Премьер-министр Крыма Сергей Аксенов на железнодорожном вокзале в Симферополе. Архивное фото.

Сергеи Аксионов Аԥсны аҭаара игәҭакуп

5
(ирҿыцуп 14:24 18.04.2016)
Сергеи Аксионов иҳәеит Аԥсны официалтә визитла аҭаара гәҭакны ишимоу, аиҳабырабжьаратә Еиқәшаҳаҭра ахәҭаҷқәа рынагӡаразы аусура ацҵаразы.

АҞӘА, мшаԥымза 18 – Sputnik, Асҭанда Арӡынԥҳа. Ҟрымтәи Ареспублика аофициалтә делегациа Аԥсныҟа аара рыгәҭакуп. Абри атәы иҳәеит Ҟрымтәи Ареспублика аиҳабы Сергеи Аксионов, Аԥсни Ҟрыми рыбжьара аусеицуразы аиҳабырабжьаратә Еиқәшаҳаҭра рнапы анаҵарыҩуаз.

"Ҳара ҳаилацәажәеит аофициалтә визит мҩаԥаагоит ҳәа. Адәныҟатәи аусқәа рминистрраҟны аделегациа шьақәыргыланы, ҳнеиуеит. Уаҟа иаԥҵахоит аусутә гәыԥқәа. Абри адокумент аҟны иарбоу зегьы аӡбра ҳалҳаршоит", — иҳәеит Аксионов.

Ҟрымтәи Афедералтә округ аҟны Урыстәыла Ахада ихаҭарнакс иҟоу Олег Белавенцев иажәақәа рыла Аиқәшаҳаҭра ареспубликақәа рыбжьара аиҩызаратә еизыҟазаашьақәа арӷәӷәоит.

Аԥсны Аԥыза-министр Артур Амқәаб ишазгәеиҭез ала Ҟрым рнапы зҵарҩыз адокументқәа еиуеиԥшым ахырхарҭақәа рыла аусеицура азыԥхьагәарҭоит.

Ахәаахәҭра-економикатәи анаука-техникатәи усеицуразы Аиқәшаҳаҭра анапы аҵаҩуп Иалтатәи жәларбжьаратәи аекономикатә форум аҳәаақәа ирҭагӡаны.

Адокумент рнапы аҵарҩит Аԥсны Аԥыза-министр Артур Амқәаби Ареспублика Ҟрым аиҳабы Сергеи Аксионови.

Аиқәшаҳаҭра анапаҵаҩра ашьҭахь Артур Амқәаб Аксионов ҳамҭас ииҭеит аԥсуа хҭырԥа, аҭакс иара ирҭеит Ҟрым аҭыԥ ԥшӡарақәа зныԥшуа альбом.

Уи адагьы Аԥсни Ҟрыми Рекономикатә министррақәа аусеицуразы Аиқәшаҳаҭра рнапы аҵарҩит, ақалақьқәа Гагреи Иалтеи рыбжьара агәҭакқәа рзы Аԥкаанҵа анапы аҵаҩуп.

Иалтатәи аҩбатәи жәларбжьаратәи аекономикатә форум мҩаԥысуеит мшаԥымза 14-16 рзы, Иалта ақалақь аҟны.

Афорум иатема хаданы иҟалеит ареспублика аинвестициатәи аинновациатәи ԥеиԥш, аинвестициатә проектқәа рӡыргара.

Афорум апрограмма иазыԥхьагәанаҭон аилатәара амҩаԥгара, иҷыдоу аусхкқәа рсекциақәа русура. Аилатәара иаанарԥшит Ҟрым ԥхьаҟатәи аекономикатәи аинвестициатәи ԥеиԥш актуалтә темақәа.

Аусутә программа ауснагӡатәқәа рзырхан анаплакра аҿиареи адгылареи рԥышәақәа, аинвестициатә климат аиӷьтәра, жәларбжьаратәи аусеицура, урыстәылатәи аекономика аконкуренттәлшара.

5