Гагра ақалақь ахадара "Континент" аусзуҩцәа амитинг амҩаԥгара рнамҭеит

© Фото с сайта: otdih-gagra.ruАхәаахәҭратә комплекс "Континент". Архивтә фото
Ахәаахәҭратә комплекс Континент.  Архивтә фото - Sputnik Аҧсны
Анапаҵаҩра
Асабша, жәабран 14 рзы имҩаԥысраны иҟаз Ахәаахәҭратә комплекс "Континент" аусзуҩцәа рмитинг аԥыхуп.

ГАГРА жәб 14 — Sputnik, Саида Жьиԥҳа. Гагра араион ахадара Ахәаахәҭратә комплекс "Континент" аусзуҩцәа амитинг мҩаԥыргаразы азин рынамҭаӡеит, ҳәа Sputnik акорреспондент илзааицҳаит Гагра араион ахада Беслан Барцыц.

"Амитинг амҩаԥгаразы иалырхыз аҭыԥ — Ахәаахәҭратә комплекс "Континент" аҿаԥхьа — ас еиԥш иҟоу аизарақәа рымҩаԥгара иазыманшәалам, уи ҩышәҩык инареиҳаны рхы аладырхәырц ргәы иҭан", — иҳәеит ақалақь ахада.

Барцыц иазгәеиҭеит иара убас "Аԥснытәи аргыларатә гәыԥ" алахәцәеи ИАА "Континент М" адиректор хадеи асубарендазы аиқәшаҳаҭрақәа шеимырдаз, урҭ рнапаҵаҩрагьы хара имгакәа ргәы иҭоуп. Ақалақь ахада иажәақәа рыла, арҭ афакторқәа зегьы еидхәыцланы, амитинг амҩаԥгара мап ацәкын.

"Континент" адиретор Игорь Варов ари аӡбамҭа дақәшаҳаҭӡам, иара игәыиҭоуп уажәы акәымзаргьы нас амитинг амҩаԥгара.

"Гагра араион ахадара изныкымкәа "Континент" аусзуҩцәа реизарақәа рымҩаԥгара мап ацәыркхьеит. Ауаа рхатә гәаанагара рҳәар рҭахуп, аха уи азы алшара рырҭом. Ҳара ахынтә раангьы арзаҳал ҳаҩуеит амитинг амҩаԥгара азин ҳарҭаразы — иҳәеит Варов.

"Континент" — иреиҳаӡоу Аԥсны иреиҳаӡоу ахәаахәҭратә центруп, уи аусура иалагеит 2004 шықәсазы, уаанӡа ауниверсам "Гагра" ахьыҟаз ахыбраҿы, 130-ҩык ауааԥсыра усурҭа ҭыԥла еиқәнаршәон.

Ажәабжьқәа зегьы
0