Адзынба: людей не прошедших армию нельзя принимать на госслужбу

Аӡынба: аррамаҵзура иахымсыц аҳәынҭқарратә маҵзурахьы рыдкылара ҟалом

20
(ирҿыцуп 19:20 12.10.2015)
Аԥшьаша, цәыббра 8 рзы Аминистрцәа Реилазаараҟны ирыдыркылеит ҭагалантәи аррамаҵзурахьы анаԥхьаразы ақәҵара.

АҞӘА, цәыббра 8 — Бадраҟ Аҩӡба. Аминистрцәа Реилазаара аилатәараҟны Аԥыза-министр актәи ихаҭыԥуаҩ Шамиль Аӡынба иҳәеит зҵара хзыркәшаз ауаҩ қәыԥш иԥсадгьыл аҿаԥхьа иуал наигӡароуп, убри ашьҭахь ауп аҳәынҭқарратә маҵзурахьы днеир аналшо ҳәа.

"Ас ииашоуп ҳәа иазысыԥхьаӡоит. Ҳара ари аус хылаԥшра аҳаҭалароуп аха знапы иану Атәылахьчара аминистрроуп. Сара агәаанагара сымоуп амашьына арныҟәараз азин аиурагьы аамҭа наҟ инахатәуп ҳәа, иҟоу аҭагылазаашьа азыԥхьагәаҭаны", — азгәеиҭеит Аӡынба.

Аԥыза-министр актәи ихаҭыԥуаҩ иазгәеиҭеит "Аҳәынҭқарратә маҵзуразы" азакәан 2016 шықәсазы амчра шаиуа, уаҟа ишазгәаҭахо аҳәынҭқарратә маҵзура азин шроуа аррамаҵзура иахысыз. Иара ааԥхьара ҟаиҵеит 2016 шықәса иазмырԥшыкәа уажәнатә аусура амҩаԥгара шхацырктәу.

Аԥсны Атәылахьчара аминистрра ҭагалантәи аррамаҵзурахь анаԥхьара ауснагӡатәқәа инарыдҳәаланы иазнархиароуп ареспубликатә арранаԥхьаратә комиссиа аилазаара.

20