Балетная студия при Государственном училище культуры в Сухуме

Абалеттә студиа аԥеиԥшқәа

34
(ирҿыцуп 18:15 28.03.2016)
Аҟәа Аҳәынҭқарратә культуратә ҵараиурҭаҟны иҟоу абалеттә студиа ареспубликаҟны иакзаҵәыкуп. Иара ахацыркҩы, ахареограф Иана Цәеиԥҳа аашықәса ҵуеит аӡӷабцәа академиатә кәашара аҟазара рылалааӡоижьҭеи.

Асҭанда Арӡынԥҳа. Sputnik.

Аҟәа, Аҳәынҭқарратә культуратә ҵараиурҭаҟны ахәыҷқәа аԥсуа кәашарақәеи амилаҭтә инструментқәа рҟны ахәмарреи шыддырҵо зегьы ирдыруеит, аха иара уаҟа абалеттә студиа шыҟоу зегьы ирыздырам. Аԥсуа хәаԥшҩы абалет аганахьала имоу адыррақәа маҷуп. Ареспубликаҟны иҟам абалеттә труппақәа, "Аԥҟақәа рыӡиа" иахәаԥшырц агәаҳәара змоугьы алшара имам. Ахареограф иана Цәеиԥҳа, Аҟәатәи аҳәынҭқарратә ҵараиурҭеи Краснодартәи акультура ауниверситети роушьҭымҭа, аашықәса ҵуеит аԥсуа ӡӷабцәа абалет агәыбылра дыркуа, аҟазара рылалааӡоижьҭеи.

Аџыреиԥш иӡрыжәу аҟазшьа

"Аҟәа абалеттә школ аартра сара сзы гәыӷра ссирын", — лҳәоит Иана Станислав-иԥҳа.

Лареи сареи аиҿцәажәаха аамҭа ҳауеит аҽазыҟаҵарақәа ирылагаанӡа, аӡӷабцәа рыҽдырхионаҵы, апианиноарҳәаҩы лнотақәа еиқәлыршәонаҵы. Иана адәахьтәи лыԥшрагьы абалет икәашо аԥҳәызба дыҟазаарц шахәҭоу еиԥш ауп ишыҟоу. Аха уи адәахьтәи лныԥшылароуп, ҩныҵҟала даара иӷәӷәоу, зҟазшьа аӡрыжәра иахысхьоу лакәны дыҟоуп. Лҵаҩцәагьы лыдҵақәа ирхымԥо инарыгӡалароуп.

"Бнапы шьҭых! Бхы бҩах! Иахьа ажурналистка даҳҭоуп, ишысҭаху сызшәықәымчуам", — лҳәоит Иана лнапаҵаҟа иҟоу рыгхақәа гәаҭо. Урҭ иреиҳабу 11 шықәса лхыҵуеит.

"Адисциплина ақәҿиара иабжоуп. Иаҳҳәап иахьа, ҩыџьа аӡӷабцәа аурок иагхеит. Ари зынӡа иҟало усым. Ахәыҷқәа ирхароузеи, аха аҭаацәа ирдыруазароуп уус иагумыжьыр шакәу", — лҳәоит лара.

Ахьанҭарақәа рҟынтәи абалеттә станок ашҟа

Аҽазыҟаҵарақәа мҩаԥысуеит Аҳәынҭқарратә ҵараиурҭа ауадақәа руак аҟны, иҭшәоу, имаҷу азал аҟны. Абалеттә студиаҟны ахәыҷқәа рацәаҩым. Уажәазы араҟа аҵара иаҿуп 20-ҩык рҟынӡа аӡӷабцәа. Иҟалап астудиахь адкылара уахысырц ауадаҩрақәагьы урхысыр ахьакәу акәзаргьы."Ҳара зегьы ҳрызхьаԥшуеит – ахәыҷы имаха-ишьаха аҿиашьа, амузыка идкылашьа. Ахәыҷқәа ракәым рҭаацәагьы ирыцу ирыгу ҳаназхьаԥшуа ыҟоуп. Абалерина дышқәыԥшу ажьы лкуа далагар иҟалҵо зегьы башахоит. Дрыцҳахоит", — лҳәоит ахореограф.

Астудиа аклассқәа рхыԥхьаӡалара қәрала акәымкәа заҟа аамҭа аҵара иаҿу ала имҩаԥыргоит. Аиҳабацәа рҟынтәи ԥшьышықәса рҟынӡа ари аҵара знапы алаку ыҟоуп. Гагрантәи иаауагьы дыҟоуп.

"Ҳәарада иуадаҩуп Гагрантәи аара, аха абалет ахь илымоу абзиабара иаԥнагоит", — лҳәоит арҵаҩы.

Иана Цәеиԥҳа лгәаанагарала абалет фышықәса инаркны нап аркра еиӷьуп. Ахәыҷы идуҵогьы еиликаауазароуп.

Ашьҭыԥраара аҵара

Астудиаҟны иҟоу зегьы неиԥынкыланы иӡӷабцәоуп. Урҭ мчыбжьык ахь хынтә аҽазыҟаҵарақәа мҩаԥыргоит. Ҽазыҟаҵара цыԥхьаӡа сааҭк рҟынӡа ицоит. Иахьа дара аимаа татақәа (абалеткақәа) рышьан аԥхьа, нас — апуантақәа. Дара зегьы ирҵахьеит ршьацәа ду иқәгыланы, адгьыл рҽаҟәырыҭхома уҳәо агылара.

Абалерина хәыҷқәеи ахареографи еицынарыгӡоит аллонже, амбуате, ан деор. Акәашара умчқәа зегьы аҭахуп, иулымшашагьы улуршароуп. Уи маӡас иаҵоугьы абзиабареи аҭахреи, агәазыҳәареи роуп.

Абалет адунеи ду ашҟа

Абалеттә студиаҟны хәышықәса аҵара ашьҭахь иара ааӡаҩцәа ироуеит адиплом. Ԥхьаҟатәи рԥеиԥш усҟак еилкаам ареспубликаҟны абалеттә ансамбльқәа ахьыҟам азы. Реиҳа иҟазоу урыстәылатәи абалеттә школқәа рахь рхы дырхоит.

Иана даара длықәгәыӷуеит Кристина Чкотуаԥҳа. Аӡӷаб абалет лыԥхыӡ иалоуп, бзиа илбоит. Лҭаацәагьы лыдгылоит. Лара москватәи абалеттә школақәа руак дҭаларц лҽазылшәахьеит аха баллқәак роуп илзымхаз. Сынтәа Санкт-Петербург ацара лгәы иҭоуп.

Иана Цәеиԥҳа агәыӷра лымоуп аԥсуа балеринацәа адунеи иреиӷьу атеатрқәа рҟны икәашартә еиԥш алшареи аҭагылазаашьеи роуп ҳәа.

34
Атемақәа:
Sputnik апроект ҷыда "Аҟазацәа ртәыла" (21)

Аԥсны акоронавирус аламырҵәаразы аԥкра ҿыцқәа ирыцҵоуп ажьырныҳәа 12-нӡа

4
(ирҿыцуп 22:20 24.11.2020)
Аԥсны акоронавирустә чымазара ҿкы аламырҵәаразы иназыцҵоу аԥкрақәа ралагаларазы адҵа инапы аҵаҩын жьҭаара 13 рзы, урҭ рыҿҳәара нҵәон абҵара 24 рзы.

АҞӘА, абҵара 24 - Sputnik. Аԥсны ахада Аслан Бжьаниа аусдҵа инапы аҵеиҩит. Уи инақәыршәаны аԥкырақәа рыҿҳәара инахахоит 2021 шықәса ажьырныҳәа 12 рҟынӡа ҳәа аанацҳауеит ахада исаит.

Аусдҵа анапы аҵаҩуп Акоординациатә штаб 2020 шықәса абҵара 20 азтәи аӡбра шьаҭас иҟаҵаны.

Аусдҵа ҿыц инақәыршәаны ареспубликаҿы 2021 шықәса ажьырныҳәа 12 рҟынӡа азин ыҟам:

  • Ашколқәраҟынӡатәии азеиԥшҵаратәи еиҿкаарақәа русура урҭ реиҿкаара-зинтә формеи рхатәтәратә формеи ирыхьмырԥшыкәа;
  • Амассатә спорттә, агәмырҿыӷьгатә, ацәыргақәҵатә уснагӡатәқәа иарку аҭыԥқәа рҿы рымҩаԥгара;
  • Акультуратә усҳәарҭақәа (атеатрқәа, амузеиқәа, абиблиотекақәа, акультуратә центрқәа, акультура аханқәа, аконцерттәи ацәыргақәҵатәи залқәа) русура;
  • Афитнес-центрқәа, атренажиортә залқәа, аӡсарҭатәбассеинқәа, СПА-салонқәа, асаунақәа русура;
  • Арҵаратә кружокқәа, аспорттә, акәашаратә, арепетициатә секциақәа русура;
  • Акомпиутортә залқәа, абоулингқәа, ахәыҷтәы хәмарырҭатә центрқәа, егьырҭ аԥсшьарҭатә ҭыԥқәа;

Ауааԥсыра ирабыжьгоуп ауаажәларратә ҭыԥқәа рҟны рыҟазаараан ахыхьчаратә хархәагақәа ах рархәара, аԥсрақәеи аԥсхәрақәеи ирылахәу ауааԥсыра рхыԥхьаӡара рырмаҷра, аныҳәақәа раан акульттә обиектқәа (аҵакырақәа) рҟны ауаа рырмаҷра.

Абри аамҭазы икоммерциатәуи иккоммерциатәыми аиҿкаарақәа ирабжьгоуп руалафахәы рызныжьны 60 шықәса ирҭысхьоу, ашколқәраҟынӡатәии алагарҭатә школқәреи (1-4 аклассқәа) ирыҵаркуа ахәыҷқәа змоу русзуҩцәа рхы иақәиҭыртәырц ажьырныҳәа 12 2021 шықәсанӡа рулафахәы рызныжьны.

Аҟәа ақалақьи араионқәеи рҟны афатә, ақыҭанхамҩатә, ацәамаҭәатә џьармыкьақәа рҟны апрофилактикатә рзҩыдара мҩаԥгалатәуп.

Араионқәа рхадарақәа еиҿыркаароуп есыҽнтәи арзҩыдаратә усурақәа ауаажәларратә транспорт аҿы, атранспорт арныҟәцаҩцәа асабрадақәа рҿазароуп, амедицинатә напхаҵақәа ныҟәыргозароуп. Иара убасгьы иҟалом ахыхьчага зхы иазмырхәо апассаџьырцәа рныҟәгара.

Ауаажәларратә крыфарҭақәа ирабыжьгоуп робиектқәа ртәарҭақәа 50 процент рхы иархәаны атәылауаа рымаҵура иазку аишәақәа рыбжьара асоциалтә дистанциа (1,5 метра) рыбжьаҵарац, амаҵ зуа аусуҩцәа хаҭалатәи ахыхьчагақәа (амедицинатә сабрадақәеи амедицинатә напҭарҧақәеи) рхархәаразы аҭаххарақәа ирықәныҟәаларазы.

4
Атемақәа:
Ачымазара ҿкы – акоронавирус Аԥсни адунеи аҿи: иалкаау

Абҵарамза 25 рзы Аҟәа ахәҭак ӡыда иаанхоит

5
Гәымсҭатәи амассив, Ешератәи амҩа аӡымҩангага аремонт азыруеит абҵара 25 рзы, убри инадҳәаланы аӡынашьҭра аанкылахоит.

АҞӘА, абҵара 24 - Sputnik. Абҵара 25 асааҭ 03:00 инаркны асааҭ 18:00 рҟынӡа Аҟәа ахәҭак ӡыда иаанхоит ҳәа аанацҳауеит АУН "Аӡыканал".

Аӡынашьҭра аанкылахоит: Араион ҿыц, Ажәытә ҳабла, Колос, Адыгаа рымҩа, ВИЕМ, ақалақь агәаҿы аҩнеихагылақәа рҟны аӡы халом.

Гәымсҭатәи амассив, Ешератәи амҩа аӡымҩангага аремонт азыруеит.

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

5