҭараҿы.
Аҽазыҟаҵарақәа ирылахәын 400 рҟынӡа арратә техника: ҳаамҭазтәи атанкқәа Т-72Б3, аимадараз акоманда-штабтә машьынақәа "Кушетка" уҳәа реиԥш иҟоу алаҵаны.
Урыстәылатәи аруаа Аԥсны "аӷа" иминақәа ыҵырхит
