Открытие нового животноводческого комплекса в Новосибирской области

Аԥсни Чувашиеи рнаплпкҩцәа аусеицуразы еилацәажәеит

11
Аԥсни Чувашиеи аусеицура иазыхиоуп ақыҭанхамҩа аганахьалеи, афымцатә техника аганахьи, амашьынаргылараҿи.

АҞӘА, лаҵарамза 4 — Sputnik, Владимир Бегунов. Ҩ-республикак рхәаахәҭра-ааглыхратә палатақәа лаҵарамза 4 рзы аусеицуразы аиқәшаҳаҭра рыбжьарҵеит, абри атәы ҳзааицҳаит Sputnik акорреспондент. 

Чувашиа Ахәаахәҭра-ааглыхратә палата ахада Игор Кустарин ииҳәеит, чувашиатәи аделегациа аԥсуаа ишаарыԥхьаз рыпроектқәа рӡыргаразы, аԥхын ачувашцәа аԥснытәи анаплакыҩцәа дара рҿы ирзыԥшуп

"Ҳара иҳамоуп аусеицуразы еиуеиԥшым ахырхарҭақәа, — иҳәеит Игор Кустарин, — раԥхьа иргыланы ақыҭанхамҩа иаҵанакуа. Чувашиа иҟоуп азауад ду аҵиаақәа рыхьчаразы арҵәырақәа ҟазҵо. Амашьынаргыларатә наплакқәа иҭрыжьуеит атракторқәеи акомбаинқәеи, урҭ арахь раагара алшара ҳамоуп. Иара убас, Чувашиа иҭрыжьуеит афымцатә техника ахкқәа зегьы, уи аԥсуаа аинтерес рызцәырнагап ҳәа ҳгәы иаанагоит".

Игор Кустарин иажәақәа рыла, аусеицура ахырхарҭақәа рыуакы ара ицәырҵит, уи аспорттә инвентар Аԥсныҟа аагара ауп. Уи азкыуп ахәыҷқәа ахьыхәмаруа аҭыԥқәа рзи, аспорттә залқәа рзи, асанаториқәа рзи. Ари аҩыза аиқәшаҳаҭра ааигәа ирыбжьаҵан Чувашиеи Канадеи.

"Ари аҩыза аусеицура сара даара сеигәырӷьоит, — иҳәеит асасааирҭа «Интер-Сухум» адиректор Лев Павлов. — Ԥшьынҩажәижәабатәи ашықәсқәа рзы Чувашиа аҭагылазаашьа уадаҩын, аха иахьа аҿиара иаҿуп. Аԥсны ахьаҿаԥшыша ыҟоуп. Чувашиантәи аԥсшьаҩцәа ахьымаауа ҳгәы иалоуп. Ааигәа Чебоксары атурфирмақәа гәасҭон, уа зынӡа иҟаӡам Аԥсныҟа ахырхарҭақәа, дара ирыздарӡом ауаа шадыԥхьалатәу, убри аҟынтә Аԥсни Чувашиеи русеицура алыҵшәа амоуп".

Лев Павлов ихаҭа Чувшиантәи ауп дшааз, аха фы-шықәса ҵуеит Аԥсны аус иуеижьҭеи.


11

Аԥсны ахада Аахыҵ Уаԥстәыла атәылахьчара аминистр агәымшәараз аорден ианеишьеит

6
(ирҿыцуп 18:32 27.09.2021)
Аԥсны Атәылахьчара аминистрраҟны Аԥсны жәлар рџьынџьтәылатә еибашьраҟны Аиааира 28 шықәса ахыҵреи Аҟәа ахақәиҭтәра амши разгәаҭаразы аныҳәатә еилатәара мҩаԥысит.

АҞӘА, цәыббра 27 – Sputnik, Бадраҟ Аҩӡба. Аслан Бжьаниа Аахыҵ Уаԥстәыла Атәылахьчара аминистр Ибрагим Гассеева ианеишьеит Агәымшәараз аорден, Қырҭтәыла Аахыҵ Уаԥстәыла ианажәлаз иааирԥшыз афырхаҵараз.

"Ҳаҭыр зқәу Аԥсны ахада, Атәылахьчара аминистр, аҩызцәа. Азин сышәҭ Аиааира амш шәыдысныҳәаларц Аахыҵ Уаԥстәыла ахадеи ажәлари рыхьӡала, ишәзеиӷьасшьарц аҭынчра, ашәҭыкакаҷра, ԥхьаҟатәи амш лаша. Ҳаҭыр зқәу Аԥсны ахада, ари аҳамҭа сара гәадыурала иныҟәызгалоит", - иҳәеит Гассеев.

Анаҩс, Ибрагим Гассеев Атәылахьчара аминистрра агәаларшәагатә ҳамҭақәа аиҭеит.

"Арҭ амшқәа рзы Аԥсны иқәынхо, милаҭрацәала еилоу ҳажәлар, Аԥсны арбџьар мчқәа рыруаа, ҳаиашьаратә жәларқәа, аҳәаанырцә иҟоу хыԥхьаӡара рацәала аԥсуа диаспора иазгәарҭоит игәырӷьахәу амшныҳәа – 1992-1993 шықәсқәа рызтәи Аԥсны жәлар рџьынџьтәылатә еибашьраҿы иргаз Аиааира амш", - иҳәеит Аԥсны Атәылахьчара аминистр Владимир Ануа иқәгылараҿы.

"1992 шықәса нанҳәамзазы аԥсуа жәлар мцаԥшьла дырхысырц аҳәаа дхыҵны ҳадгьыл ашьа каршуа дықәлеит аӷа. Уи хықәкыс иман аԥсуа ҳәынҭқарра, аԥсуа жәлар, аԥсуа бызшәа шьаҭанкыла рықәгара.

Аамҭа кьаҿк иалагӡаны аӷа импыҵеихалаз ақыҭақәа, ақалақьқәа шьала икәабеит. Аҭынч уааԥсыра ракәзар ақырҭуа фашизм агыгшәыгра зегь рхыргар акәхеит ҳәа азгәеиҭеит иара.

Ҳәашьак амамкәа иуадаҩын ашьаӡа-гәаӡа илсны аиааирахь уназгоз амҩа. Ацәыӡ дуқәа, арыцҳарақәа, аԥсыҭбарақәа ирылсны инеиуан ҳажәлар. Шьҭахьҟа хьаҵшьа ыҟамызт, избанзар Аԥсны аҟазаареи аҟамзаареи ирыбжьагылан, уаҵәтәи аԥеиԥш ахыц иакын, азқьышықәсақәа ирылсны иахьанӡагь иааиз аҭоурых ашәарҭара иҭагылан.

Аха ҳара аиааира ҳамгар алшомызт, избанзар аиашаразы ҳақәԥон, аиашаразы ахымца ҳаҿагылон, аиашаразы ҳаԥсҭазаарақәа ҳреигӡомызт. Аӷа иҭархаразы, игәыхәтәы иахьымгӡаразы рыжәҩа ҳамаданы иҳавагылеит Нхыҵ Кавказ ареспубликақәа рҟынтәи ҳашьцәа, Алада Урыстәыла аказақцәа, Асовет еидгыла уаанӡатәи атәылақәа рҟынтәи ҳиашара еилызкааз, аҳәаанырцәтәи адиаспора рхаҭарнакцәа",- ҳәа иҳәеит Ануа.

Аԥсны Атәылахьчара аминистр иӡбарала Аиааира амшныҳәа аламҭалаз аинрал Владимир Ҳаразиа имедал ранашьан арратә прокурор ихаҭыԥуаҩ, аиустициа аподполковник Руслан Лагәлаа, арратә прокурор ихаҭыԥуаҩ, аиустициа амаиор Аслан Инаԥшьба.

Амедал "Аԥсны аҭынчра аиҿкааразы" ланашьан Аштаб хада ашәҟәеиҿкаара аиҳабы Лиана Габуниаԥҳа.

Иара убас, Аԥсны ахада иқәҵарала Атәылахьчара аминистрра афицарцәа жәохә-ҩык аԥаратә ҳамҭақәа ранашьан.

Цәыббра 27 1993 шықәсазы аԥсуа ар Аҟәа агәахьы инеит, асааҭ 15:30 рзы Аԥсны Аҳәынҭқарра абираҟ "Аминистрцәа реилазаара" ахыбра иахадыргылеит.

6

Афырхацәа рымҩала: Саџьаҭиԥа, Минаиаԥҳа, Инаԥшьԥҳа Аҟәа ахақәиҭтәра иазкны

7
(ирҿыцуп 18:02 27.09.2021)
Цәыббра 27 Аҟәа ахақәиҭтәра иамшуп. Аԥсны аџьынџьтәылатә еибашьра аветеранцәа Борис Саџьаҭиԥа, Нанули Минаиаԥҳа, Емма Инаԥшьԥҳа иргәаладыршәеит аибашьра иадҳәалоу ахтысқәа, Аҟәа ахақәиҭтәразы ажәылара.
Афырхацәа рымҩала: Саџьаҭиԥа, Минаиаԥҳа, Инаԥшьԥҳа Аҟәа ахақәиҭтәра иазкны

Аԥсны Аџьынџьтәылатә еибашьраан еиҿкааз ажәыларақәа ирхадаз иалҵшәахеит 1993 шықәса,цәыббра 27 рзы Аҟәа ахақәиҭтәра. Уи аҽны аԥсуаа рыр Аҟәа агәы иалалеит ,Аԥсны Аҳәынҭқарра абираҟ Аминистрцәа реилазаара ахыбра иахашәыршәырит, аҳҭнықалақь ахы иақәиҭтәхеит.

Аибашьра зхызгаз амедеҳәшьцәа Аҟәа аҳақәиҭтәра иалахәыз Агәымшәараз амедал занашьоу Нанули Саманџьиаԥҳаи , Леон иорден занашьоу Емма Инаԥшьԥҳаи Аџьџнџьтәылатә еибашьра аветеран , Агәымшәараз амедал занашьоу Борис Саџьаҭиԥеи ргәалашәарақәа ртәы еиҭарҳәеит арадио Sputnik аефир аҟны.

 

7