Нанули Басныкԥҳа

Хра злоу ахҭысқәа: Нанули Басныкԥҳа ақьаӷьариара иазкны

11
Хра злоу ахҭысқәа - иалкаау аполитикатә, асоциалтә, акультуратә хҭысқәа. Ҳара урҭ ҳрылацәажәоит, ахәшьара раҳҭоит, алкаа рзыҟаҳҵоит.
Хра злоу ахҭысқәа: Нанули Басныкԥҳа ақьаӷьариара иазкны

Агәыҳалалратә демографиатә фонд "Аԥсны" анапхгаҩы, ақьаӷьариа Нанули Басныкԥҳа (Сыҷынаа) арадио Sputnik аҟны еиҭалҳәеит адемографиа азҵаара ацхрааразы инарыгӡо аусурақәа ртәы, аҭаацәара алалара зҭаху, аха зықәра иахыԥахьоу шеибадырдыруа, убри аан ахацәа зышьҭоу аҭыԥҳацәа шаҟа рхыҵуазар рҭаху, урҭ рацәажәараан ирарҳәо атәы.

11
Абессалом Кварчия

Хра злоу ахҭысқәа: Кәарҷиа арасаарыхра иазкны

34
(ирҿыцуп 19:38 09.08.2020)
Арасаарыхра знапы алаку Абессалом Кәарҷиа арадио Sputnik Аԥсны аефир аҿы еиҭеиҳәеит араса анхаҩы ахашәала инаҭарц азы иҟаҵатәу, насгьы иарбан усуроу аҳәынҭқарра имҩаԥнагар акәу ари ахырхарҭала.
Хра злоу ахҭысқәа: Кәарҷиа арасаарыхра иазкны

Инеиҵыху аиҿцәажәара шәазыӡырҩыр шәылшоит аудиоподкаст аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

34
Валентина Халбад

Хра злоу ахҭысқәа: Ҳалбад аҵарадырра аҭагылазаашьазы

35
(ирҿыцуп 11:16 01.08.2020)
Хра злоу ахҭысқәа - иалкаау аполитикатә, асоциалтә, акультуратә хҭысқәа. Ҳара урҭ ҳрылацәажәоит, ахәшьара раҳҭоит, алкаа рзыҟаҳҵоит.
Хра злоу ахҭысқәа: Ҳалбад аҵарадырра аҭагылазаашьа азы

Аԥсны аҵареи абызшәатә политикеи рминистрреи Аҟәа ақалақь аҵара аусбарҭеи рыспециалист хада, ААУ арҵаҩ нага Валентина Ҳалбад арадио Sputnik аефир аҿы ашколқәа роушьҭымҭацәа рдыррақәа рыҩаӡара далацәажәеит.

Аԥснытәи Аҳәынҭқарратә университет адкыларатә комиссиаҿы сынтәа ирыӡбеит абитуриентцәа ирҭираны иҟаз аԥышәарақәа зегьыҵәҟьа дмырҭикәа ирыдыркыларц.

Атәылаҿ акоронавирус иадҳәалан иҟоу аҭагылазаашьала, авирус аламырҵәаразы ԥышәарада абитуриентцәа ҳадаҳкыларц ҳаӡбеит", - ҳәа Sputnik иазеиҭеиҳәеит ААУ аректор ихаҭыԥуаҩ Виктор Маланӡиа.

Иара убасгьы иазгәеиҭеит акороновирустә ҿкы иахҟьаны ашколқәа русура ахьеиԥҟьаз азы абитуриентцәа рдыррақәа ԥсыҽхеит ҳәа. Убри аҟынтә адкыларатә комиссиа иаӡбеит актәи асессиа ахыркәшамҭаз урҭ рдыррақәа реилкаара еиӷьуп ҳәа.

Сынтәа Аԥсны иреиҳаӡоу аҵараиурҭахь 668 арзаҳал рыдыркылеит.

Шәазыӡырҩы аудио.

Иара убас шәаԥхьар ҟалоит:

 

35
Ӡыдаҟәара

"Мышцәгьамзар аӡы зҭамло": Ӡыдаҟәара амаӡақәа

6
(ирҿыцуп 12:36 25.10.2020)
Отҳара ақыҭа иагәылсуа Ӡыдаҟәара иадҳәалоу ажәабжьқәа дырзааҭгылоит Sputnik аколумнист, афольклорист Есма Ҭодуаԥҳа.

Есма Ҭодуа, Sputnik

Аԥсны аԥсабара беиоуп аӡқәа, аӡиасқәа рыла. Урҭ рхыԥхьаӡараҿы иҟоуп ахьы ҭызго аӡқәа, егьырҭ аинерттә материалқәа ахьыҵухыр алшо, иара убас иуникалтәу аӡқәа: иаҳҳәозар, "зышьҭрахь игьежьуа аӡы" – аҵарауаа аԥсуа еставелла ҳәа изышьҭоу амшын иалало аӡы еснагь ҭыԥк аҿы шьҭахьҟа ихынҳәуа. Убри инаҷыдангьы иҟоуп зынӡаск аӡы зҭам аҟәарақәа. Урҭ иреиуоуп Оҭҳара ақыҭа еиҩызшо Ӡыдаҟәара. Иара амш цәгьа аныҟоу заҵәык ауп аӡы анҭало.

Аӡиасқәа
© Sputnik / Томас Тхайцук

"Ӡыдаҟәара ҳәа изышьҭоу – ари жәытә ӡиас ҭыԥуп. Ари аҟәара мышцәгьамзар аӡы зҭамло, аӡы ахьҭам азоуп Ӡыдаҟәара ҳәа изашьҭоу. Амш аныцәгьахо аӡы ҭалоит, амш аныбзиоу иҭабаны иҟоуп. Иара агеи-ашьхеи ашьапаҿынтәи аҩ-бахә рыбжьара иҟәрыԥшны иаауеит, Мҷышь аҭыԥ аҿынӡа иҩеиуеит", – ҳәа еиҭалҳәоит Оҭҳара инхо Ира Қапба–Ажьиба.

Ӡыдаҟәара аӡы ахьҭамло адагьы, ари аҭыԥ ашанақәа адырбалоит. Ишеиҭарҳәо ала, иара ахаҿы ахәаҟны ижуп хҩык аиҳәшьцәа, урҭ ҭынха ҳәа аӡәгьы дахьрымамыз аҟынтәи анышәынҭрагьы ҟаҵам, дара ҟәырҭлаххан, убра ииасуа ауаа ирԥырхагахоит. Урҭ рнеҩсангьы араҟа лассы-лассы Ӡызлан дырбалоит. Ус еиԥш ахҭыс ҟалеит уажә ааигәагьы.

"Абасоуми "N" дзибаз. Абри ацҳаҿ дааиуан, Ӡыдаҟәара абра ацҳа ахьху, абас дџыхӡа даацәырҵит, имҩа кны дылмышьҭуа далагеит, иара дшәан, дыҳәҳәо дыҩуа дшаауаз абра Мирабраа рашҭа дҭалеит. Уи нас ԥсыуаҵас аҭәҳәа ҟарҵеит, аҵыблаа ҟарҵеит. Дшәеит даара, игәы еиҭаԥеит, аха аҵыблаа аныҟарҵа, нас дыбзиахеит. Иара ацҳа ахаҿы, ахәаҿы Папцавақәак убра, хҩык аҳәсақәа аҟан, иԥсит, аӡәгьы дрымамызт, ахәы рмоузт, егьи рмоузт, иҟәырҭлаххеит дара. Убарҭгьы ауаҩԥсы убра данынабжьалалак иҩуа ишьҭалон. Нас абри иублыр бзиоуп рҳәан, аҭәа амца ацраҵаны ирблит, нас уаҳа ирымбо иалагеит", – ҳәа еиҭалҳәоит ақыҭанхаҩ.

Оҭҳара инхо узазҵаалак, ахәыҷы инаиркны иззымдыруа дыҟам Ӡыдаҟәара иамоу ашанақәа. Урҭ уи адырра адагьы агәра ргоит аилашәшәымҭаз уаҟа аиасра шыбзиам.

"Сабхәа дибахьан, лыхьӡ сҳәар сҭахым, Ӡызлан дкацәааит. Абас иааилашәшәуа џьара дыҟан даауан, аҟәара, ани ацҳа ахьыҟоу дҭаланы дзааиуаз аӡәы дџыхӡа иаԥхьа абас днагылеит. Нас иара инапы иҟьо, ишьапы иҟьо, дшәеит, аха анс ҟаиҵацыԥхьаӡа иара, дыҩны иаԥхьаҟа диасны дкәаҩӡа дгылон, ыыт ҳәа саныҳәҳәалак сашьҭахьҟа дгылон иҳәеит. Нас абас ҳзеикәагьежьуаз  мацара, ахәы сҩыхәнеит иҳәеит, ари закәызеи, баасышьҭымҵуеи ҳәа, абрагь сҩыхәнеит, ларгьы дсышьҭыҵит иҳәеит. Ашьҭахь абри ахаҵа дҟәашӡа абра дааит избаз ҳәа. Аҭыԥ бзиаӡам, уахынла акәым, иара ҽынлагьы убра сиасыр сҭахӡам сара, абас сакәшан сцоит, убри ацҳа ақәлара бзиа избаӡом", – ҳәа ҳалҳәеит Ира Қапба-Ажьиба.

Ӡыдаҟәара иху ацҳа
© Фото : Есма Ҭодуа
Ӡыдаҟәара иху ацҳа

Ӡыдаҟәара анашанара ари ала инҵәаӡом. Иара иаҿагылоу абахәраҿы ахаҳәқәа ирыбжьысны аӡы цқьа анлеиуа ыҟоуп, аӡрыжәтә ҳасабала. Аха уи аӡы цқьагьы есымша иаауам. Убри анаауа иақәшәаз ашықәсан дманшәалахоит, акгьы иԥырхагахом ҳәа иԥхьаӡоуп.

Анашанара ҳацәхьаҵуазар, аиашазы Аԥсны иамоу аӡы цқьақәа аӡрыжәтә ҳасабала рхархәара акыр ишхәарҭоу азгәарҭахьеит аҵарауаа, дара Аԥсны иқәынхо рзын мацара моу анҭыҵгьы аҭирҭақәа рахь инауго иҟауҵар ауеит. Аха иахьазы аӡымҩангагақәа рыҟамзаара иахҟьаны ақыҭақәа реиҳарак Ӡыдаҟәара иаҩызоуп – аӡы иаҿықәынхо, аха зыҩнаҭақәа рҟны аӡы змам – инашанаӡами ари?

 

6