Руслан Габлиа Аҟәа ақалақь асахьаҭыхыҩ хадас дҟарҵеит

© Sputnik Томас ТхайцукРуслан Габлия
Руслан Габлия - Sputnik Аҧсны
Анапаҵаҩра
Аҟәа асахьаҭыхыҩ хада Руслан Габлиа Sputnik иазеиҭеиҳәеит иҟәша ахықәкқәеи аусдҵа хадақәеи ртәы.

АҞӘА, цәыббра 19 — Sputnik, Саид Барганџьиа. Аҟәа асахьаҭыхыҩ хада иҿаԥхьа иқәгылоуп адҵа: амилаҭтә доуҳа, агьама бзиа, аиҿкаара иаша реиқәырхара — иҳәеит Руслан Габлиа.

"Сара ақалақь асахьаҭыхыҩ хада ҳәа аус зуеижьҭеи ҩымчыбжьа ирықәуп. Макьаназы иҟоу аҭагылазаашьа аҭҵаара сашьҭоуп", — ҳәа азгәеиҭеит асахьаҭыхҩы.

Руслан Габлиа иажәақәа рыла, ақалақь аҟны ирацәоуп аԥсахра зҭахны иҟоу.

"Сара сшахәаԥшуала аиқәымшәарақәа рацәоуп, ирацәоуп иуԥсахша. Аусура шьақәыргылатәуп азакәанԥҵара иақәшәо", — инаҵшьны иазгәеиҭеит асахьаҭыхҩы.

Иара иажәақәа рыла, Аҟәа аӡыргарақәа хырбӷьара ауаа ирыдгалоуп.

"Иаҳҳәап, иахьа амҩа саныланы сышцоз сылаԥш ақәшәеит Абазақәа рымҩаҟны макьаназ еиҭашьақәыргылам аҩны хыхьтәи абарҵаҟны абаннер ҟаԥшь кнаҳан ҭелк аномер анҵаны. Ас зынӡаск иҟалаӡом", — ациҵеит иара.

Ақалақь асахьаҭыхыҩ хада Руслан Габлиа иаԥхьаҟатәи апланқәагьы дрылацәажәеит.

"Сара сахьаҭыхыҩ хадас сҟарҵеит Аиааира амши ақалақь ахақәиҭтәра Амши рыламҭалаз. Ишсылшо ала исҭахуп ҳаҳҭнықалақь аныҳәа иазыҟасҵар" — иҳәеит иара.

Руслан Габлиа иажәақәа рыла, аусура аиӷьтәразы Аҟәа Ахадараҟны иаԥҵатәуп ахеилак – арахь иалалар рылшоит асахьаҭыхыҩцәа реиԥш згәы еицҳауа, зықалақь бзиа избо ауаагьы.

Ажәабжьқәа зегьы
0