Хра злоу ахҭысқәа: Дамениа Аҳәынҭқарратә бираҟ иазкны
Хра злоу ахҭысқәа: Дамениа Аҳәынҭқарратә бираҟ иазкны
Аршба: Аԥсны хырхарҭа рацәала иҟоу аспортаизак ҳмоур ҟалом
(ирҿыцуп 12:50 05.07.2020)
Аԥсны Аолимпиатә еилакы ахантәаҩы Валери Аршба арадио Sputnik аефир аҟны игәалаиршәеит 1980 шықәсазы Москва имҩаԥысуаз Аԥхынтәи Аолимпиатә хәмаррақәа, урҭ рҟны Аԥсны алагала атәы, убасгьы иҳәеит аспорт аҿиаразы лшарақәас иҟоу, хымԥада иҟаҵатәу.Хра злоу ахҭысқәа: Аршба Аԥсны аспорт арҿиара иазкны
"Аспортсменцәа хадацәа рганахьала ҩыџьа ыҟан: Саида Гәынба – аҵәыршәраҟны аҩбатәи аҭыԥ аанылкылеит, Виктор Санеев – аԥараҟны аҩбатәи аҭыԥ игеит, уаанӡа хынтә Аолимпиатә хәмаррақәа рҟны актәи аҭыԥ игахьан. Аспорттә еицлабрақәа рҟны иқәгылоз рнаҩсгьы фҩык аӡбаҩцәагьы ыҟан Аԥснынтә. Ауниверситет аректор, академик Алеко Гәарамиа абокс азы ӡбаҩыс дыҟан, асинхронтә ӡсаразы – Лиудмила Фокина, Николаи Аимхаа – абаидаркақәа рҟны ажәҩаҵышьара, аҽырыҩра аганахьала - Валери Барцыц, ашьапылампыл аҟны ӡбаҩыс дыҟан Анатоли Мильченко, Иура Ҷантуриа хә-хкык рыла аицлабрақәа рҟны ӡбаҩыс дыҟан", – иҳәеит Аршба.
Сынтәа 40 шықәса ҵит Москва Аԥхынтәи Аолимпиатә хәмаррақәа мҩаԥысижьҭеи.
Аицлабрақәа ԥхынгәы 19 инаркны нанҳәа 3-нӡа ицон. Зынӡа урҭ ирылахәын 80 ҳәынҭқарра рҟынтәи аспортсменцәа. Аолимпиадахь имнеиӡеит 65 ҳәынҭқарра рхаҭарнакцәа, Еиду Америкатәи аштатқәа, Канада, Ҭырқәтәыла, Аладатәи Кореиа, Иапониа уҳәа рҟынтәи. Дара асовет мчрақәа Афганистан ралагалара иаҿагылан.
Асовет Еидгыла еизгоу акоманда аофициалтә азеиԥшкомандатә еицлабрақәа рҟны актәи аҭыԥ ааннакылеит: 80 хьтәы, 69 раӡнытә, 49 џьазтә медалқәа. Аҩбатәи аҭыԥ ргеит Германиа Адемократитә республика аспортсменцәа - 47 хьтәы, 37 раӡнытә, 42 џьазтә медал, ахԥатәи аҭыԥ ааннакылеит Болгариа - 8 хьтәык, 16 раӡнытә, 17 џьазтә медал рыла.
Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.
Иара убас шәаԥхьар ҟалоит:
-
Ҳашыг еиҭеиҳәеит аԥсшәа иабзоураны Аолимпиада-80 аицлабрақәа руак Москва ишибаз
-
Саида Гәынԥҳа 60 шықәса дшырҭагылаз лыҧсҭазаара далҵит
Чамагәуа Аҟәатәи афизика-техникатә институт азы: Аԥсны аԥсҭазаара аԥсҭазаашьоуп
Хра злоу ахҭысқәа: Чамагәуа Аҟәатәи афизика-техникатә институт иазкны
"Алшара зцым аҿиара даара ицәгьахоит. Иахьа алшара аҟаларазы Аԥсынгьы, аинститутгьы, иарбан махәҭазаалакгьы аԥсы злаҭалаша аҭахуп. Аинститут аԥсы злаҭалаша ҳәа иаҭаху, аус зуа дныҟәгатәуп хыхьда-гәыхьда. Уаха исфо абаазгои, сҭаҳцәа зланыҟәызгои ҳәа иарбан усхкызаалак аҟны азҵаара анцәырҵуа, ҿиашьа амаӡам. Афизика-техникатә хырхарҭа аҭҵаараҟны аишәа уадтәаланы каламла иуԥшаауа даара имаҷуп аԥышәара ҟамҵакәа", – ҳәа азгәеиҭеит Чамагәуа.
Шәазыӡырҩы аудио.
Аҟәатәи афизика-техникатә институт еиҿкаан Асовет Еидгыла Аминистрцәа рхеилак ақәҵарала ԥхынгәы 1, 1950 шықәсазы, иара убасгьы уи ашықәсан ԥхынгәы 13 рзы Аминистрцәа реилазаара Ихадоу Актәи Аусбарҭа иҟанаҵаз Адҵала. Аинститут еиҿкаан Аҟәа ақалақьи Агәыӡера аҳаблеи рҟны иҟаз аҭҵаарадырра-техникатә обиектқәа "А", "Г" рышьаҭала. Урҭ аҩ-обиектк аԥҵан Атәылахьчаразы Аҳәынҭқарратә еилакы ақәҵарала 1945 шықәсазы.
Иара убас шәаԥхьар ҟалоит:
- Марколиа: Аԥсны арадиоактивтә материалқәа ыҟам
Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны
"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.
Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.
Иара убас шәаԥхьар ҟалоит:
- Аԥсны Қырҭтәылеи иареи рҳәааҿы аамҭала акоридор аанартуеит