Праздник Ажьырныхуа в селе Джирхва

Габниаԥҳа: ажьырныҳәа амчра дуӡӡа змоу ныҳәоуп

110
(ирҿыцуп 10:35 13.01.2016)
Аԥсны ахьынӡанаӡааӡо аԥсуа милаҭтә ныҳәақәа рҟны ихадароу ируаку ажьырныҳәа азгәарҭоит.

АҞӘА, ажьырныҳәа 13 – Sputnik, Бадраҟ Аҩӡба. Ажьарныҳәа аԥсуаа рытрадициаҿы акырӡа ҳаҭыр змоу, зыгәра харҵо амчра дуӡӡа змоу ҳәа ирԥхьаӡо ныҳәароуп, лҳәеит аҵарауаҩ Цира Габниаԥҳа.

"Ари аныҳәа, анцәеи ҳареи ҳаимадара атәы зҳәо ныҳәоуп, насгьы уи ашықәс ҿыц аҭалара иадҳәалоуп жәынгьы-ҿангьы. Ашықәс ҿыц ианҭалоз, ауаа зегь реиҳа амч змаз анцәахәы ажьира анцәахәы Шьашәы имҵаныҳәон. Ажьира зыдҳәалоу аиха ауаа ада ԥсыхәа рымаӡамызт. Ажьырныҳәа аныҟарҵо Шьашәы иҳәоит анхара иадҳәалоу аусқәа рҿы ахылаԥшра ҟаиҵарц, рџьабаа мыӡырц", — ацылҵеит уи.

Аҵарауаҩ излалҳәо ала, ажьира амчра дуӡӡа ахьамоу азы, уи анцәахәы Шьашәы ила акәын ашықәс аныҳәарақәа шаадыртуаз жәытә-натә аахыс.

"Аҭаацәараҿы зегь реиҳа еиҳабу иоуп иныҳәо. Зегь еиҵагылоит, ҿыц аҭаацәара иаланагалаз дыҟазар, уи хазы дырныҳәоит", — лҳәеит Габниаԥҳа.

Ажьираҿы изыхныҳәо ашьтәа агәи агәаҵәеи арасаҵәы иахарҵоит, избан акәзар уи аԥсуаа рҵас-рқьабз аҿы акыр ахархәара амоуп, амагиатә мчы амоуп, амшьҭа бзиоуп ҳәа иԥхьаӡоуп.

"Ажьырныҳәаан аԥшәма ихьӡала ашьтәа ишьуеит, уи агәи агәаҵәеи дахныҳәоит. Аҭаацәа рыцыԥхьаӡа акәакәарқәеи, агәи агәаҵәеи зхарҵо арасаҵәқәеи, ацәашьқәеи ҟарҵоит. Ацәашьы ацәацқьа иалхзарауп, иагәыларҵоит ирымкыц ацаха", — лҳәеит Цира Габниаԥҳа.

Ажьираҿы аныҳәара мҩаԥыргоит амра анҭашәалак. Аиҳабы дныҳәоит иарма напала агәи-агәаҵәеи зхоу арасаҵәы кны, иарӷьанапала аҵәца азна аҩы кны.

"Уи иныҳәара абас иҟоуп, — Шьашәы, улԥха-угәаԥха ҳамазааит, уара убзоурала ари ашықәс азы ҳҭаацәа иаҵанакуа зегьы гәабзиарала, хабзиарала иаҳхаагеит, зҩа-ԥхӡы каҳамҭәаӡеит, икаҳҭәаз аԥхӡы ҳара иаҳхаҳаит, убри азыҳәан иҭабуп ҳәа уаҳҳәоит. Иахьа ҿыц иҳалшозала ашьтәа шьны, агәи-агәаҵәеи уҳарбоит. Ашықәс ҳазҭало, ибзианы, ихырҳаганы иаҳзыҟалааит ҳәа", — азгәалҭеит аҵарауаҩ.

Уи ашьҭахь, аныҳәаҩ иҭаацәааҟны иара ишьҭахь иеиҳабу ила далаганы зегь иныҳәоит.

"Урҭ зегь рыцыԥхьаӡа арбаӷьқәа ршьуеит. Раԥхьа ацәашьқәа адыркуеит, урҭ анаабыллак, аҭаацәа ирызку агәи агәаҵәеи зхоу арасаҵәы аанкыланы еиҭа дныҳәоит", — ацылҵеит аҵарауаҩ.

Аныҳәара ашьҭахь, аҭаацәа зегьы изыхныҳәоу агәи-агәаҵәеи агьама рбоит, аныҳәаҿақәа ааныркылоит, еибаныҳәоит.

"Уи ашьҭахь, аҭаацәа реиҳабы, ашәақь аанкыланы дхысуеит. Уи иаҵанакуа убри ауп, ҳаиҳазымчу иҟынӡа адырра неирц аныҳәаҩ уи иҿаԥхьа иуал шынаигӡаз. Аԥшәма схы иадысҵаз насыгӡеит, иҳәоит", — лҳәеит Габниаԥҳа.

Цира Габниаԥҳа ишазгәалҭаз еиԥш, ажьарныҳәа ажәытәан ишазгәарҭози, уажәы ишымҩаԥыргои аиҳараӡак еиқәшәоит еивгара рымамкәа.

"Акызаҵәык еивгарас иҟоу, ажәытәан аныҳәаҩ Шьашәы мацара димҵаныҳәон, уажәы, Шьашәи Анцәеи, дрымҵаныҳәоит", — лҳәеит лара.

Аҵарауаҩ иазгәалҭеит, жәытә-натә аахыс ажьарныҳәа аҽны раԥхьа иааиз имшьҭа зеиԥшроу еиԥш ашықәс зегь мҩасуеит.

"Раԥхьаӡа имҩахыҵуаз илаԥш аҭаацәа рзы акыр аҵанакуан. Убри аҟнытә, аҭаацәа иреиҳабу ан арасаҵәқәеи ашәч амахәқәеи хҵәаны, иааиуа ауаҩы илаԥш иахьыҵашәо, агәашә аандаҿы ихылшьуан, илаԥш цәгьазар уи иааннакылоит ҳәа ирԥхьаӡоит", — ацылҵеит аҵарауаҩ.

Ажәытәан, ақыҭаҿы зымшьҭа бзиоу ҳәа ирԥхьаӡоз ауаҩы дааганы ажьарныҳәа ауха дрыладырԥхьон. Уи ашьыжь дгыланы аҭааҵәа зегьы дрықәныҳәон, анцәа илаԥш хаа рхызарц азы диҳәон.

 

 

 

 


110

Урыстәылатәи атуроператорцәа Аԥсны аԥхын аԥсшьаразы рҭаххара ахәшьара арҭеит

1
(ирҿыцуп 17:06 28.01.2021)
Аекспертцәа рдыррақәа рыла Аԥсны 2021 шықәсазтәи асезон азы еиҳа ирҭаху аԥсшьарҭа ҭыԥқәа хәба рхыԥхьаӡара иалашәеит, Краснодартәи атәылаҿацә, Ҟрым, Кавказтәи Аминералтә ӡқәа рышьҭахь аԥшьбатәи аҭыԥ нкыло.

АҞӘА, ажьырныҳәа 28 - Sputnik. 2021 шықәсазы Аԥсны аԥсшьара аҭаххара еиҳахоит 10 - 20%, рыла, аҳәаанырцә плиажқәа жәпакы раркраамҭаан, Атәыла аҩныҵҟа антиковидтә уснагӡатәқәа алагаламхар асезон уаанӡатәи аамҭақәа ирықәыршәаны ихацыркхоит ҳәа агәаанагара рымоуп урыстәылатәи атуроператорцәа.

"Атуристцәа Аԥсны залыркаауа амзызқәа иреиуоуп COVID-19 азы ПЦР-тест аҭара ахьаҭахым, англыз бызшәала аршаҳаҭгақәа роура ахьаҭахым, арегион ахь урыстәылатәи атәылауаҩшәҟә ала аҭалара ахьауа, амҩа аамҭа рацәаны иахьақәыдмырӡуа", - азгәарҭеит "Интурист" аҿы.

Аилахәыраҟны еиҳа аԥыжәара змоу ҭыԥқәаны рыӡбахә рҳәоит акурортқәа Гагра, Пицунда, Афон Ҿыц, Аҟәа. Бжьаратәла Аԥсны рыԥсшьараамҭа 10-14 у/ҽ ыҟоуп.

АЛЕАН астатистика ала аҵыхәтәантәи аҩышықәса Аԥсны аҭаххара амоуп аныҟәаратә хырхарҭагьы. Убри азы 2021 шықәсаз атуроператор иазыԥхьагәеиҭеит автортә екскурсиатә турқәа Аԥсныҟа, Аҟәатәи аотельқәа рбазала. Ари аҩыза аԥсшьара аплиажтә ԥсшьарагьы иацымҩаԥугар ҟалоит.

Атуроператорцәа ргәаҭарақәа рыла традициала ԥхынгәы, нанҳәа амзақәа еиҳа аҭаххара рымоуп, аха ус шакәугьы лаҵарамзагьы азхьаԥшра арҭоит. Макьаназы цәыббрамза азыҳәақәа маҷны иазыҟаҵоуп.

Аекспертцәа иазгәарҭоит Аԥсны аотельқәа реиҳарак рыхәԥса шышьҭырхыз 5-10% рҟынӡа. Иҟоуп асезон-2020 аантәи ахәԥсақәа нзыжьызгьы.

Аобиект акатегориеи аҟазаара аамҭеи ирҿырԥшны ахәқәа реиҵатәра 7 -50% итәоит.

Ажьырныҳәа 27 азтәи адыррақәа рыла Москвантәи Шәачанӡеи шьҭахьҟаи аԥырра алаҵаны апакеттә турқәа ҩыџьа хынтәтәи рыкрыфара алаҵаны жәамш рыԥсшьара ахәԥса иартәоит:

  • 40,1 нызқь мааҭ (Аҟәа)
  • 48,2 нызқь мааҭ (Гагра).

Иара абри аамҭазтәи жәамштәи атурпакетқәа (ҩыџьа рзы, хынтәтәи рыкрыфара алаҵаны) иахьазы ирыхәԥсоуп:

  • 69,3 нызқь мааҭ (Гагра)
  • 66,1 нызқь мааҭ (Пицунда).
1

Бжьаниа Аҟәатәи аҳаирбаӷәаза аусура алагара аҿҳәарақәа дрылацәажәеит

3
(ирҿыцуп 17:15 28.01.2021)
Аԥсны ахада Аслан Бжьаниа Аԥсуа телехәаԥшра аинтервиу анеиҭоз дазааҭгылеит Аҟәатәи аҳаирбаӷәаза аусура алагара аҿҳәара азҵаарагьы.

АҞӘА, ажьырныҳәа 28 – Sputnik. Аԥсназы акрызҵазкуа акәны иҟоуп Аҟәатәи аҳаирбаӷәаза аусура алагара, иара 2024 шықәса иахымгакәа аусура иалагап ҳәагьы ҳгәыӷуеит, абри атәы иҳәеит Аԥсны ахада Аслан Бжьаниа Аԥсуа телехәаԥшра аинтервиу анеиҭоз.

"Ҩымчыбжь рахь знык Урыстәыла атранспорт аминистрраҿы аилацәажәара мҩаԥысуеит. Аԥсныҟа изныкымкәа аҟазауаа аахьеит. Иаахьеит аинвесторцәагьы. Апроект аусура иалагоит. Зықьҩык иреиҵамкәа аусурҭа ҭыԥқәа роуеит", - иҳәеит ахада.

Бжьаниа иҳәеит ари аҩыза азҵаара мышкала иуӡбо шакәым.

"Аиҳабыра рҿаԥхьа аусдҵа ықәыргылахоит. Иара ҵоураны аӡбра аиҳабырагьы ирлахьынҵахоит. 2024 шықәсанӡа аус аҭыԥ ианықәҵамха ҳкабинетқәа ҳазрыҩнатәозеи", - азгәеиҭеит иара.

2019 шықәсазы Владислав Арӡынба ихьӡ зху жәларбжьаратәи аҳаирбаӷәаза "Аҟәа" жәларбжьаратә анбантә код аиуит. Иара убасгьы иара аицтәаратә баӷәаза астатус аиуит. Уи иазыԥхьагәанаҭоит аграждантәи аҳәынҭқарратәи (арратә, аҳазалхратә, аҳәынҭқарратә маҵзура мҩаԥызго аҽа хкык) авиациа абаӷәазаҿ реицыҟазаара.

Иара убас шәаԥхьар ҟалоит:

3
Атемақәа:
Аҟәатәи аҳаирбаӷәаза