Таиф Аџьба ипремиа аиуразы аконкурс иалахәуп ԥшь-усумҭак

Таиф Аџьба ипремиа аиуразы аконкурс иалахәуп ԥшь-усумҭак

41
(ирҿыцуп 16:09 09.09.2016)
Таиф Аџьба ихьӡ зху алитературатә премиа шьаҭаркын хәажәкыра 11 2016 шықәсазы апоет имшира аҽны.

АҞӘА, цәыббра 9 – Sputnik, Бадраҟ Аҩӡба. Таиф Аџьба ипремиа аиуразы иқәыргылоуп ԥшь-усумҭак, иҳәеит апремиа аиуразы акомиссиа ахантәаҩы Валентин Коӷониа.

"Платон Бебиа ишәҟәы "Уа мшыбзиа амш бзиа" ахьӡуп, анаҩсан иаҳзааит Валери Касланӡиа ахәыҷқәа ирызкны ииҩыз апоезиатә рҿиамҭақәа реизгақәа ҩба, акы иахьӡуп "Анҷакәынҷа", егьи "Жьакәыр гәымшәа", иара убас Рушьбеи Смыр иажәеинраалақәа рышәҟәы "Аҵыс иаҵәа", иара убас, апроза ажанр ала иаҳзааит Анатоли Лагәлаа иажәабжьқәа реизга ахәыҷқәа рзы "Ардәына захьӡу", — азгәеиҭеит уи.

Таиф Аџьба ихьӡ зху апремиа аиуразы акомиссиа иалоуп быжьҩык, урҭ иалырхуеит апремиа занашьахо аусумҭа.

"Ҩымз-хымз рыҩнуҵаҟа аҩымҭақәа рыхцәажәара аус ҵасыр ауп, арадио, ателехәаԥшра, акьыԥхь рҿы. Абарҭ аҩымҭақәа аспециалистцәа ахцәажәар ауп, нас алкаақәа ҟарҵар ауп. Нас, ажьырныҳәамзазы акомиссиа еилатәоит, ахцәажәарақәа иҟаҵаз хшыҩзышьҭра рзуны аиааира згаз маӡалатәи бжьыҭирала иалыркаауеит", — иҳәеит уи.

Ахәыҷқәеи ақәыԥшцәеи ирызку алитература арҿиараҿы алагалазы Таиф Аџьба ихьӡ зху Аԥсны Аҳәынҭқарратә литературатә премиа еиҿкаан Аԥсны ашәҟәыҩҩцәа рассоциациеи ашәҟәыҩҩцәа реидгылеи рабжьгарала. Аусуратә комиссиа дахагылоуп афилологиатә наукақәа рдоктор Валентин Коӷониа.

Аконкурс ахь адокументқәа рыдыркылон 2016 шықәса лаҵарамза 25 инаркны нанҳәа 25-нӡа.

 

41

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

16
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

16

Акоронавирус змаз ҩыџьа апациентцәа Гәдоуҭатәи ахәышәтәырҭа илрыҩаараны иҟоуп

14
(ирҿыцуп 18:41 13.07.2020)
Аҵыхәтәантәи уахыки-ҽнаки рыла Аԥсны акоронавирустә инфекциа амазааразы агәаҭара иахысит 36-ҩык ауааԥсыра.

АҞӘА, ԥхынгәы 13 - Sputnik. Гәдоуҭатәи ахәышәтәырҭаҟны ишьҭоу акоронавирус зцәа иалаз акурсантцәа ҩыџьа аҩашаҽны, ԥхынгәы 14 рзы рылҩаара иаздырхиоит ҳәа адырра ҟанаҵоит Ауааԥсыра акоронавирус рацәыхьчаразы аоперативтә штаб.

Ари амш иалагӡаны агәаҭара иахрыжьыз 36-ҩык рҟынтә аӡәгьы иҿы акоронавирус  шьақәырӷәӷәамхеит

Иахьазы Аԥсны зынӡа акоронавиурс рыдырбалахьеит 38-ҩык. Урҭ рахьтә ҩыџьа макьанагьы Гәдоуҭатәи ахәышәтәырҭа иҭоуп, 35 ргәы бзиахеит, аӡәы лыԥсҭазаара далҵит.

Адунеизегьтәи агәабзиарахьчаратә еиҿкаара аҵыхәтәантәи адыррақәа рыла, адунеи аҿы ишьақәдырӷәӷәахьеит 12,5 миллион хҭыс инареиҳаны, рыԥсҭазаара иалҵит 561 нызқьҩык инарзынаԥшуа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Ачымазара ҿкы – акоронавирус Аԥсни адунеи аҿи: иалкаау