Хандан Папба за работой

Араӡны рахәыцқәа рыла иԥо Хандан Папԥҳа лҭоурых

98
(ирҿыцуп 14:25 31.05.2016)
Ҩышә шықәса инарзынаԥшуа ашьҭахь, амҳаџьырраан иӡыз акәлаӡтәы ԥара атехника ссир Аԥсныҟа ишыхынҳәыз атәы ҳзеиҭалҳәоит Асида Кәыҵниаԥҳа.

Акәлаӡтәы ԥара

Аԥсуаа ахаангьы еибашьцәан, еиуеиԥшым абџьар хкы ҟарҵон. Аиҳаракгьы уи знапы алакыз ахацәа ракәын. Аҳәса ракәзар ацәамаҭәа акәын идырхиоз. Абиԥарала еимырдон амаҭәархиашьа амаӡақәа.

Изделия  Хандан Папба
© Sputnik / Томас Тхайцук
Изделия Хандан Папба

Убас, ажәытәра ҵаула иатәны иԥхьаӡоуп акәлаӡтәы ԥара атехника. Уи азы рхы иадырхәоит миллиметрак аасҭа ишәпам, аметалл иалху арахәыц. Арахәыц еимхәыц-еимхәыц еихарԥоит, акәалӡгьы ахы алымҟьо иҟалоит.

Аԥсуаа ртрагедиа ду, амҳаџьырраан акәлаӡтәы ԥара ыӡит Аԥсны. Уи амаӡақәа здыруаз амшын нырцәҟа иагеит.

Ашьхеи агеи рнаҩс

Ҭырқәтәыла, шықәсқәак раԥхьа иаартын изҭаху рзы акурсқәа. Уаҟа иддырҵон ақәҵара, аӡахра, асахьаҭыхра. Иара убасгьы иаадыртит акәлаӡтәы ԥара атехника аҵаразы акурс.

Кольчужное плетение
© Sputnik / Томас Тхайцук
Кольчужное плетение

Ҭырқәтәылатәи ҳџьынџьуаҩ Хандан Папԥҳа ишылҳәаз ала арҭ акурсқәа рҟны аӡәгьы иҳәом ари атехника Аԥснынтәи ишнанагаз.

"Сара аинтерес скит уи Ҭырқәтәыла ишықәнагалаз аҭоурых, избанзар убасеиԥш иԥон ҳара ҳандуцәа. Ирацәаны алитература санаԥхьа ашьҭахь сара еилыскааит ари анапҟазара аԥсуаа шракәу изтәу", ҳәа еиҭалҳәоит Хандан Папԥҳа.

"Акәалӡтәы ԥаразы иреиӷьны иҟоуп араӡны рахәыц, аха иҟалоит иарбанызаалак аметалл иалху арахәыц ала уԥаргьы. Иара аамҭа рацәа аҭахуп. Иаҳҳәап напхаҵак аԥаразы хымз раҟара аамҭа агоит", — лҳәоит лара.

Хандан – ирацәамкәа Аԥсны инхо, абри анапҟазамҭа здыруа дыруаӡәкуп, лара лажәақәа рыла ари аҟазара аҿар ирымадатәуп, идырҵатәуп.

Аҿар иарала еиҳа ркультуреи рҭоурыхи иадухалар алшоит.

Анапҟазара аиҭеира

Шықәсык аԥхьа Аԥсны еиҿкаан акурс ҷыдақәа. Урҭ рҟны Асахьаҭыхратә ҵараиурҭа астудентцәа ижәытәӡоу акәылӡтәы ԥара рҵон, рнапкымҭақәагьы ацәыргақәҵа иаздырхион.

Серебряные украшения
© Sputnik / Томас Тхайцук
Серебряные украшения

"Ари анапҟазара аҵара анҳадыргала еицҿакрыла ҳаигәырӷьеит. Ари иуникалу шансуп ажәытәтәи анапҟазара аиҭарҿиаразы. Аиҿкааҩцәа иҟаҳҵоз ҳгәы азҭарҵеит", — лҳәеит Асахьаҭыхратә ҵараиурҭа арҵаҩы Асҭанда Адлеиԥҳа.

Аԥснытәи аҳәынҭқарратә музеи аҟны имҩаԥысыз ацәыргақәҵа ашьҭахь аҵараиурҭа апрограмма иаларгалеит амаҭәар ҿыц. Уахь иаҵанакуеит акәлаӡтәы ԥаразы алекциақәагьы.

Серебряные украшения
© Sputnik / Томас Тхайцук
Серебряные украшения

"Абри апроект ашьҭахь ҳара иҳауз адыррақәа иалдыршоит ҳҟазараҟны урҭ рхархәара. Ирацәаҩны астудентцәа русумҭақәа рҟны аетникатә стиль рхы иадырхәо иалагеит. Ҳара атәым культура ҳахьынҳалартә ҳаҟаӡам, ҳхатәы культура абеиара ҳазхоит", ҳәа азылыԥхьаӡоит арҵаҩы.

Иӡхьаз, иажәхьаз акәалӡтәы ԥара атехника аинтерес шьҭырхит. Ирацәаҩуп иара аҵара зҭахны иҟоу, аха макьана уи азы акурсқәеи аурокқәеи ыҟам.

98

Валериа Адлеиԥҳа ҷыдала афестиваль "Аԥсны" азы ашәа ҿыц ҭалҩит

3
(ирҿыцуп 10:32 01.12.2020)
Валериа Адлеиԥҳа – жәларбжьаратә авокалтә шоу "Ты супер!" актәи асезон аҿы аиааиҩы.

АҞӘА, ԥхнҷ 1 – Sputnik. Валериа Адлеиԥҳа ҷыдала афестиваль "Аԥсны", Москватәи аԥсуа диаспора еиҿыркааз азы иҭалҩит аԥсышәала ашәа "Сыҟоуп уааигәара" (Я с тобой). Абри атәы  Sputnik иазеиҭалҳәеит лара ашәаҳәаҩ лхаҭа.

"Афестиваль "Аԥсны" ҩынтәуп салахәхоижьҭеи. Ҵыԥх Москва сықәгылан, сынтәа апандемиа иахҟьаны иҳаӡбеит онлаин амҩаԥгара. Азыӡырыҩцәа рзы ашәа-аҳамҭа ҭааҩит",- лҳәоит лара.

Валериа лажәақәа рыла ашәа аҩызареи аицхыраареи ирызкуп.

"Ашәаҿ уҩыза  ҭагылазаашьак иахҟьаны инапқәа аниваҳауа, имч анымхо ушивагылаша атәы аҳәоит. Зегь шыбзиахо агәра иуыргароуп. Ашәа ахьӡгьы "Сыҟоуп уааигәара" ҳәоуп ишыҟоу",- лҳәоит лара.

Ажәақәеи амузыкеи иҩит Анри Гәымба, ашәа акустикатә версиа иалахәын амузыкантцәа - Алхаси Алмасхани Марколиаа, Ҭимур Агрба. Абек вокал – аԥсуа блогер Сандро Аблоҭиеи Ирена Сымсымԥҳаи.

Афестиваль "Аԥсны", Москватәи аԥсуа диаспора еиҿыркааит цәыббра 30 2018 шықәса рзы.

2020 шықәсазы акоронавирустә пандемиа иахырҟьаны онлаин-формат ала имҩаԥгахоит.

Валериа Адлеиԥҳа – жәларбжьаратә авокалтә шоу "Ты супер!" актәи асезон аҿы аиааиҩы афестиваль лҽалалырхәырц анаԥхьара лыҭан.

Иара убас шәаԥхьар ҟалоит:

3

Аслан Бжьаниа ақалақьқәеи араионқәеи рхадацәа алархәны аилацәажәара мҩаԥигеит

4
(ирҿыцуп 09:31 01.12.2020)
Аиԥылараҿы ирылацәажәан атәылаҿ аҭагылазаашьа, аҭыԥантәи абиуџьетқәа рынагӡашьа, аепидемиологиатә ҭагылазаашьа.

АҞӘА, ԥхынҷ 1 - Sputnik. Аԥсны ахада Аслан Бжьаниа ақалақьқәеи араионқәеи рхадацәа алархәны аилацәажәара мҩаԥигеит ҳәа аанацҳауеит ахада исаит.

Абиуџьет анагӡара шымҩаԥысуа, акоронавирустә инфекциа иаҿагыланы ақәԥара шцо, ақыҭанхамҩеи асоциалтә усхки рҟны аҭагылазаашьа атәы атәыла ахада изеиҭарҳәеит Аҟәа ақалақь, Гал, Тҟәарчал, Очамчыра, Гәылрыпш, Аҟәа, Гәдоуҭа, Гагра араионқәа рхадацәеи Афон Ҿыци Пицундеи ақалақьқәа рхадацәеи.

Аԥсны ахада ааԥхьара ҟаиҵеит напхгара зырҭо ақалақьқәеи араионқәеи рҿы иныҭкааны аҭагылазаашьа ҭырҵаарц.

"Арегионқәа рпаспортқәа аԥҵатәуп. Шәара ишәымазароуп аинформациа ақыҭанхамҩатә хархәара змоу адгьылқәа рзы. Аусуралшара змоу ауааԥсыра рхыԥхьаӡараз уҳәа ихадоу егьырҭ аусхкқәа рзы", - иҳәеит Бжьаниа, иара убасгьы иазгәеиҭеит абизнес маҷи абжьаратә бизнеси ацхыраара шрыҭатәу.

Уи адагьы ахада иазгәеиҭеит арегионалтә напхгаҩцәеи азинхьчаратә усбарҭақәеи еиҳа ибзианы еинырлар шакәу.

Аиԥылара далахәын ахада Иусбарҭа анапхгаҩы Алхас Кәыҵниа, ихаҭыԥуаа Саида Быҭәԥҳа, Џьансух Нанба, Зураб Қаџьаиа, Аԥсны АШәМ ахантәаҩ ихаҭыԥуаҩ Тимур Ахьиба.

Аилацәажәара хыркәшо Аслан Бжьаниа ақалақьқәеи араионқәеи рхадацәа иреиҳәеит атәылаҿ аепидемиологиатә ҭагылазаашьа шааиӷьхалак арегионқәа рҿы аиԥыларақәа рымҩаԥгара ишациҵо атәы.

4