Аҟәа амитинг, 1921 шықәса, хәажәкыра. Архивтә фото.

Аԥсуаа 1921 шықәсазы ақырҭуа меншевикцәа рҟынтә ахақәиҭра иазықәԥон

22
(ирҿыцуп 17:27 05.03.2015)
Аԥсныжәлар Асовет мчра аагаразы рықәԥара еиҳарак ҵакыс иамаз Қырҭтәылантә ахақәиҭра акәын, иҳәеит аҭоурыхтә ҭҵаарадыррақәа ркандидат Аслан Аҩӡба.

АҞӘА, хәжәк 4 – Sputnik, Анастасиа Никонова. Асовет мчра ашьақәыргылара иазықәԥоз аԥсуаа амарксизм аидеиақәа рзакәӡамызт иззықәԥоз, абри атәы Дырмит Гәлиа ихьӡ зху Аԥсуаҭҵааратә институт аҭоурых аҟәша аҭҵаарадырратә аусзуҩы еиҳабы Аслан Аҩӡба Sputnik акорреспондент иаиҳәеит.

"Аԥсныжәлар рзы асовет мчра аагара иаҵанакуаз ақырҭуа меншевикцәа рҟынтә ахақәиҭра акәын. Уи аршаҳаҭуеит асовет мчра ашьақәыргылара иашьҭанеиуаз ахҭысқәа, аԥсуаа ззыԥшыз алҵшәақәа анырмоу уи иаҿагыло иалагеит", – азгәеиҭеит Аҩӡба.

Иара иажәақәа рыла, аԥсуа ҭоурыхҭҵааҩцәа рыбжеиҳараҩык Аԥсны аҳәынҭқарра аиҭашьақәыргылараасовет мчра аагара иадырҳәалоит.

"Аԥсны 1864 шықәсазы атәыла аҳәынҭқарра бжьыхын. Асуверенитет еиҭашьақәыргылан асовет мчра ашьақәыргылара абзоурала", – иазгәеиҭеит аҭоурыхтә ҭҵаардыррақәа ркандидат.

Аԥсны асовет мчра 1921 шықәса хәажәкыра 4 рзы ишьақәыргылан. 1931 шықәса, жәабран инаркны Аԥсны Қырҭтәыла ССР ахь иаҵанакуан автономтә ҳәынҭқарра азин ала.

1991 шықәсазы Асовет мчра анхыбгал ашьҭахь Аԥсны Қырҭтәыла ишалҵуа рыланаҳәеит. 1992-1993 шықәсқәа раан аибашьра ашьҭахь Аԥсны Аҳәынҭқарра ахы иақәиҭхеит.

22
Судебный молоток и весы правосудия

"Аԥсныбылтәы" уаанӡатәи аиҳабы аҩнтәи абаандаҩраҿы дшыҟац дааннажьит

4
(ирҿыцуп 12:23 06.06.2020)
"Аԥсныбылтәы" уаанӡатәи аиҳабы иганахьала ашьаус хацыркуп ацәгьоурақәа ԥшьба рыла Аԥсны Ашьаустә закәанеидкыла ахәҭаҷ "Инапы ианҵаз аҳәынҭқарратә мазара мҽахы ҭбаала ахатәтәреи аныхреи" ахәҭаҷ инақәыршәаны.

АҞӘА, рашәара 6 - Sputnik. Аҟәатәи ақалақьтә ӡбарҭа "Аԥсныбылтәы" уаанӡатәи адиректор хада Беслан Аҩӡба иганахьала аҩнтәи абаандаҩраҟантәи аанкыларҭахь нанҳәа 3 рҟынӡа днагазарц азы Аԥсны Апрокуратура хада иҟанаҵаз азашшра мап ацәнакит. Абри атәы аанацҳауеит Апрокуратура хада асаит.

Аӡбарҭа аӡбарала Беслан Аҩӡба аҩнтәи абаандаҩраҿы дыҟазаауеит ԥхынгәы 20 рҟынӡа.

"Аԥсныбылтәы" уаанӡатәи адиректор хада хәажәкыра 20 инаркны Аҟәатәи ақалақьтә ӡбарҭа аӡбарала аҩнтәи абаандаҩраҿы дыҟан, уи иаанаго ашьаусҭҵааҩ ҩыралатәи иақәшаҳаҭра имамкәа иҩны ддәылҵыр (сааҭки бжаки иҩны азааигәара анеиааира аламҵакәа), инхарҭа ҭыԥ иԥсахыр, аимадара ихы иаирхәар, асаламшәҟәқәа, анашьҭымҭақәа, абандерольқәа иоулар ма ишьҭлар ҟалом ҳәа ауп.

Аха рашәара 3 рзы Апрокуратура хадахьы инеит аинформациа Аҩӡба аҩнтәи абаандаҩра аԥҟарақәа еилеигеит ҳәа, убри азоуп аӡбарҭахьгьы изашшыз.

"Аԥсныбылтәы" уаанӡатәи аиҳабы иганахьала ашьаус хацыркуп ацәгьоурақәа ԥшьба рыла Аԥсны Ашьаустә закәанеидкыла ахәҭаҷ "Инапы ианҵаз аҳәынҭқарратә мазара мҽахы ҭбаала ахатәтәреи аныхреи" ахәҭаҷ инақәыршәаны. Ашьаусҭҵаара излаԥхьаӡаз ала, Аҩӡба ицәгьоура иалҵшәаны аҳәынҭқарра иаиуз аԥхасҭа иааизакны иартәоит 31 миллион 438 нызқь мааҭ, аха ари аԥхасҭа аԥхьаӡара макьана ихыркәшаӡам. Ашьаусҭҵаара аҳәаақәа ирҭагӡаны Аҩӡба Аҳәынҭнаплакы анапхгаҩыс иусура аамҭа зегьы ҭырҵаауеит аԥхасҭа зегьы амҽхак аилкааразы.

Иара убас шәаԥхьар ҟалоит:

4

Озган анардадаҩцәа рус ҟарымҵар Апрокуратура хадахь дшырзашшуа лҳәеит

10
(ирҿыцуп 11:40 06.06.2020)
Аԥыза-министр ихаҭыԥуаҩ, аекономика аминистр Кристина Озган Гәдоуҭа араион ахадара злахәыз аилатәара мҩаԥылгеит, дареи Гагра араион ахадареи лыманы Аҟәа ацрыҵқәа ррыцқьарҭа ахьыҟоу Алада Ешыра ақыҭа даҭааит.

АҞӘА, рашәара 6 - Sputnik. Аԥыза-министр ихаҭыԥуаҩ, аекономика аминистр Кристина Озган Гәдоуҭа араион ахь аусуратә гәаҭара анымҩаԥылгоз Аинвестпрограмма аобиектқәа рҵыхәала зус ишақәнагоу иназмыгӡо анардадаҩцәа рзы Апрокуратура хадахь дшашшуа атәы лҳәеит, абри атәы аанацҳауеит Аекономика аминистрра апресс-маҵзура.

Аусбарҭа пресс-маҵзура ишаҳәо ала, ари аҩыза аҳәамҭа Озган иҟалҵеит Аԥсны Аҳәынҭқарра асоциал-економикатә ҿиара ацхрааразы 2017-2019 шықәсазтәи Аинвестициатә программа иаҵанакуа ҳаԥхьаҟа ииасуа аобиектқәа ирызкыз Гәдоуҭа араион ахадареи лареи реилацәажәараан.

"Кристина Озган Гәдоуҭа араион ахада инапынҵақәа назыгӡо Баграт Боџьгәуа инарҵауланы изеиҭалҳәеит арҭ аобиектқәа рҟны аҭагылазаашьа зеиԥшроу, урҭ рзы иҷыдоу агәцаракра ааирԥшырц иалҳәеит. Лара инаҵшьны иазгәалҭеит анардадаҩцәа рхыдҵақәа нармыгӡо иалагар, урҭ рзы адыррақәа Апрокуратура хадахь инашьҭны дшырзашшуа", - ҳәа аанацҳауеит Аекономика аминистрра апресс-маҵзура.

Аԥсны ахада Аслан Бжьаниа аԥыза-министр ихаҭыԥуаҩс, аекономика аминистрс Кристина Озган дҟаиҵеит лаҵара 4, 2020 шықәсазы.

Иара убас шәаԥхьар ҟалоит:

10