Еиҩызцәахаз аблогерцәа хҩык, мамзаргьы Инстаграм ауаа шеиднакыло

114
(ирҿыцуп 18:10 25.01.2020)
Сынтәа жәашықәса ахыҵуеит адунеи аҿы ахархәара ду змоу асоциалтә ҳа Инстаграм. Аҵыхәтәантәи ашықәсқәа рзы ҳтәылаҿгьы зхатә блог мҩаԥызго ахархәаҩцәа цәырҵит. Инстаграм ала ухы узныҟәгома? Аинтерес аҵоума? Иабанӡауадаҩу? Хҩык аԥсуа блогерцәа арҭ азҵаарақәа ирылацәажәеит.

Аинар Ҷыҭанаа, Sputnik

Уаҳа ус рымамкәа иҟам

Саид Инаԥҳа "Abhaz Ora" абжьаратә школ даналга, арратә ҵараиурҭаҿы иҵара иациҵарц иӡбеит, арра анихига ашьҭахьгьы, аамҭак азы аҳәынҭқарратә усбарҭақәа рҟны аус иуан. Дук мырҵыкәа арԥыс инапы злакыз азанааҭ игәы анахшәа, ԥыҭраамҭак аҳҭнықалақь аҟны машьынарныҟәцаҩыс аус иуан. Саид иажәақәа рыла, иара еснагь игәы инаҭон урҭ азанааҭкәа иара ишицәыхароу, ихы ахьизыԥшаауа, агәалаҟарагьы изҭо аус зынӡаск урҭ шракәым.

2019 шықәса алагамҭазы иара иусура ааныжьны асоциалтә ҳа Инстаграм аҟны идаҟьа аус адиулаларц иӡбеит. Лассы-лассы уахь иҭаигало, ахәаԥшцәа злеизиго тема хаданы ишьҭихит алаф – иара игәанала зегьы еилыркаартә еиԥш иласу, узырлахҿыхуа.

Вартан Мумџьиан диит Аҟәа, далгеит Аԥснытәи Аҳәынҭқарратә университет. Дбиохимикуп, изанааҭ хада ала аус иуеит. 2016 шықәса инаркны Вартан асоциалтә ҳа Инстаграм аҟны "Наш Сухум" ҳәа хьӡыс измоу адаҟьа аԥҵаны имоуп. Иахьатәи аамҭазы уи иаҵаҩу ахархәаҩцәа рхыԥхьаӡара 16 нызқьҩык ирҭысхьеит.

Аблогер иажәақәа рыла, зхы иақәиҭу аамҭа анимоу бзиа ибаӡом аҟнытә, еснагь акы дазкызар иҭахуп. Иара убас Вартан иазгәеиҭеит Аԥсны аԥшӡара атәым милаҭқәа рхаҭарнакцәа иргәаԥхартә еиԥш дырбара хықәкы хадас ишимоу.

Посмотреть эту публикацию в Instagram

Отзыв от @_starovoytov У кого-то год начался с доедания прошлогодних салатов, а мы двинули в прекрасную малолюдную и зимнюю Абхазию. С погодой повезло, она была прекрасная +11-13 в городе и до +2 в горах, солнечно, ясно, кайф! Впечатления просто зашкаливают, виды, озера, горы, энергетика, все это просто нереально передать! Кстати не меньше чем с видами и погодой повезло и с крутейшим гидом по Абхазии @nash_sukhum , во время экскурсий которого не было никакой монотонности, скуки и шаблонности, за что ему отдельное спасибо! Отдельный пунктик это еда, ооооо да, это волшебно) Хинкал по 20 рублей за штуку, да и еще и такой, что съев 4 штуки ты понимаешь, что большего тебе и не нужно - это просто потрясающе, всевозможные хачапуры, рулетики из баклажан, мясо-по-Абхазски я даже не буду перечислять больше) Ну а рынок это просто бомба! Вино, приправы, мандарины по 30 руб./кг, желтющииииие лимоны, обязательно сыыыыр, на сыре остановлюсь поподробнее). И так, если залетите в Сухум (а это действительно нужное мероприятие), то центральный рынок, 2 этаж, место 52, там вас будет ждать просто шикааааарнейший домашний сыр, который готовит Мама Вартана @nash_sukhum , благодаря которому и удалось поглазеть на все то великолепие, которое откроется и Вам, если вы приедете в Абхазию. #Абхазия #Сухум #trip #holidays #отзывыnash_sukhum #турывабхазии

Публикация от Экскурсии Гид Трансфер Абхазия (@nash_sukhum)

"Ҳара аӡәы ҳиаԥысып, мамзаргьы аӡә иаасҭа еиӷьны акы ҟаҳҵап ҳәа ҳаихаӡом. Иаҳгәаԥхо, ҳгәалаҟара шьҭызхуа аус ҳаҿуп, убри ауп зегь раасҭагьы ихадоу", - иазгәеиҭеит Вартан. 

Арҭ аҩыџьа ҩызас даарывагылеит Александр Мурузиди. Иара амилаҭ кәашарақәа рхырхарҭала ахореографиатә ҵараиурҭа далгахьеит, аха иахьатәи аамҭазы иҩызеи иареи еиҿыркааз аҩныргыларатә наплак маҷ ауп ихадоу иусура. Аамҭак азы ихатәы студиа аартра гәҭакыс ишимазгьы, Александр кәашаҩык иаҳасабала иҵегьы аизҳара иҭахымхаӡеит.

"Чарак аныҟоу, мамзаргьы аиҩызцәа џьара ҳанааидтәалало, ахьышәҭҳәа саақәланы скәашартә сыҟоуп. Схазы издыруаз, уи акгьы исԥырхагам", - длафуеит иара.

Хҩык "р-хаип"

Арҭ ахҩык Инстаграм ишеибанардырыз, аусеицура ишаланагалаз абас ауп.

Иаҳхысыз ашықәс нанҳәа 7 рзы гәыԥҩык аҿар амҩатә машәырқәа ирҿагылаз акциа Аҟәа имҩаԥыргеит. Амашьынақәа ирыддырҷаблоз абӷьыц хәыҷқәа зықьцыра аҿар амҩақәа рҟны аццакра ишаҿагыло аарԥшра акәын хықәкы хадас ирымаз. Ари аусмҩаԥгатә ателехәаԥшреи, асоциалтә ҳақәеи, аинформациатә хархәагақәеи рҟнытә азхьаԥшра бзиа аиуит.

Посмотреть эту публикацию в Instagram

⚠Дорогие друзья!⚠ ⠀ Спешу порадовать Вас очередной хорошей новостью. ⠀ Совсем недавно, сидя за чашечкой кофе, с другом @gor_armenovich обсуждали ситуацию на наших дорогах. Думали, что бы сделать полезного, чтобы повлиять на автовладельцев, в какой-то степени заставить их задуматься и быть аккуратнее за рулем. ⠀ 🔺Социальная реклама в виде наклеек на заднее стекло машины🔺 ⠀ Идея хорошая, но чтобы получить хоть какой-то результат, необходим большой тираж. ⠀ Было решено обратиться к главе государства, нашу идею он поддержал. ⠀ Ребята, наша работа в процессе, совсем скоро наклеечки будут напечатаны, и мы на следующей неделе сможем провести нашу акцию: ‼️Аҧсны - без ДТП!‼️ ⠀ Мы думаем, многие из Вас будут неравнодушны к такому благому делу. Если будет желание оказать содействие в реализации общественно полезного дела (расклеивание на транспорт наклеек) — милости просим в директ. ⠀ Спасибо, что Вы с нами! 🙌🏼 ⠀ Мира и добра всем нам!♥️🙏🏼

Публикация от Экскурсии Гид Трансфер Абхазия (@nash_sukhum)

Уи аҽны инаркны Инстаграм аҳәаақәа рҟны аусеицура иалагеит уаанӡа еибазымдыруаз Вартан Мумџьиани Саид Инаԥҳаи еицырзеиԥшу рҩыза, "аԥсуа бырзен" (apsua_grek) ҳәа зхы иазызҳәо Александр Мурузидии ибзоурала.

Арԥарцәа русеицура аханатәгьы алҵшәа бзиақәа аанаго иалагеит. Есааира досу рдаҟьақәа рҟны еиҳа аинтерес зҵаз аперсонажцәа цәырҵуан, агәҭакқәеи аидеиа ҿыцқәеи ииуан, иазҳауан ахәаԥшцәа рхыԥхьаӡарагьы. Аха аблогерцәа ражәақәа рыла, дара иаадырԥшуа алаф еснагь ишиашоу ахәаԥшҩы изнаргаӡом, зны-зынла хәмаршақә иаадырԥшуа атема аҩнуҵҟа иҵәахуп иаразнак улаԥш зқәымшәо аҵакы.

Посмотреть эту публикацию в Instagram

ПОДПИСЫВАЙТЕСЬ ВПЕРЕДИ МНОГО ИНТЕРЕСНОГО!!! 🙌🕺

Публикация от apsua_grek.official (@apsua_grek.official)

Иаҳҳәап, анҵамҭаҿы ароль хада анаркоман иперсонаж ианимоу, уи арҩашьыгатә маҭәашьарқәа рӡыргара, мамзаргьы рзыразра акәӡам иаанаго. Арԥарцәа ражәақәа рыла, арҩашьыга иахьыԥшу ауаҩы данаадырԥшуа, уи анҵамҭа иахәаԥшуа аҿар заҟа дыччархәу, иара иеиԥшхара зынӡагьы ишаԥсам ддырбоит. Дара ражәақәа рыла, арҭ анҵамҭақәа зегьы еиԥшны ирыдыркылаӡом, аҵәы иахазҵогьы рацәаҩуп.

Раԥхьаӡатәи еицырзеиԥшыз авидеонҵамҭагьы ахәаԥшцәа рыҩнуҵҟа азҵаара рацәа цәырнагеит. Асиужет ахаҭа злаҟоу ала, арԥарцәа руаӡәы Аԥсны асасдкылашьа далацәажәоит, аҳәаанырцә дызбо зегьы ирабжьигоит атәыла иаҭаарц. Аҵыхәтәан, "ааԥхьаҩ" дҵәылызхуаз ҩыџьа амшгаҩцәа ахәышәтәырҭаҿы инанагоит аҟнытә, аҭыхымҭа акритика азызуз рацәаҩхеит.

"Абжеиҳараҩык гәахәарыла ирыдыркылеит ҳара ҳлаф, аха иҟалеит изгәамԥхаз, Аԥсны ахаҿра бжьышәхуеит, аҭааҩцәа шәыршәоит ҳәа ҳазҳәаз ахәаԥшцәагьы. Ҳара акритика ҳақәшаҳаҭуп, аха уи хык аманы, маанак аҵамҵакәа иҳәазар ҳҭахуп. Ҳхаҭара бжьышәхуеит, ауаа шәыршәоит ҳәа ҳазҳәаз ракәзар, адырраҭара "Аҷаԥшьаратә хәҭа" иахәаԥшырц рабжьаҳгеит", - еиҭарҳәоит аблогерцәа.

Афантазиа аус анарутәу

Инстаграм аҟны аус здыруло рдаҟьақәа арԥарцәа усурак аҳасабала иазнеиуеит. Ус анакәха, еилкаауп уи иалҵшәаны аҟәрышьгьы ишазыԥшу. Аха аблогерцәа ражәақәа рыла, макьана акы рхадыршәалартә аҟынӡа имнеиӡац, уажәазы хшыҩзышьҭра зырҭо анапаҵаҩцәа реизгара ауп.

Аудиториа аизгара – уи актәи шьаҿоуп, аха изланукылаша акы умыӡбалар, ишааиз еиԥш ицаргьы ҟалоит. Саид иажәақәа рыла, идаҟьаҿы иааирԥшуа ауаа ихы иҭихәыцӡом, икәша-мыкәша иҟоу ахаҿсахьақәа ааигоит. Иаҳҳәап, Вахои Мананеи ҳәа зыхьӡиҵаз хаҵеи ԥҳәыси рҿырԥштәала иара аԥсуа ҭаацәара аҩнуҵҟа иҟалало аҭагылазаашьақәа алафахь ииаганы иааирԥшуеит.

Анҵамҭақәа рҟны ицәажәашьа баша-маша агхақәа шаимҭогьы иҳәеит Саид. Убри ала иара дахлафуеит аурысшәа ҽеила иззымдыруа, аха имодоуп ҳәа ишакәхалакгьы аҳәара зҽазызшәо иахьатәи аԥсуаа џьоукы-џьоукы рцәажәашьа.

"Аинтернет аҟны иҟоуп ахақәиҭра. Ус анакәха, алаф аформа аҭаны ҳгәаанагара ҳҳәарц алшара ҳанаҭоит. Ҳәарада, иахмырҟьацәакәа", - иациҵеит иара.

Арԥарцәа рыгәҭакқәа рацәоуп, рнапы зларкыз аус аҟны иаангылап ҳәа ргәы иҭаӡам. Дара ражәақәа рыла, Каха, Серго, Жьулверик реиԥш иҟоу Урыстәылатәи аблогерцәа ԥыҭҩык рыҽрымардахьеит, аусеицуразы иҟарҵахьеит актәи ашьаҿақәа.

Аинтернет ииашаны ахархәара занааҭхеижьҭеи акрааҵуеит, аха ҳара ҳзы, зегьакоуп, макьана иҿыцуп. Иҟоуп алафҳәара зҭаху аԥсуа блогерцәа, иарччо - уи даҽа зҵаароуп. Ҳаамҭазтәи аԥсуа лаф ҳәа ахьӡҵаны иҿыцу бзиак рызцәыргаргьы ҳбап. Аха аччара баҩ алоума ҳәа ашәҟәыҩҩыгьы баша иҳәарымызт.

Иара убас шәаԥхьар ҟалоит:

114

Ажәа иҭара иацәшәон: Владислав Арӡынба Аԥсны аҭоурых жәаха минуҭ ишҭеигӡаз

155
(ирҿыцуп 14:30 02.06.2020)
Рашәара 2, 1989 шықәсазы Москва, СССР Жәлар рдепутатцәа Актәи реизара ду аҟны аԥсуаа рҿахәы ҳәо раԥхьаӡа акәны ари аҩыза атрибуна ду аҟынтәи дықәгылеит Владислав Арӡынба. Уи аҭоурыхтә мшы лгәалашәараҿы ишынхаз ҳзеиҭалҳәоит Sputnik аколумнист Елеонора Коӷониаԥҳа.

Ԥхны мшын, жәлар рфорум "Аидгылара" аҿы хынҭаҩынҭаран. Амилаҭ-хақәиҭратә қәԥара аншыкьуаз аамҭан. Ахҭысқәа ахьымҩаԥысуаз иахьа Д. Гәлиа ихьӡ зху Аԥсуаҭҵааратә институт ахыбраҿы акәын, усҟан уаҟа Аԥсны Ашәҟәыҩҩцәа реидгыла ыҟан. Иахьа апатриотизм мариахеит, баҩык алам амчраҿ иҟоу акритика рзуара, уимоу ухы иааҭашәо уҳәаргьы ауеит.

© Sputnik / Владимир Федоренко

Сызлацәажәо ахҭысқәа раамҭазы, Асовет еидгыла асистема аҿагылара гәаӷьыуацәан, Аԥсны Қырҭтәыла иамхәаҽуа аҟаҵара иазықәԥоз рыԥсҭазаара ашәарҭара иҭагылан. Абри зегь зхысҳәаауа, усҟантәи асистема аҿагылара иззымгәаӷьуазгьы ыҟан, иахьа ипатриот дуцәоушәа ицәажәо ԥыҭҩыкгьы налаҵаны.

1989 шықәсазы лаҵарамза анҵәамҭазы, хықәкыла иаҳҳәозар амза 25 рзы, Москва аусура иалагеит СССР Жәлар рдепутатцәа Актәи реизара ду. Ҳара ҳдепутатцәагьы уахь ицаны иҟан. Усҟан Ашәҟәыҩҩцәа реидгыла ахыбра иаҭаауаз рацәаҩын Москвантәи ажәабжьқәа реилкааразы. Усҟан уажәеиԥш аимадарақәа абаҟаз, ианаауҭаху иззуҭаху аҭел уизасуагьы иҟамызт, аха "Аидгылара" ахадацәа ироуан аинформациа. Иҿыцу жәабжьк аныҟаз ахыбра азал ду аҿы ауаа ирыларҳәон. Убарҭ амшқәа рзы иааҳалаҩҩит аизараҿы ҳара ҳдепутатцәа иреиуоу аӡәы ажәа ирҭараны иҟоуп ҳәа.

Аҩӡба: Владислав Арӡынба аполитика инақәыршәаны акәын ишьаҿақәа шыҟаиҵоз

Ишысгәалашәо ала, уи апартиатә еизара ду ишиашоу ицоз аефир ала иаҳдырбон. Аидгылараа рхыбраҿы иҟаз ателевизорқәа ирыдӷьазкыланы иԥшын ҳауаажәлар рхаҭарнакцәа, аха ҳара ҳтәқәа аӡәгьы атрибунахь дымнеицызт. Ажәа рырҭомашь, ишԥаҟалари анаџьалбеит ҳәа иӷьаҵәыӷьаҵәуан зыԥсадгьыл алахьынҵа иазгәаҟуаз зегьы.

Коӷониаԥҳа: Арӡынба рашәара 2, 1989 шықәсазы Москва иқәгылара иазкны

Усҟан сара исхыҵуан 26 шықәса, егьырҭ сықәлацәа ԥыҭҩык реиԥш, абарҭ азҵаарақәа ахьырыӡбоз исхызгон сусура иахаршәаланы исымаз аамҭа. Сгәы иалоуп амшынҵа ахьныҟәсымгоз, избанзар аамҭа иаԥсаҟьо агәалашәарақәа рацәоуп.

Рашәара 2, 1989 шықәса рзы ҳажәлар ԥшын ҳдепутатцәа руаӡәы аизараҿы ажәа ирҭандаз ҳәа. Ҳаԥшын, ҳаԥшын, аха ҳа ҳтәы дцәырымҵыцызт. Иахьа дысгәалашәом дарбану, аха сҩызцәа руаӡәи сареи ҳанкараха, "Акоп икаҳуажәырҭа" ҳәа иахьашьҭаз ҳцаны каҳуак ҳжәып ҳгәахәын, ақалақь агәахьы ҳҿынаҳхеит. Ҳҭыԥ аҿы ҳнаӡарц акгьы ҳагмызт, иахьа аресторан "Санремо" ахьыҟоу унаӡаанӡа, "акомиссионтә дәқьан" ҳәа изышьҭаз ҳаваланы ҳашнеиуаз, иаҳдыруаз, уа иҵагылаз аԥсуа ԥхәыс лыбжьы ҳақәлыргеит. Зыӡбахә сымоу адәқьан аҿы ателевизор хәыҷы рыман. "Шәааи, шәааи, Арӡынба дықәгылоит", - лҳәеит лара. Убасҟан аекран аҿы избаз, уаанӡагьы издыруаз, аха уи аҽны хьшьыцбаҵас атрибуна аҟнытә Владислав Арӡынба иқәгылара еиԥш сгәы шьҭызххьо даҽа хҭыск сыԥсҭазаараҿы иҟамлацзар ҟалап.

Усҟан иара иқәгылара жәҩангәашәԥхьараны иааҳзыҟалеит, жәаха минуҭ ирҭагӡаны ҳмилаҭ зҭагылаз агеноцидтә политика иазкыз ажәахә.

Владислав Арӡынба игәалашәарақәа рҿы иҳәоит уи иқәгылара алыршара шымариамыз, ацентртә партиатә мчы ақырҭуа политика иаднацәылон азы: "Сара сааҟәымҵӡакәа ажәа сырҭарц сазықәԥон. Апартиатә иерархиа иаарылшоз зегь ҟарҵон ус иҟамларц азы. Ганкахьала ҳажәлар аҳәара ҟарҵон ҳара иаҳхаҭарнаку дықәдыргыларц, иҳауан еиуеиԥшымыз ателеграммақәа, даҽа ганкахьала, апартиатә напхгара Қырҭтәыла аинтересқәа ирызхәыцуа, сара ажәа сыҭара иацәшәон". Уи аҽны дықәдмыргылар, апротест ҟаҵаны аизара аанижьырц игәы иҭаны дыштәаз ауп ҳара ҳдепутат ажәа ширҭазгьы.

Аполитик дцәажәон жәаха минуҭ маҷк инацны, аха иахьатәи зажәа зроууа аполитикцәа дрыҿҳарԥшуазар, убри аминуҭқәа ирҭагӡаны ҳара ҳҿахәеиԥш, СССР иаланхоз амилаҭ маҷқәа рызҵаатәгьы шьҭихит. Аԥсны аразҟы далацәажәо, адепутат иажәахә аҿы иалкааны иазгәеиҭеит ақырҭуа екстремисттә политика иахҟьаны, риашашьа змам ахҭысқәа ҟалар шалшо. "Аекстремисттә мчқәа ахҭыс хадақәа Аԥсныҟа ииаргеит, ҳара ҳгәы ишаанаго ала, ауаа реидырсларазы, нас ахара ҳара ҳажәлар ирыдырҵарц азы. Ахара ҳара ҳадҵаразы уадаҩрак ыҟам, избанзар аинформациатә хархәагатә пропаганда ганкы иадцәыланы аус ауеит, убри аамҭазы аԥсуа жәлар рҿахәы аҳәарҭа рымам", - иҳәон Владислав Арӡынба уажәы-уажәы исааҭ дахәаԥшуа, ирҭаз аамҭа иҽҭагӡаны ҳажәлар рҿахәы наигӡарц азы.

Аҭоурыхҭҵааҩ Аслан Аҩӡба "Аибашьра-политикатә проблемақәа" ирызку ишәҟәаҿы иалкааны ари аҭоурых дахьалацәажәо иазгәеиҭоит аԥсуа политик Арӡынба иқәгылара ақырҭқәа адабла шыднарсыз. Ҿырԥштәысгьы иааигоит ақырҭуа шәҟәыҩҩцәа Р. Миминошвили, Г. Панџьекиӡе "аԥсуа екстремистцәа Қырҭтәыла аганахь ижәылеит, Қырҭтәылазы еиҳа иуадаҩыз аамҭазы" ҳәа усҟан ишырҩуаз.

Беиаԥҳа аԥхьагылаҩ Владислав Арӡынба изкны: ажәыларахь ҳанцоз ҳаиныҳәон

Ииашаҵәҟьаны, Арӡынба иҩыза уи аизараҿы ицәырҵра ҳаӷацәа ршьара иқәнарҟьеит, аха ари аҩыза ақәгылара усҟан ҳара ҳажәлар ргәы шьҭнахит, адунеи зегь ҳара иаҳтәушәа ҳааҟалеит. Абри ақәгылара анаҩсанҵәҟьа Владислав Арӡынба аԥсуа жәлар дырфырхаҵа хаданы, дырҿахәҳәаганы дааҟалеит, уи аԥхьагьы бзиа ирбахьаз шиакәызгьы.

Иамааз ҷыдарас СССР Жәлар рдепутатцәа Актәи реизараҿы ажәа зҳәаз Владислав Арӡынба иқәгылара? Сгәанала, адепутат Арӡынба иажәа араӡара, аҭоурых агәыларԥшра, ԥықәсларада иажәахә анагӡара, шықәсы рацәала ҳажәлар рхаҭарнакцәа ззықәԥоз азҵаатәы ӷьеҩла атрибуна хадаҟынтә ацәыргара, насгьы даҽак иаламашьоз агәаӷьра ду зныԥшуаз ихьшьыцба ҭеиҭԥш уҳәа, шәышықәса рахь знык иуԥыло аҿахәҳәаҩы диины даақәгылеит рашәара 2, 1989 шықәса рзы ҳара ҳажәлар рҿаԥхьа. Абарҭ аҷыдарақәа зегьы аӡәы ихаҿраҿы еизганы иҟан азоуп Арӡынба дыԥхьагыланы дҟазҵазгьы ҳара ҳхьыԥшымра азықәԥараҿы.

Аполититолог Андраник Миграниан Арӡынба изы абас иҳәеит: "Арӡынба имҽхак акыр иҭбаан, Арӡынба Аԥсны аҵкыс деиҳан", - адунеитә политикцәа дрыҵамхо дшыҟаз аарԥшуа.

Исыздыруам заҟантә сеиҭахәаԥшхьоу еицырдыруа Арӡынба иқәгылара, аха убасҟан еиԥш, иахьагьы урҭ ахҭысқәа анымҩаԥысуа иахьакәушәа сааҟалоит, убасҟан еиԥш иахьагьы агәадура сызцәырҵуеит.

Автори аредакциеи ргәаанагарақәа еиқәымшәозар алшоит.

155

Заҟа гха ҳрыхдырԥарыз иажәа ҟәышқәа: Сергеи Багаԥшь игәалашәара иазкны

33
(ирҿыцуп 15:38 29.05.2020)
Аԥсны аҩбатәи ахада Сергеи Уасил-иԥа Багаԥшь иԥсҭазаара далҵижьҭеи иахьа иҵит жәшықәса. Уи игәалашәара аҳаҭыразы ишәыдаагалоит Sputnik аколумнист Светлана Ладариаԥҳа изылкыз анҵамҭа.

Аԥсны, аԥсуа дгьыл, аԥсуа жәлар ахааназгьы ибеиан. Ибеиан ҳәарада ԥсабарала, гала, шьхала… Аха зегь раасҭа ибеиан уаала, доуҳала, ҟәыӷарыла. Жәытә-натә аахыс ара аҳаҭыр дуун ауаҩра, аԥсуа икодекс хада - аламыс. Азқьышықәсақәа, ашәышықәсақәа ирылыхәхәа иаауа ажәабжьқәа, ашәақәа, алегендақәа реиҳарак зыхҳәааугьы абри ауп. Аха аҩыра ахьҳамамыз азгьы заҟа ирацәаҩузеишь аҭоурых аӡыблара зыхьӡқәа ҳцәагаз. Егьаҩ ҿырԥшыганы ҳадгьыл иқәын…

Аԥсны аҭоурых ҿыц аҿы зыжәлар рхьаа зхьаау, ирыдгылоу, ирывагылоу рыхьыӡқәа ԥхьаҟатәи аҭоурыхқәа, абиԥарақәа ирзынхоит. Уи насыԥуп зқьышықәса рышьҭахь аԥсуадгьыл иқәынхо аԥсуа изы. Иаашьҭыхны дрыԥхьалап аҩырақәа, дрыхәаԥшлап аҭыхымҭақәа – иеиҵеиааӡалап ихшара иахьатәи ҳауаажәлар рхаҭарнакцәа рҿырԥшала. Ирызҳалап аԥсуаа аԥсуадгьыл аҿы. Еизҳазыӷьалап. Уи ус шакәхо агәра згарц сҭахуп… Мап, агәра згоит! Анцәа ду иџьшьаны ус акәхоит!

Сергеи Багаԥшь... Уи ижәла, ишьҭра аханатә аахыс ахьӡ-аԥша змаз ауаа рылиаауан. Унеишь-уааишь ҳәа рарҳәон адунеи амаа зкыз. Иахьынхацәаз ԥырхагак рнамҭацызт, избанзар акы - анхаҩы Аԥсны еснагь аҳаҭыр ду даԥсан, ҩбагьы – ахшыҩи адырреи ирыҵадырӡуан акыр ихыҭхәыцыз асоциалтә еиҟарамрақәа.

© Foto / из архива семьи Багапш
Аԥсны аҩбатәи ахада Сергеи Багаԥшь

Ибзианы исгәалашәоит ХХ ашәышықәса 80-тәи ашықәсқәа. Ахааназ аӡәы зхы дықәызмыртәацыз аԥсуаа аамҭа-аамҭала усҟантәи аамҭа ирзаанагоз ауадаҩрақәа ирҿагылон, рҟәаҟәа иқәтәарц зҭахызгьы нхьыдыҩруан.

Ибзианы исгәалашәоит 1989-тәи ашықәс. Мҽышан. Аԥсны ахы-аҵыхәа иалаҩит аԥсуааи ақырҭқәеи еиҿагылт ҳәа. Ари аҭагылазаашьахь мышкызны ишкылнагоз зегьы ирдыруан, ирбон, аха еивысырҭак шԥаҟамлари ҳәа игәыӷуан.

Аԥсныҟа амҩа иқәлеит 30 нызқьҩык рҟынӡа зхыԥхьаӡара наӡоз ақырҭцәа, аратәи ақырҭцәа ирыдгыларц, еснагь ргәы иҵхоз нарыгӡарц. Еихышәшәа-еиԥышәшәа Аалӡга аӡиас ахықәаҿ еизеит ашәарыцага шәақьқәа ирыҵагылаз аԥсуаа.

Сергей Васильевич Багапш на охоте.
© Foto / из архива семьи Багапш
Сергеи Багаԥшь ашәарыцараан

Абри аҭагылазаашьаҿы араион аиҳабы иаҳасаб ала, апатриот иаша ишиаҭәаз еиԥш, Сергеи Уасил-иԥа хьаҳәхьачарак ҟамҵакәа ижәлар рыхьчара дгылеит. Усҟантәи аамҭазы уи аҩыза ихымҩаԥгашьа иара изы даара ишәарҭахар алшон. Аха усеиԥш акгьы дазымхәыцӡакәа ақырҭуа шовинизм аҿагылараҿы напхгара ҟаиҵеит. Ари аҭагылазаашьа ахаҵара аарԥшра аҭахын. Уи иара илиршеит. Сергеи Уасил-иԥа иусурҭаҭыԥ, ипартиатә лахәылара рцәыӡра адагьы иԥсҭазаара ахаҭагьы ицәыӡыр алшон… Аха уи иазхәыцтәны имшьеит усҟан азы. Ҳәарада, 1989 шықәсазтәи ахҭысқәа рышьҭахь Сергеи Багаԥшь иусура дамхын.

Ари иԥсҭазаараҟны дзықәшәақәаз рахьтә хҭыс заҵәык ауп, аха инеидкыланы дзакәыз аанарԥшуеит.

26 августа 2008 года - день, когда Россия признала независимость Абхазии. Сергей Багапш пришел на площадь Свободы в Сухуме, где тысячи граждан республики ликовали, узнав о признании.
ВЛАДИМИР ПОПОВ
Сергеи Багаԥшь Аҟәа Ахақәиҭра ашҭаҿы нанҳәа 26, 2008 шықәсазы - Урыстәыла Аԥсны аназханаҵа аҽны

Аԥсны Аџьынџьтәылатә еибашьраан иара дыззырхаз аус аҿы иԥышәа ахархәара аҭаны ашьаарҵәыра илагылаз ижәлар дрыцхраауан. Иҳәатәуп зны-зынла абџьар акра аасҭагьы ла иамбоз аусқәа ирылшоз анеиҳахоз. Иҳәатәуп урҭ аусқәагьы афырхаҵараҵәҟьа шырҭаххалоз.

Сергеи Багаԥшь иԥсҭазаара зегьы иԥсадгьыл амаҵ азура иазкын. Атәыла аԥыза-министрс даныҟаз аума, ахадас даныҟаз аума – иара изы зегьы ирыцкыз Аԥсны аизҳазыӷьара акәын.

Президенты Абхазии, России и Южной Осетии Сергей Багапш, Дмитрий Медведев и Эдуард Кокойты (слева направо). Архивное фото.
© Sputnik / Сергей Гунеев
Сергеи Багаԥшь, Дмитри Медведев, Едуард Какоиты Аԥсни Аахыҵ Уаԥстәылеи рхьыԥшымрақәа разхаҵара ашьҭахь

Дыҟамзар ҟалап аԥсыуак, иажәа ҟәанда змаҳацыз. "Мои золотые" – абар иара зегь раасҭа бзиа ибаны ииҳәоз. Ари баша цәажәарамызт.

Инаԥшьба: Сергеи Багаԥшь Кремль дышрыдыркылаз абара акыр иаԥсан>>

Дыздыруаз, дызгәалашәо зегьы ражәа аҟәандара алыжжуеит иӡбахә анырҳәо. Ари еиҳау иҟоузеи аԥсҭазаараҿы! Ажәлар шамахамзар ус баша рыбзиабара узаахәаӡом, иуоуӡом.

© Foto / Владимир Попов
Аԥсны раԥхьатәи ахада Владислав Арӡынбеи Аԥсны аҩбатәи ахада Сергеи Багаԥшьи

Ихьаауп, даара ихьаауп ҳаԥсуадгьыл иреиӷьӡақәоу ахьацәыӡуа. Заҟа иаҳҭахузеи урҭ иахьа?! Заҟа ҳгәы ҟанаҵарыз Сергеи Багаԥшь иччаԥшь. Заҟа гха ҳрыхдырԥарыз иажәа ҟәышқәа. Заҟантәгьы игәымшәара, ихаҵара ҳаззымиааиқәаз ҳариааиртә еиԥш рылдыршарыз. Заҟантә… Заҟантә…

Изыбымбылыз Џьгьардатәи адгьыл.

Валери Багаԥшь: Сергеи Багаԥшь игәгьы, иԥсгьы, ихгьы Џьгьардоуп иахьыҟаз>>

Ирҳәоит ауаҩытәыҩса дыззыҳәо зегь адунеитә ҵакыра иазцаны адгьыл ахь ихынҳәуеит ҳәа. Ҳиҳәап нас Анцәа ду ҳтәыла ахааназ иагымхаларц Сергеи Багаԥшь иеиԥш зеиԥшу аԥацәа…

Иара убас шәаԥхьар ҟалоит:

33
Нонна Ломия

Ламиаԥҳа ашкол аҟны аҵара ахацыркразы: ахәыҷқәагьы арҵаҩцәагьы ҳазыԥшын

0
(ирҿыцуп 13:15 03.06.2020)
Аҟәатәи аԥшьбатәи абжьаратә школ адиректор Нонна Ламиаԥҳа арадио Sputnik аефир аҟны еиҭалҳәеит ашкол аушьҭымҭацәа ирзоужьу аҵарашықәс аамҭазы аԥышәарақәа раҭара рыҽшазыҟарҵо.
Хра злоу ахҭысқәа: Ломиаԥҳа ашкол аҟны ҩымчыбжьатәи аҵара иазкны

Аԥснытәи ашколқәа роушьҭымҭацәа рзы аҵараҵара хацыркын рашәарамза 2 рзы, уи мҩаԥыслоит ҩымчыбжьа рыҩнуҵҟа. 1-10 аклассқәа рҵаҩцәа рҵараамҭа хыркәшахеит лаҵара 13 рзы акоронавирус иадҳәалоу аҭагылазаашьа иахҟьаны. Аушьҭратә ԥышәарақәа рыда егьырҭ аԥыхын. Сынтәа азеиԥш ҵараиурҭақәа ирылгоит 1830-ҩык аҵаҩцәа, жәаҩык амедал аиуразы иқәгылоуп.

"Амза ҩба ҳаргьы ҳхәыҷқәагьы зегьы ҳгәы хыҭхыҭуа ҳазыԥшын. Заа адырра роуит аҵаҩцәа. Ари аамҭазы ҳахьынӡоужьызгьы доусы ишрылшоз адҵақәа ҟарҵон, аха изеицәаҳӡои, арҵаҩцәеи ашколхәыҷқәеи еиԥыланы имҩаԥырго аурокқәа даҽакы иузадкылом. Иҟоуп зхала аҽазыҟаҵара зылшо, иҟоуп инарыдцаланы изурҵаша ахәыҷқәа. Ажәеизатәи акласс аҟны итәоуп, аха зегьы акоуп ихәыҷқәоуп ҳа ҳзы. Ишҳабжьаргаз ала, ишахәҭоу еиԥш еиқәыршәоуп дара аҵаразы. Сынтәа 57-ҩык аушьҭымҭацәа ҳамоуп", - лҳәеит Ламиаԥҳа.

Лара убасгьы еиҭалҳәеит ашкол аҟны акоронавирус аҽацәыхьчаразы аԥҟарақәа зегьы шынарыгӡо.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

0
Атемақәа:
Ачымазара ҿкы – акоронавирус Аԥсни адунеи аҿи: иалкаау