Ветеран ОВНА Заур Бганба

Бганба Гагра араион аҭарцәра иазкны: аԥсҭазаара ҿыц ҳаузшәа ҳбеит

59
(ирҿыцуп 15:00 06.10.2017)
Аԥсны аџьынџьтәылатә еибашьра хырԥашьа шамам еилыркаауан, Жәлар Реидгыла Афоруми, Аԥсуа гвардиеи иалаз, аха уеизгьы ршьапы иқәнарҟьеит ажәабжь хлымӡаах. Аԥсуа хацәа хықәкыс ирыман, аӷа ақалақь далсны имшьҭра. Убри аҟнытә, аибашьра раԥхьатәи амшқәа рзы, Бзыԥҭа аҳаблан иаԥҵахеит аштаб.

Sputnik, Саида Жьиԥҳа.

Бзыԥҭа аҳаблан иааинырсланы иаԥҵахаз аштаб аиҳабыс дахагылеит Заур Рамшьыхә-иԥа Бганба. 25 шықәса рышьҭахь, Леон иорден занашьоу, аибашьра аветеран иаҳзеиҭаиҳәеит, уи ашьақәгылашьеи, ахықәкы хадеи ртәы.

"Аибашьра иалагаанӡа, Бзыԥҭа абнанхамҩаҟны аус зуон. Нанҳәа 14 аҽны, шьыжьнаҵы Пицундатәи абаӷәазаҟны, аӷба аидара ақәҵара саҿын. Ус, хара имгакәа, Гагра араион Ахадара аиҳабыс иҟаз Руслан Назим-иԥа Иазычба, Витали Ҳаразиа дааишьҭуеит, ақырҭцәа шҳақәлаз адырра ҳаиҭарц. Иаразнакгьы, араион Ахадарахь сдәықәлеит", — игәалаиршәоит аветеран.

Гагра зҽеидызкылаз аԥсуа хацәа, гәыԥ-гәыԥла дҵак-дҵак рзықәгылан. Џьоукы Цандрыԥшь ахырхарҭахь еихеит, егьырҭ Бзыԥҭаҟа.

"Аӷа идесант бџьарла еиқәных Цандрыԥшь ианӡхыҵ, аҩ-ганк еилацәажәеит, ақырҭцәа ахысра шааныркыло, ҳара ҳакәзар, Гагра иаланхо рмилаҭ ахаҭарнакцәа ҳшыркьымсуа ҳәа. Аха ақәылаҩцәа ражәа нармыгӡеит. Убри аҟнытә, Руслан Назим-иԥа сҿаԥхьа адҵа ықәиргылеит, Бзыԥҭа аштаб аԥысҵарц. Иара ибзианы еиликаауан, ампыҵахалаҩцәа ақалақь иалсыр, шьаҭанкыла Аԥсны рнапахьы ишааргоз", — иҳәоит аибашьҩы.

Бзыԥҭатәи аштаб хықәкыс иаман, иԥсы инха, уи ацәаҳәа аанкылара.

"Зегьы ибзианы ижәдыруеит, аибашьра ианалага абџьар азы даара ҳашӷарыз. Уи аԥхьаҟа, Жәлар Реидгыла Афорум аҟны иаԥҵаны иҳаман агәыԥ ҷыда. Ақырҭцәеи ҳареи ҳшеиҿагылоз ҳдыруан аҟнытә абџьар аахәара ҳалагахьан. Убас иҳамаз ҳхы иархәаны, агвардиа алахәцәа ҳавтоматқәеи, ахацәа рышәарыцага шәақьқәеи ҳабжьара ишаны, ацәаҳәа ахьчара ҳалагеит", — еиҭаиҳәоит Заур Бганба.

Уи аамҭазы, Урыстәыла иатәыз Гәдоуҭатәи архәҭа иақәлаз аԥсуаа, бџьарла еиқәных Бзыԥҭаҟа инеиуа иалагеит.

"Аштаб аҭакԥхықәра ду адын. Аибашьцәа рыԥсадгьыл ахь ирымаз абзиабареи агәыбылреи ирылҵшәахеит, бџьарлеи, уаҩытәыҩсалеи зқьынтә иҳаиҳаз аӷацәа раанкылара. Аҳәара уадаҩуп, раԥхьаӡа ақырҭуа итехника хьанҭа аҭархара анҳалша ҳгәаҵаҿы ииз ҵҩа змамз агәырӷьара атәы. Сара аштаб аиҳабы иаҳасабала, даара срызхьаауан ҳаибашьцәа. Доусы иԥсҭазаара сахӡыӡаауан",— иҳәоит аветеран.

Есааира Бзыԥҭатәи аштаб харҭәаахо иалагеит. Уи шьақәгылан 16-ҩык рыла.

"Сергеи Платон-иԥа Дбар аштаб ахь данаарышьҭ, ишьақәгылеит Бзыԥҭатәи ахыхьчаратә хырӷәӷәарҭа. Иара ар ус дазҟазан аҟнытә, зегьы ҳгәы шьҭыҵит", — игәалаиршәоит аибашьҩы.

Аибашьра раԥхьатәи амшқәа рзы, шьхала Бзыԥҭаҟа илбаауа иалагеит Нхыҵ-Кавказынтәи ахатәгәаԥхаҩцәа. Ақырҭцәа аҽазышәарақәа мҩаԥыргон урҭ рымҩа аанкыларазы, аха ирықәҿиуамызт.

Жьҭаара 2 рзы, ажәыларатә план инақәыршәаны, аԥсуа гәыԥқәа Гагра ахырхарҭахь еихеит.

"Гагратәи ажәыларатә план ашьақәыргылаҩцәа дыруаӡәкын Сергеи Дбар. Гена Ҷанбеи иареи рылшамҭа ӷәӷәоуп ари аоперациаҟны", — инаҵшьны иазгәеиҭоит аветеран.

Ҽнак ала ақалақь ҭарцәны, аԥсуа еибашьцәа рҽеидыркылеит аԥсшьарҭа ҩны "Украина" аҿаԥхьа. Абрантәи, араион аӷа далцо, жьҭаара 6 рзы Ԥсоу аҳәааҟынӡа инаӡеит.

"Гагра араион аҭарцәра ҳгәы шьҭнахит, аԥсҭазаара ҿыц ҳаузшәа ҳбеит. Ахаҵа илаӷырӡ каиҭәом рҳәоит, аха убри аамҭазы аҽаанкылара уадаҩын", — раԥхьатәи аиааира игәалаиршәоит аибашьҩы.

Араион ахақәиҭтәра ашьҭахь, Владислав Арӡынба идҵа инақәыршәаны, Заур Бганба Гагратәи арратә горнизон аиҳабы ихаҭыԥуаҩс дыҟан. Уи инаваргыланы, араион Ахадара аиҳабы ихаҭыԥуаҩс.

"Гагратәи аиааира ашьҭахь, шықәсык ааҵуаны ауп, Аԥсны шьаҭанкыла ахы ианақәиҭтәха. Уи аамҭазы даара иуадаҩын араион аҟны иҭышәынтәалоу аҭагылазаашьа аԥҵара. Мызла аӡыи афымцалашареи ыҟамызт. Аус зҳаруадаз, Гаграа зегьы ԥхьаҟа ажәыларақәа рахь ицон. Саргьы, аамҭа-аамҭала агорнизон ааныжьны сҩызцәа срыцны аоперациақәа схы рыласырхәуан", — иҳәоит Заур Бганба.

Гагра араион ахақәиҭтәра ашьҭахь, ақалақь ахь игьежьуа иалагеит аҭаацәарақәа. Урҭ ршәарҭадара иахылаԥшуан амилициа аусзуҩцәа, аҟәарахьчаҩцәа. Иарбан акоминданттә аамҭа. Гагратәи агорнизони, араион Ахадареи рымч еибыҭаны ирылдыршеит аобектқәа реиқәырхара. Гәымсҭатәи афронт ацәаҳәа нахыс ишьаарҵәыраз аибашьра шцозгьы, иаҳлахьынҵахоз шеилкаамызгьы, Гагра араион аԥсҭазаара азырхынҳәразы аусура мҩаԥысуан. Убри аҿы, ааԥсара ду збаз дреиуоуп Заур Бганбагьы. Иара иахьагьы, Гагра араион Ахадара аиҳабы имаҵураҿы илшо зегь ҟаиҵоит иуаажәлар рзы.

59
Атемақәа:
Гагра ахақәиҭтәра 25 шықәса ахыҵра (10)
Уроки абхазского языка

Зхатәы ззымыхьчо даҽаӡә итәгьы изыхьчом…

148
(ирҿыцуп 16:34 09.07.2020)
2007 шықәсазы Аԥсны ирыдыркылаз "Аҳәынҭқарратә бызшәазы азакәан" иахьа уажәраанӡа анагӡара ахьамам уи зхатәы бызшәоу рзинқәа реилагара шаанаго атәы далацәажәоит Sputnik аколумнист Елеонора Коӷониаԥха.

Заҟа ҵуазеи Аԥсны аҳәынҭқарратә бызшәа иамоу аԥықәсларақәа ртәы ҳҳәоижьҭеи, заҟа ҵуазеи 2007 шықәсазы ирыдыркылаз "Аҳәынҭқарратә бызшәазы азакәан" ахәҭаҷқәа шеилаго атәы ҳалацәажәоижьҭеи? Ҳалацәажәоит, аха азҵаатәы ишақәнагоу ахаҵгылара арҭом аҳәынҭқарра амаа зку.

Ари азакәан анрыдыркылозгьы, изҳәоз маҷҩымызт, аус ауа ишыҟамло, еиҳаракгьы ауаажәларра агәра агара рцәыуадаҩын азакәан 2-тәи ахәҭаҷ аҿы иарбоу "ачынуаа аҳәынҭқарратә бызшәа рдырроуп" зҳәо нагӡара шамоуа, избанзар амчраҿ иааиуа анапхгаратә ҭыԥқәа ршараан, хшыҩзышьҭра зырҭо апартиатә дгылара ауп. Убри аамҭазы, апартиа иадгыло рахьынтә еснагь амаҭәар здыруа, абызшәа здыруа еиҿыбааны изыҟалом, аиааира агоит "абызшәа изымдыруазарагьы ҳара даҳтәуп" захьӡу аилкаара.

Абар 13 шықәса ирықәуп, абызшәа азакәан баша ақьаад иазынханы иҟоуижьҭеи, аха уи ахьынагӡам азы партиакгьы абжьы аргом. Иҳаҩсыз алхрақәа рыламҭалазы,  2020 шықәса хәажәкыра 19 рзы ителехәаԥшратә пресс-конференциаҿы Аԥсны ахадас иалху Аслан Бжьаниа аԥсуа бызшәа арҿиаразы гәҭакқәас ишәымоузеи ҳәа иоуз азҵаара абас аҭак ҟаиҵет: "Ҳара ҳахәаԥшуеит ирыдыркылахьоу азакәан аус шауа, иҟалап уи азакәан ахәҭақәак аԥсахрақәа ралагалара аҭаххар. Иахәҭоуп аԥсуа бызшәа арҵара еиҳа ирцыхцыхзар".

Бжьаниа иазгәеиҭеит аԥсуа бызшәа арҵаҩцәа рулафахәы еиҳазар шахәҭоу егьырҭ ирҿырԥшны иаҳгозар. Абри адагьы, Бжьаниа иҭак аҿы иазгәаҭан иаԥсыуам ашколқәа рҿы аԥсуа абызшәа арҵаҩцәа разымхара апроблема шыҟоу. Абарҭ зегь ҳрыԥшны иаҳҳәозар, аԥсуаа ҳбызшәа аҵгәара зҭаху акәны иҟоуп. Уи ныҟәызго, изхатәы бызшәоу аԥсуаа – ззинқәа еилагоу милаҭуп.

Аԥсны аус зуа омбудсмен иинститут ҳазааҭгылозар, раԥхьаӡа акәны Жәлар реизара адепутатцәа рҿаԥхьа рашәара 29, 2020 шықәсазы урысшәала ажәахә ҟалҵеит иахьатәи ахада Асида Шьаҟрылԥҳа. Омбудсмен улықәшаҳаҭымхар ҟалом, ҳтәылаҿы ауаҩы изинқәа реилагарақәа рҿы иахьалылкааз аҳәса рганахь "агәакьацәа рҟынтәи имҩаԥысуа ахалахьырхәра" анаҩсан, Аҩныҵҟатәи Аусқәа рминистрра ахаҭарнакцәа "абаандаҩцәа рырҳәацәара, иргәаҟны рышьра" рхы ишақәнадырго атәы ахьцәырылго. Абарҭқәа рыдагьы, Гал араион аҿы иҟоу азинеилагарақәа ртәы дазааҭгыло, урысшәала ажәахә ҟазҵоз омбудсмен инаҵшьны иазгәалҭеит араион аҿы аҵара аҵаразы ауаатәҩыса рзинқәа шеилагоу.

"2015 шықәса раахыс галтәи ашколқәа рҿы аҵара урысшәалоуп ишымҩԥысуа. Араион аҿы аурысшәа ибзианы иахьырзымдыруа, дара арҵаҩцәагьы налаҵаны, амаҭәарқәа рышьҭкаара рцәыуадаҩуп аҵаҩцәа", – ҳәа азгәалҭеит омбудсмен. Ари ахҳәаа азаҳуазар, ҳазымхәыцыр ауам, галаа рзы хатәы бызшәас иҟоу агыршәа шакәу, ақырҭшәа дара еиҳарак ашкол аҿы акәын иахьрыдыргалоз. Издыруада, еиҳа иҳақызҭгьы, агырқәа наџьнатә аахыс изызхәыцуаз, аха ирзынамыгӡаз ахатә ҩыра аԥҵара апроект зхароу Қырҭтәыла шакәу азгәаҭазҭгьы.

Араҟа иаахтны иҳәамызт, иабантәаагатәу қырҭшәала еиқәыршәоу арҵага шәҟәқәа? Қырҭтәылантәи, мамзрагьы аԥсуа ҳәынҭқарра ахы иалнаршар акәу?! Зегьы иаҳдыруа усуп, Қырҭтәыла иҭрыжьуа арҵага шәҟәқәа ридеологиа хырхарҭас иамоу "Аԥсны Қырҭтәыла ишахәҭаку" шакәу, ус анакәха, галаа аинтеграциа рзура аҭыԥан, Егры нырцәҟа рхы ҳархома? Омбудсмен галаа рзинқәа данырзааҭгылоз, илымҩатәны акәзаргьы иазгәалымҭеит Аԥсны ишеилагоу аԥсуа бызшәа изхатәы бызшәоу рзинқәа.

Хыхь зыӡбахә сымаз Аслан Бжьаниа ипресс-конференциа сазыгьежьуазар, абас иҳәеит: "Аҳәынҭқарратә бызшәа адырра цхыраагӡазароуп ауаҩы дчынуаҩхарц иҭахызар, аҳәынҭқарратә усбарҭақәа рҿы дҟаларц азы". Алхрақәа рышьҭахьтәи аҭагылазаашьа ҳахәаԥшуазар, аԥсуа бызшәа азакәан 2-тәи ахәҭаҷ уаанӡеиԥш еилагоуп, Аминистрцәа реилазаара ашьақәыргылараан инеиԥынкыланы аҳәынҭқарратә бызшәа здыруа ракәӡам аҭыԥқәа здыргалаз. Аминистрцәа реилазаара аилатәарақәа ҳрызхьаԥшуазар, аҷҷаҳәа урысшәала имҩаԥысуеит, аԥсшәа ацәаара уарла-шәарла иаҳбоит.

Ганкахьала ҳацәыԥхашьоит азакәан иану ахәҭаҷқәа рыԥсахра, даҽа ганкахьала – аҭыԥ зҭатәу ргәы нмырхакәа, абызшәа рзымдыруазаргьы ркабинет иҩнартәатәуп.

Исҳәарц сылшоит, ҳарҭ зхы иаӷоу милаҭуп ҳәа, избанзар, адунеи аҿы збызшәа зцәыӡхьоу амилаҭқәа реиҭашьақәыргылара хықәкыс ианрымоу, ҳара еиқәырханы иҳамоу арԥсыҽра ҳаҿуп. Аҳәынҭқарратә бызшәазы азакәан 2-тәи ахәҭаҷ иаҳәоит: "Амчратә усбарҭақәа, урҭ ирыҵаркуа аструктурақәа рхадацәеи, Жәлар реизара адепутатцәеи, аҭыԥантәи ахаланапхгаратә усбарҭақәа рхадацәеи ирдыдырц, рхы иадырхәаларац рыхәҭоуп аҳәынҭқарратә бызшәа". Ақьаад иануп, аха аԥсҭазаара уи аларҵәашьа амоуит… Абраҟа иарабоу абзац аусура иалагар акәын 2015 шықәса ажьырныҳәа 1 инакны. Иахьа ҳара ҳанхоит 2020 шықәсазы, аха ари ахәҭаҷ ус ишрыдыркылаз иаанхеит…

Аԥсуа бызшәа адырра иунаҭо алшарақәа
© Sputnik Леон Гуния
Аԥсуа бызшәа адырра иунаҭо алшарақәа

Автори аредакциеи ргәаанагарақәа еиқәымшәозар ҟалоит.

 

 

148
Абхазский долгожитель

"Данаҟаи даауеит": Аԥсни Ҭырқәтәылеи еицырдыруа Ашәы Данаҟаи иҭоурыхқәа

292
(ирҿыцуп 19:06 05.07.2020)
Иуа Коӷониа ипоемақәа руак ззикыз, ахаҵара ду злаз Ашәы Данаҟаи иҭоурых Сырма Ашәԥҳа лматериал аҿы.

Cырма Ашәԥҳа, Sputnik

Ашәы Данаҟаи иӡбахә, ифырхаҵара, иахьа уажәраанӡа ҳажәлар инеимдаа-ааимдо еибырҳәоит, аҭоурых иазынхеит. Дазусҭада Ашәы Данаҟаи, избан ас еиԥш дыхьӡыртәны изихцәажәоз? Уи атәы дазааҭгылоит афилологиатә ҭҵаарадыррақәа ркандидат, аҵарауаҩ Арда Ашәба.

"Усҟантәи аамҭазы нхыҵи аахыҵи ақәыларақәа аныҟаз, ажәлар анеимырҵәоз, Ашәы Данаҟаи ицәшәаны уаҩ дзахыҵуамызт, убриаҟара ахаҵара илан. Ижәлар ихьчон, ихы ӡыригомызт, "соуп" зҳәоз ахацәа дрыжәлон", — ҳәа азгәеиҭоит аҵарауаҩ.

Иуа Коӷониа ипоемақәа руак Ашәы Данаҟаии Аҟарач Бакәыкәи ирзикхьан. Иуа ажәлар рҿы иаҳахьаз Данаҟаи изкыз аҳәамҭақәа ирылхны иаԥиҵеит апоема. Данаҟаи, нхыҵ аҟарачқәа рҿы Бакәыкә ҳәа иҟаз амагәшьхәа дҭаицалахьан.

"Абжьыуаа рашәаҳәаратә хор "Нарҭаа" Илиа Соломон-иԥа Ашәба напхгаҩыс дызмаз, агастрольқәа рахь ианцоз быргк иҳәо абас иаҳаит: "Шьыбжьонла ҳҭаацәа ҳанздмырцәалак, "Данаҟаи даауеит" ҳәа ҳдыршәон", — иазгәеиҭоит Арда Ашәба.

Ҭырқәтәыла инхо аԥсуаа рҟны Данаҟаи Ашәба ихьӡ камыршәӡакәа иааргоит.

"Аԥсны ҳара ҳаԥсадгьыл ауп. Аха атәымџьара анхара ҳазшаз ҳалахь ианиҵеит. Аԥснаа, ҳаԥсадгьыл зыхьчаз, сшәыкәыхшоуп. Гәадурас шәҳамоуп, шәыгәхьааҳгоит. Сара сықәрахь снеихьеит. Сыԥсы ахьынӡаҭоу сыԥсадгьыл сықәыԥшыр сҭахуп. Ашәы Данаҟаи имаҭа соуп сара. Ашәба Данаҟаи сабду иаб иоуп. Сабду Мырза ихьӡын, Мырза иаб иоуп Данаҟаи", — ҳәа иаҳзеиҭеиҳәеит Ҭырқәтәыла, Џьгьарда ақыҭа инхо, хылҵшьҭрала Данаҟаи Ашәба изааигәоу, 95 шықәса зхыҵуа Феҳми Ашәба.

Ашықәсқәа цоит иниакәкәа. Аамҭақәа реиҭасра акәзар, аҭоурых иазынхоит. Аиҳабацәа иргәаладыршәоит, ирхадыршҭуам рабацәа, рабдуцәа ирхыргаз аҭоурых. Нхыҵи аахыҵи Ашәы Данаҟаи дыхьӡыртәны ифырхаҵара аӡбахә иалацәажәоит.

Феҳми Ашәба игәалаиршәоит:

"Данаҟаи ихьӡ иадҳәалоу рацәоуп, изку иашәақәа ыҟоуп. Данаҟаи нхыҵи аахыҵи дыбжьан, дҳәынҷон. Ҽнак аҳак иҩны давсуан. Аҳ сасцәақәак шиҭаз ибеит. Иангәеиҭа, иҽы аӷәра аҵәҩан аҟны иаахишьын, дыҩхалан асасцәа рымаҵ иуа далагеит. Аҳәа идҳәалоуп, аԥынҵа аҭра кылнаҵәан, аԥынҵагьы кылыҳәҳәоит. Аҳ исасцәа иџьаршьеит, "ари аҷкәын дызусҭада, ани иаҳәызбала иҟаиҵозеи?" - ҳәа датәамбаӡо иазҵааит. Ари Ашәы Данаҟаи иоуп рҳәеит", - аҭоурых ашьҭа дазхьаԥшуа дҳацәажәон абырг.

Данаҟаи ифырхаҵара ԥыршәарц азы аҳ исасцәа аизара мҩаԥыргарц рыӡбеит.

"Ауаа еизеит. Данаҟаи аҳ ицә ахәда дадырсуеит. Иаҳәа ааҭихын, анахәҭа зкыз икышьа игәамԥхазт, Рыӷәриа Шьаабан ҳәа дыҟан, анахәҭа уи инаииркит. Арҵәааҳәа дыҳәҳәаны ацә ахәда данлас, уи ахы ахәда зкыз иааигәыдҳалеит. Зныкала днасны ахәда хиҵәеит Данаҟаи", - иҳәеит ажәабжьҳәаҩ.

Феҳми иабду иашьа Ҭырқәтәылантәи Аԥсныҟа дцахьан. Уа иаб иаҳәшьа дыҟан, даанхеит. Ауха еицдыршеит, рызхара изеибамбауа. Аҟыз рацәаны илыман лара. Иаб иаҳәа Аԥсны инханы иҟан, уи ааилыркын, лҟызқәа руак ахәда хиҵәарц иалҳәеит.

"Аҳәа цырцыруа ианыск иҳәеит Гәызиа, ҩба-хԥа рыхәда зныкала ихысҵәап сгәахәын, иркаланы сласит иҳәеит. Ахәы аалпып-аалпыпын, инцәыҵых-аацәыҵаххын, игыланы ицеит аҟыз. Саб иаҳәшьагьы ашәхымс дықәтәаны дааԥшуан, нас алақмар ҳәаны аҵәыуара далагеит", - иҳәеит Феҳми.

Гәызи иҟалаз изеилымкааит, иаб иаҳәшьа алақмар ҳәаны дызҵәыуоз џьеишьеит. Нас, даалыԥхьан, дналыдлыртәалеит.

"Абри аҳәа уаб Данаҟаи итәуп. Абри ала иҟаиҵақәахьоу рацәоуп. Уара ҟызк ахәда узхымҵәеит, алақмар абасымҳәо", - лҳәазаап.

Аԥсны инхо абырг, Аџьынџьтәылатә еибашьра ду аветеран, шәышықәса ирзааигәоу Леуарса Ашәба, иабду иҟынтәи игәалашәоит Ашәы Данаҟаи иӡбахә.

"Сара сабду Ҳасани Данаҟаи еицныҟәон. Данаҟаи иҩыза Ашәба дыҟаӡам. Убриаҟара амч иман, аилкаагьы иман. Данаҟаи ирахә ахьгылаз аҟарач днеин, иԥцаны иманы ддәықәлеит. Ахьшьцәа аӡә дыбналан, Данаҟаи адырра ииҭеит. Данаҟаи апҟеҩҳәа дишьҭалан дихьӡеит, ибжьы иқәиргеит: "Ухылԥа алаба иахаҵаны уҩах", - ҳәа. Ихылԥа алаба инахаҵаны данҩаха, ихылԥагьы алаба ахгьы аахиҵәеит, ирахәгьы иргьежьит шьҭахьҟа", - иҳәеит абырг...

Ашәы Данаҟаи илеишәа бааԥсын, ахаҵара илан. Иԥшәма ԥхәыс д-Аӡынԥҳан. Мышкы иеимсы тлан, иԥҳәыс иналымҵаиршәит, иӡахны инаилҭарц. Акыраамҭа дааԥшит, далгазаргьы, далгеит анигәахә, илҭарц леиҳәеит. Аха, лара аҭакс "исымӡахӡац", — ҳәа наиаҭалкит. Игәы ааԥжәан, иеимаа аалымихын, ус ишыҟаз инаишьаҵаны дцеит ҳәынҷара. Данаауаз Езыгәԥҳак иҽы ахәда дықәкны диманы дааит.

Абас еиԥш ирацәоуп Ашәы Данаҟаи идҳәалоу ахҭысқәа. Ажәлар рҿаԥыцтә рҿиамҭақәа иргәыласоу ажәабжьқәа ахааназы ԥсра рықәым, ԥсра шрықәым еиԥш дара зырҿио ахаҿсахьақәа.

Иара убас шәаԥхьар ҟалоит:

292

Аслан Бжьаниа дырҭааит аполигон Ҵабал аҿы Урыстәылеи Аԥсни рыруаа рҽазыҟаҵарақәа

1
Хнызқьҩык инарзынаԥшуа Урыстәылеи Аԥсни рыруаа рҽазыҟаҵарақәа ирылагеит ԥхынгәы 8 рзы.

АҞӘА, ԥхынгәы 10 - Sputnik. Аԥсны ахада, Аԥсны арбџьармчқәа рыдҵаҟаҵаҩ хада Аслан Бжьани аполигон Ҵабал имҩаԥысуаз Урыстәылеи Аԥсни рыруаа рҽазыҟаҵарақәа дырҭааит ҳәа аанацҳауеит атәыла ахада ипресс-маҵзура.

  • Аслан Бжьаниа дырҭааит Урыстәылеи Аԥсни рыруаа рҽазыҟаҵарақәа
    © Foto / пресс-служба Президента Республики Абхазия
  • Аслан Бжьаниа аицҽазыҟаҵарақәа ахәшьара бзиа риҭеит
    © Foto / пресс-служба Президента Республики Абхазия
1 / 2
© Foto / пресс-служба Президента Республики Абхазия
Аслан Бжьаниа дырҭааит Урыстәылеи Аԥсни рыруаа рҽазыҟаҵарақәа

 

Бжьаниа аҽазыҟаҵарақәа рымҩаԥысшьа бзиоуп ҳәа азгәеиҭеит.

"Аиҿкаара ҳарак аман имҩаԥысуеит ауснагӡатә. Архәҭақәа реинырра аус адулан. Избаз сгәы иахәеит. Атәыла анапхгара ԥхьаҟагьы асеиԥш иҟоу ҳарбџьармчқәа рырӷәӷәара иазырхоу аусқәа рымҩаԥгара адгылара арҭалоит", - иҳәеит атәыла ахада.

Мҽхакыҭбаалатәи аҽазыҟаҵаратә уснагӡатәқәа мҩаԥысуан аполигонқәа Нагвалоуи Ҵабали.

Иара убасгьы аҽазыҟаҵарақәа ирыцҵан Амшын еиқәа аԥшаҳәаҿы. Амотохысцәеи аҳауаҽацәыхьчаратә ҟәшақәеи, аԥшыхәцәеи, артиллеристцәеи ахыхьчаратәи ажәыларатәи усқәа аус рыдырулеит.

Иааидкыланы аҵара-ҽазыҟаҵарақәа ирылахәуп 3 нызқьҩык аруааи 300 ак арратә техникеи.

Иара убас шәаԥхьар ҟалоит:

1