Воуԥҳа COVID-19 аҟынтә аҽыхәшәтәразы: алшара змамкәа астационар ахь инеиуа маҷым

22
(ирҿыцуп 14:24 06.07.2021)
Аԥкракәа ачымазара маҷк иадымхаргьы аанкылара алшома, иабанӡеиқәшәоу аҳтнықалакь ахәшәтәырҭакәа, алаҵаҟаҵара аус шԥамҩаԥысуеи, абри атәы арадио Sputnik аефир аҿы еиҭалҳәеит Аҟәа ақалақь ахадара агәабзиарахьчара аусбарҭа аиҳабы Ирма Воуԥҳа.
Атәылауаҩи аиҳабыреи: Воуԥҳа Аҟәа COVID-19 иазкны

"Уажәы ачымазҩцәа рацәаҩхеит, иара ачымазара ахаҭагьы бааԥсхеит. Ауаа алшара рымаӡам аҩны аҽыхәышәтәра, убри аҟынтә ирҭахуп астационар ахь. Аҟәа макьана ҳаизхоит, аха ашьҭаҵарҭатә ҭыԥқәа ирыцаҳҵо ҳалагар, рымаҵ аура ҳахьӡаӡом. Иҟоуп амедицина аусзуҩцәа ачымазара зҽадызҳәалар зҭахымгьы", - ҳәа азгәалҭеит Воупҳа.

Алаҵаҟаҵара атәы дазаҭгыло Аҟәа ақалақь ахадара агәабзиарахьчара аусбарҭа аиҳабы иазгәалҭеит, иахьала даара ибзиан ишымҩаԥысуа.

"Алаҵа анҵәара ианалага аамҭазы ирацәаҩны ауаа асиа рҽанырҵоит. Ақьаадқәа еиқәыршәаны иҳамоуп, аха ҩымш рыла иара нҵәоит. Актәи ахәҭа ҳалгоит. Аҩбатәи макьана аҟаҵара ҳаҿуп. Актәи ҟазҵахьоу зегьы аҩбатәи ирызхартә еиқәыршәоуп", -лҳәеит Воуԥҳа.

Инеиҵыху аиҿцәажәара шәазыӡырҩыр шәылшоит аудиофаил аҿы.

22
Тенгиз Сабуа

Атәылауаҩи аиҳабыреи: Сабуа аӡаҿы ашәарҭадара иазырхоу хықәкылатәи апрограмма иазкны

13
(ирҿыцуп 15:04 22.07.2021)
Зышәагаа маҷу аӷбақәа ринспекциа аиҳабы Ҭенгиз Сабуа арадио Sputnik аефир аҿы еиҭеиҳәеит аӡаҿы ашәарҭадара иазырхоу хықәкылатәи апрограмма аус шадулахои, иазԥхьагәанаҭои ртәы.
Атәылауаҩи аиҳабыреи: Сабуа аӡаҿы ашәарҭадара иазырхо хықәкылатәи апрограмма иазкны

"Амшын аҟәараҿы иҟазар ауп аԥсеиқәырхаҩцәа анышь рыманы, аҽыкәабара ахьынӡаҟало аҟынӡа адыргақәа гылазароуп, аӡҭалаҩцәа есышықәса идрыцқьалароуп амшын аҵа. Иара убас аҽыкәабарҭатә плиажқәа рҿы иҟазароуп абираҟқәа еиуеиԥшым аԥшшәқәа змоу, иаҳҳәап, абираҟ ҟаԥшь кнаҳазар, усҟан аҽыкәабара азин шыҟамло атәы аҳәоит. Абри есышықәса ҳалацәажәоит амшынҭалара аамҭа ааиаанӡа, аха иназыгӡо маҷуп. Абарҭ зегьы нагӡазар, иӡааҟәрыло рхыԥхьаӡара еиҳа имаҷхоит. Аплиажқәа ииашаны реиқәыршәаразы апрограмма ахаҭа акәзар, уаҟа ианылоит хыхь исҳәаз аԥҟарақәа, уи аиқәыршәаразы, иара убас иадыԥхьалоуп ақалақь ахадацәеи аекологцәеи", - еиҭеиҳәеит Сабуа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

13

Атәылауаҩи аиҳабыреи: Ҷыҭанаа Аҟәа араион афымцалашаразы иақәу ауал иазкны

30
(ирҿыцуп 09:32 21.07.2021)
Аҟәа араион афымцалашаразы 40 миллион ауал ақәуп. "Амышеиқәафымцамч" араионтә ҟәша аиҳабы Даур Ҷыҭанаа арадио Sputnik аефир аҟны еиҭеиҳәеит алашаразы изымшәо ишрызныҟәо, амаининг ишаҿагыло атәы.
Атәылауаҩи аиҳабыреи: Ҷыҭанаа Аҟәа араион афымцалашаразы иақәу ауал иазкны

Шәазыӡырҩы аудио.

Иара убас шәаԥхьар ҟалоит:

30

Раионк аԥсҭазаараҟынтә: Габлиа Акаԥа ақыҭа иамоу ауадаҩрақәа ртәы

0
(ирҿыцуп 19:23 25.07.2021)
Акаԥа ақыҭа ахада Зураб Габлиа арадио Sputnik аефир аҿы еиҭеиҳәеит афымцалашареи амҩақәеи рзы ирымоу ауадаҩра атәы, иҳәеит анхацәа ирыбзазашьоу.
Раионк аԥсҭазаараҟынтә: Габлиа ақыҭа Акаԥа иамоу ауадаҩрақәа ртәы

Аиҿцәажәараҿы ақыҭа ахада иҳәеит уаанӡа аӡазы ирымаз ауадаҩра шаԥыху, уажәы изыргәамҵуаны иҟоу афымцалашара амчхара амаҷра шакәу.

"2014 шықәса рзы иргылан ашьаҟақәа. Уи аахас ацәаҳәақәа рыҟаҵара алмыршахеит. Ааигәа ҳақәдыргәыӷит ари апроблема шыӡбахо. Ҳара иаҳҭахуп 3 километра афымцатә цәаҳәақәа. Иахьа иҳамоу алашара амчхара даара имаҷуп, иҳазхаӡом", - ҳәа еиҭеиҳәеит Габлиа.

Акаԥа ақыҭа ахада иҳәеит амҩақәа рҭагылазаашьа уамак ишҽеим, убри аан ақыҭатәи ауахәама иаҭаауа рхыԥхьаӡара рацәоуп, аԥсшьаҩцәагьы уахь иналаҵаны.

"Ааигәа иҟаз амшцәгьаан амҩа еиҳагьы иԥхасҭахеит. Акомиссиа ыҟан, ирбеит, иаарласны аҭагылазаашьа аҽеиҭанакып ҳәа ҳақәгәыӷуеит", - ҳәа азгәеиҭеит Габлиа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

0