Ҭамила Арышԥҳа арепатриантцәа аԥсуа бызшәа длырҵоит

Ҳазхымсыз аԥышәара: Ҭамила Арышԥҳа абызшәа арҵара апроблемақәа ирызкны

80
(ирҿыцуп 16:16 25.07.2016)
Аҟәатәи 10-тәи ашкол аушьҭымҭацәа аԥсуа литературазы аԥышәара ахьырзамҭаз, иара убас иааидкыланы ашкол аҟны абызшәа арҵара апроблема дазааҭгылеит аԥсуа бызшәа арҵаҩы, аиҭагаҩ Ҭамила Арышԥҳа.

АҞӘА, рашә 30 — Sputnik. Ари даара хшыҩзышьҭра аҭаны изызнеитәу усуп! Инеиқәҵа-ааиқәҵо апроблема ҳзыӡбаӡом. Сгәы иаанагоит хылаҧшра арҭароуп раҧхьа иргыланы аҭаацәа, аха уи аан урҭ рымацара рыдыжьларагьы иашаӡам, ҳәа азгәалҭеит мышқәак раԥхьа ашкол аушьҭымҭацәа аԥсуа литература шырзамҭаз азы ауаа ирылаҵәаз ажәабжь аԥсуа бызшәа арҵаҩы, аиҭагаҩ Ҭамила Арышԥҳа.

"Ҳара ибзианы иаҳдыруеит ахәыҷы ашкол ахь дцаанӡа ихатәы бызшәала ибзианаы данцәажәо, нас ашкол аҟны иаразнак, шықәсык-ҩышықәса рнаҩс, аурыс бызшәа аҧыжәара аиуа ишалаго, аҧсшәа шхьысҳахо, дышнеиуа дзаламцәажәо аҟынӡа ишицәыӡуа. Ашкол атәы ҳҳәозар, 11 класс рҟынӡа инеиаанӡа ари аганахьала иҟоу аҭагылазаашьа раҩырмыжькәа, уахгьы-ҽынгьы рҽеишьас иамоу иазхәыцлароуп", – лҳәеит аексперт.

Аха убри аамҭазы, аексперт излалҳәо ала, апроблема шыҟоу ианаамҭоу иумҳәар, уи аӡбара уахыԥоит, ауаҩы иахьихьуа дырны инацәы ақәикроуп ҳәа, даҽаӡә дааины уара утәы изыӡбаӡом.

"Сара исыздырӡом школк, анапхгара акәыз, дара уи знапы иану арҵаҩцәа ракәыз,  ҳхатәы бызшәа ҳаздырҵаӡом, ҳхы ҳжьоит, даргьы ҳжьоит, ари азҵаара аӡбараҟны ацхыраара ҳҭахуп ҳәа аиҳабыра рахь, аҵара аминистррахь инеины иқәзыргылахьоу, абри аан, ашкол аушьҭымҭацәа рыҩныҵҟа аҧсшәа ззымдыруазгьы "хәба" ҳәа иалырганы иаурышьҭуан акәымзар! Уи ҟаҵашьас иамаз иацгьы иахьагьы аилкаара сцәыуадаҩуп! Агәыҧқәа реихшара азҵаара ахьықәгылаз, иахьыӡбахьазгьы ахатәы зеиҧшдырратә школ "Альфаҟны" ауп. Аха рыцҳарас иҟалаз, уи ашкол аҵара аминистрраҟны 10 шықәса раахыс аркышьас иамоу акәын изызхәыцуаз", — ҳәа лажәа иацылҵоит Ҭамила Арышԥҳа.

"Ари ӡбашьа змам зҵаараӡам, знымзар-зны ицәырмҵыр ауӡомызт, ара ашкол аҟны мацара акәымкәа, ҳхатәы бызшәа азҵаара комплексла ианазнеитәыз аамҭа ааизар ҟалап иага иахаҳгаргьы. Ҳахьынӡагхазгьы — азҵаара аӡбара напы аҳаркыр, иаҳбоит. Хымҧада, уи цәырызгаз аҵара аминистр иоуп, аушьҭымҭацәагьы иаанхаз ҩымз рыла амаҭәар аҵара ишахьымӡо еилкаауп, аха уи дара рымацара иабанӡархароу? Сгәаанагарала, арҭ ахәшьарақәа ҩажәа шықәса раахыс ҳбызшәа аҭагылазаашьа рныҧшит. Ҳхатәы бызшәазы аҭакҧхықәра зду ҳазегьы ҳахә ашьароуп иахьа иҟалаз", – ҳәа лажәа хлыркәшеит аексперт.

80
Атемақәа:
Абызшәа. Аҿахәҳәага. (15)

Ҿыц иалху Апарламент адепутатцәа рнапынҵақәа рынагӡарахь ианиасуа атәы рҳәеит

8
(ирҿыцуп 19:12 14.07.2020)
Аԥсны имҩаԥысит Апарламент ахь аиҭалхрақәа. Аҭыԥ хадақәа ԥшьба рҟынтәи руак аҿы ҩаԥхьа аиҭалхра мҩаԥысраны иҟоуп.

АҞӘА, ԥхынгәы 14 - Sputnik, Ренат Ԥачалиа. Аԥсны АКХ ахантәаҩы Ҭамаз Гогьиа Sputnik иазеиҭеиҳәеит иалырхыз адепутатцәа рнапынҵақәа рахь ииасыр анрылшо атәы.

Ацентртә алхратә комиссиаҿы абжьыҭара ашьҭахь бжьымш рыҩныҵҟала адепутатцәа ашәҟәы иҭарыҩуеит. Ашәҟәҭаҩра ашьҭахь адепутатцәа Аԥсны АКХ аӡбамҭаҟынтә алҩаа роуеит. Уи Апарламент ахь инаргоит. Уа имҩаԥгахоит иалху адепутатцәа азинԥҵаратә усбарҭа аилазаара ралаҵара апроцедура.

"Бзыԥҭатәи алхырҭатә ҭыԥ хадаҟны иҟалараны иҟоу аиҭалхра егьырҭ адепутатцәа русура анырра анаҭом", - ҳәа иҳәеит Гогьиа.

Гогьиа иҳәеит аус зуа азакәанԥҵара инақәыршәаны, Бзыԥҭатәи алхырҭатә ҭыԥ хада № 10 аҿы аиҭалхрақәа шымҩаԥысуа. Ҩымчыбжь рыҩныҵҟала АКХ алхрақәа ррыцхә шьақәнаргылоит.

Оҭҳаратәи ҭыԥ хадаҿы иалху Алмасхан Барцыц иҳәеит алхрақәа аиҩызаратә ҟазшьа рыманы имҩаԥган ҳәа.

"Алхраԥхьатә кампаниа зегьы соппоненти сареи еиҩызарыла имҩаԥаагеит. Аихшьаалақәа аныҟаҵаха Робестан Габлиа сиааира сыдиныҳәалеит, ақәҿиарақәа сзеиӷьеишьеит", - ҳәа иҳәеит иара.

Адепутат иҳәеит апандемиа инадҳәаланы Аԥсны ауааԥсыра ақыҭанхамҩахь ихьаԥшит, ари агәыгәҭажьра ҟалом ҳәа. Барцыц иажәақәа рыла,  Апарламент аҿы ақыҭанхамҩа аусхк иацхраауа апроектқәа адгылара риҭалоит.

Кындыӷтәи ҭыԥ хадаҿы иалырхыз Гарри Кокаиа иҳәеит ари аокруг аҿы егьырҭ ирҿырԥшны ауаа рнеира рекордтәын ҳәа. Иара изы зыбжьы зҭииз зегьы ҭабуп ҳәа реиҳәеит.

"Очамчыра идепрессиву раионуп ҳәа иԥхьаӡоуп, аха скомандеи сареи иаҳҭахуп иааҳарԥшырц араион иамоу алшара дуқәа", - ҳәа иҳәеит адепутат.

Аԥсны Жәлар Реизарахь алхрақәа мҩаԥысит ԥхынгәы 12 рзы иҭацәыз амандатқәа ԥшьба рахь - атәыла ахадас иалырхыз Аслан Бжьаниа, аԥыза-министрс иҟарҵаз Александр Анқәаб, Аҩнуҵҟатәи аусқәа рминистрс иҟарҵаз Дмитри Дбар, Гагра араион ахадас иҟарҵаз Иури Хагәышь рҭыԥқәа.

Иара убас шәаԥхьар ҟалоит:

8

Какәыбаа: араион аҿы аспорттә секциақәа шаҟа ирацәоу аҟара, еиҳагьы еиӷьхоит

4
(ирҿыцуп 18:37 14.07.2020)
Гәылрыԥшь араион аспорткомплекс "Агәыӡера" аиҳабы Мурман Какәыбаа арадио Sputnik Аԥсны аефир аҿы еиҭеиҳәеит иарбан спортхкқәоу араион аҿы еиҳарак аҿиара змоу, насгьы ахәыҷқәа разыҟаҵаразы лшарақәас иҟоу атәы.
Раионк аԥсҭазаараҟынтә: Какәыбаа Гәылрыԥшь аспорткомплекс аусура иазкны

"Аспорткомплекс аус ауеит х-спортхкык рыла: ашьапылампыл, акарате, абокс. Ҳахәмарратә зал шьақәҳаргылеижьҭеи еиҭа ҩ-хкык ацаҳҵар ҳҭахуп - анапылампыли, амҵәышәымпыли. Ҳхәыҷқәа аихьӡарақәа рымоуп акарате аҿы, абокс аҿы. Ашьапылампыл акәзар, еиҳа ицәгьоуп, ахәыҷқәа макьана аԥышәа рымам. Рыхә-секциак анаартхалак 150-ҩык, 200-ҩык рҟынӡа ахәыҷқәа ҳадаҳкылартә еиԥш алшара ҳауеит. Асекциақәа шаҟа ирацәоу аҟара, ахәыҷқәа рзы еиҳа еиӷьхоит. Аспорткмплекс аҿы рҽазыҟарҵар ауеит 300-ҩык инарзынаԥшуа ахәыҷқәа сааҭ-сааҭла еихшаны. Азыҟаҵаҩцәа рганахьала ҳаиқәшәоуп, ахәыҷқәагьы бзиа ирбоит, рус иазҟазоуп", - ҳәа еиҭеиҳәеит Какәыбаа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

4