АҞӘА, рашәара 8 - Sputnik. Росавиациа ажәадгала ҟанаҵеит хәҭакла аҳаиртә ҳәаақәа ԥхынгәы 15 инаркны иаартызарц. Абри атәы аҩуеит РБК.
Аҭыжьымҭа адыррала, актәи аетап аан Урыстәыла 15 ҳәынҭқарра рахь аԥырра азин ҟанаҵоит. Официалла ари аинформациа макьаназы ишьақәырӷәӷәам.
Аӡбра рыдыркылараны иҟоуп аҳәынҭқаррақәа Урыстәылантәи аҳаирпланқәа рыдкылара ианақәшаҳаҭхалак ашьҭахь.
Урыстәыла аҳаиртә ҵакыра анаркит хәажәкыра 27 рзы акоронавирустә ҭагылазаашьазы. Иԥыруаз аидаратә, аԥошьҭатә, асанитартә, агуманитартә реисқәа роуп.
Урыстәыла 458 нызқьҩык COVID-19 рыдбалоуп, 5,7 нызқьҩык рыԥсҭазаара иалҵит, 221 нызқьҩык ргәабзиара шьақәгылеит.
Акоронавирус иадҳәалоу ажәабжьқәа зегьы шәрыԥхьар ҟалоит абра>>
