На заседании по вопросам абхазского языка

Аԥсны Ахада инапаҵаҟа Абызшәа азҵаарақәа рыӡбаразы Аусбарҭа аартхоит

130
(ирҿыцуп 16:18 25.07.2016)
Аԥсны Ахада Рауль Ҳаџьымба аҵарауаа алархәны имҩаԥигаз аилацәажәара иалҵшәахеит абызшәа азҵаарақәа рыӡбаразы Аҳәынҭқарра Ахада инапаҵаҟа аусбарҭа аиҿкаара.

АҞӘА, ԥхҷ 15 – Sputnik, Бадраҟ Аҩӡба. Рауль Ҳаџьымба аҳәынҭқарратә бызшәа иамоу ауадаҩрақәа рыӡбаразы аҵрауаа, ашәҟәыҩҩцәа, адепутатцәа алархәны аилацәажәара мҩаԥигеит. Аилацәажәара иалҵшәаны иӡбан абызшәа азҵаарақәа ирызку аусбарҭа аиҿкаара.

Аҳәынҭқарра Ахада, аизара аартуа, дазааҭгылеит аԥсуа бызшәа иамоу ауадаҩрақәа. Ҳазҭало 2015 шықәсазы, азакәан ишаҳәо ала, аҳәынҭқарратә усбарҭақәа зегьы аԥсшәахь ииасроуп, аха иахьынӡахәҭоу ҳазыҟаҵам, иҳәеит Рауль Ҳаџьымба. Уи иазгәеиҭеит аҳәынҭқарра иалшо зегь ҟанаҵар шакәу абызшәа аиқәырхаразы.

"Аԥсуа бызшәа иахьынӡахәҭоу ала ахархәара аиуразы, аҳәынҭқарратә структура аԥҵаны, лассы-лассы аизарақәа мҩаԥганы, иҟаҵоу-иҟаҵам гәаҭаны аус аауроуп. Уи аус анагӡаразы иаҭаххо ахарџь аиҳабыра ахахьы иагоит", – иҳәеит Ҳаџьымба.

Аԥсны Ахада аизара алахәылацәа рҿаԥхьа ицәыригеит аҵарауаа Валери Кәарҷиеи, Ҭали Џьапуаԥҳаи Абызшәатә усбарҭа аиҿкааразы ргәаанагарақәа зныԥшуа авариантқәа.

Валери Кәарҷиа дызлахәаԥшуа ала, Аҳәынҭқарра Ахада иҿы иаартхар зыхәҭоу аусбарҭа шьақәгылазар ауп абызшәа арҵара аиҿкаара ахеилак, аиҭагареи атерминалогиеи рыҟәшақәа, акомпиутертә технологиақәа рхархәара аҟәша, уҳәа, хыԥхьаӡарала 25 рҟынӡа ауаа злахәхо Аусбарҭа.

Ҭали Џьапуаԥҳа Аԥсны ахадарахь иналышьҭыз авариант аҿы аштатқәа арбаӡам, уи лгәаанагарала аусура алҵшәақәа хырҳага роуразы еиҳа иманшәалоуп апроекттә система. Еиҿкаахар ауп амультфильмқәа рыстудиа, ахәыҷтәы литература иазку аҭыжьырҭа ҷыда ҳәа дахәаԥшуеит уи. Аструктура ҿыц иалало ауаа рхыԥхьаӡарагьы рацәаҩымзар ауп ҳәа иазылԥхьаӡоит, уи лгәаанагара лыцеиҩыршеит аилацәажәара иалахәыз аӡәырҩы.

Ҭали Џьапуаԥҳа
© Sputnik Томас Тхайцук
Ҭали Џьапуаԥҳа

Аҳәынҭқарра Ахада иҿы еиҿкаахо аусбарҭа ҿыц аинспекциатә-хылаԥшратә усқәа мҩаԥнагар ахәҭоуп ҳәа иахәаԥшуеит апроектқәа равторцәа.

Аилацәажәара алҵшәақәа рыла иӡбан аҳәынҭқарратә мчра змоу аусбарҭа ҿыц аартра. Рауль Ҳаџьымба иаԥшьгарала еиҿкаан апроектқәа равторцәеи, егьырҭ аҵарауааи злахәу аусуратә гәыԥ. Урҭ аусбарҭа ԥхьаҟатәи ашьаҿақәа разгәаҭараз ажәалагалақәа архиара рыдҵоуп. Аусуратә гәыԥ иҟанаҵо ажәалагалақәа Аҳәынҭқарра Ахада иахь инарышьҭыр ауп ԥхынҷкәын 15 иахымгакәа.

130
Атемақәа:
Абызшәа. Аҿахәҳәага. (15)

Ҿыц иалху Апарламент адепутатцәа рнапынҵақәа рынагӡарахь ианиасуа атәы рҳәеит

5
(ирҿыцуп 19:12 14.07.2020)
Аԥсны имҩаԥысит Апарламент ахь аиҭалхрақәа. Аҭыԥ хадақәа ԥшьба рҟынтәи руак аҿы ҩаԥхьа аиҭалхра мҩаԥысраны иҟоуп.

АҞӘА, ԥхынгәы 14 - Sputnik, Ренат Ԥачалиа. Аԥсны АКХ ахантәаҩы Ҭамаз Гогьиа Sputnik иазеиҭеиҳәеит иалырхыз адепутатцәа рнапынҵақәа рахь ииасыр анрылшо атәы.

Ацентртә алхратә комиссиаҿы абжьыҭара ашьҭахь бжьымш рыҩныҵҟала адепутатцәа ашәҟәы иҭарыҩуеит. Ашәҟәҭаҩра ашьҭахь адепутатцәа Аԥсны АКХ аӡбамҭаҟынтә алҩаа роуеит. Уи Апарламент ахь инаргоит. Уа имҩаԥгахоит иалху адепутатцәа азинԥҵаратә усбарҭа аилазаара ралаҵара апроцедура.

"Бзыԥҭатәи алхырҭатә ҭыԥ хадаҟны иҟалараны иҟоу аиҭалхра егьырҭ адепутатцәа русура анырра анаҭом", - ҳәа иҳәеит Гогьиа.

Гогьиа иҳәеит аус зуа азакәанԥҵара инақәыршәаны, Бзыԥҭатәи алхырҭатә ҭыԥ хада № 10 аҿы аиҭалхрақәа шымҩаԥысуа. Ҩымчыбжь рыҩныҵҟала АКХ алхрақәа ррыцхә шьақәнаргылоит.

Оҭҳаратәи ҭыԥ хадаҿы иалху Алмасхан Барцыц иҳәеит алхрақәа аиҩызаратә ҟазшьа рыманы имҩаԥган ҳәа.

"Алхраԥхьатә кампаниа зегьы соппоненти сареи еиҩызарыла имҩаԥаагеит. Аихшьаалақәа аныҟаҵаха Робестан Габлиа сиааира сыдиныҳәалеит, ақәҿиарақәа сзеиӷьеишьеит", - ҳәа иҳәеит иара.

Адепутат иҳәеит апандемиа инадҳәаланы Аԥсны ауааԥсыра ақыҭанхамҩахь ихьаԥшит, ари агәыгәҭажьра ҟалом ҳәа. Барцыц иажәақәа рыла,  Апарламент аҿы ақыҭанхамҩа аусхк иацхраауа апроектқәа адгылара риҭалоит.

Кындыӷтәи ҭыԥ хадаҿы иалырхыз Гарри Кокаиа иҳәеит ари аокруг аҿы егьырҭ ирҿырԥшны ауаа рнеира рекордтәын ҳәа. Иара изы зыбжьы зҭииз зегьы ҭабуп ҳәа реиҳәеит.

"Очамчыра идепрессиву раионуп ҳәа иԥхьаӡоуп, аха скомандеи сареи иаҳҭахуп иааҳарԥшырц араион иамоу алшара дуқәа", - ҳәа иҳәеит адепутат.

Аԥсны Жәлар Реизарахь алхрақәа мҩаԥысит ԥхынгәы 12 рзы иҭацәыз амандатқәа ԥшьба рахь - атәыла ахадас иалырхыз Аслан Бжьаниа, аԥыза-министрс иҟарҵаз Александр Анқәаб, Аҩнуҵҟатәи аусқәа рминистрс иҟарҵаз Дмитри Дбар, Гагра араион ахадас иҟарҵаз Иури Хагәышь рҭыԥқәа.

Иара убас шәаԥхьар ҟалоит:

5

Какәыбаа: араион аҿы аспорттә секциақәа шаҟа ирацәоу аҟара, еиҳагьы еиӷьхоит

3
(ирҿыцуп 18:37 14.07.2020)
Гәылрыԥшь араион аспорткомплекс "Агәыӡера" аиҳабы Мурман Какәыбаа арадио Sputnik Аԥсны аефир аҿы еиҭеиҳәеит иарбан спортхкқәоу араион аҿы еиҳарак аҿиара змоу, насгьы ахәыҷқәа разыҟаҵаразы лшарақәас иҟоу атәы.
Раионк аԥсҭазаараҟынтә: Какәыбаа Гәылрыԥшь аспорткомплекс аусура иазкны

"Аспорткомплекс аус ауеит х-спортхкык рыла: ашьапылампыл, акарате, абокс. Ҳахәмарратә зал шьақәҳаргылеижьҭеи еиҭа ҩ-хкык ацаҳҵар ҳҭахуп - анапылампыли, амҵәышәымпыли. Ҳхәыҷқәа аихьӡарақәа рымоуп акарате аҿы, абокс аҿы. Ашьапылампыл акәзар, еиҳа ицәгьоуп, ахәыҷқәа макьана аԥышәа рымам. Рыхә-секциак анаартхалак 150-ҩык, 200-ҩык рҟынӡа ахәыҷқәа ҳадаҳкылартә еиԥш алшара ҳауеит. Асекциақәа шаҟа ирацәоу аҟара, ахәыҷқәа рзы еиҳа еиӷьхоит. Аспорткмплекс аҿы рҽазыҟарҵар ауеит 300-ҩык инарзынаԥшуа ахәыҷқәа сааҭ-сааҭла еихшаны. Азыҟаҵаҩцәа рганахьала ҳаиқәшәоуп, ахәыҷқәагьы бзиа ирбоит, рус иазҟазоуп", - ҳәа еиҭеиҳәеит Какәыбаа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

3