Рауль Ҳаџьымба аспорт аветеран Борис Багаҭелиа дидикылеит

© Sputnik, Бадраҟ АҩӡбаРауль Ҳаџьымба Борис Багаҭелиа дидикылеит
Рауль Ҳаџьымба Борис Багаҭелиа дидикылеит - Sputnik Аҧсны
Анапаҵаҩра
Борис Багаҭелиа асамбо азы аветеранцәа рыбжьара Хорватиа имҩаԥысуаз Адунеи ачемпионат аҟны ахԥатәи аҭыԥ ааникылеит.

АҞӘА, абҵара 7 – Sputnik, Бадраҟ Аҩӡба. Аԥсны ахада Рауль Ҳаџьымба дидикылеит аспорт аветеран, ааигәа имҩаԥысуаз асамбо азы Адунеи ачемпионат аҟны ахԥатәи аҭыԥ аанызкылаз Борис Багаҭелиа.

"Избоит уеихьӡарақәа, ианакәызаалакгьы аспорт ҳацныҟәаразы аҭагылазаашьақәа ҟаҳҵалар ауп. Ианакәызаалакгьы Аԥсны ахьыӡ ҭугон, макьана умч ыҟоуп, агәра згоит иҵегь аиааирақәа уаԥхьа ишышьҭоу. Имаҷӡам уара иааугахьоу аиааирақәа, иахьатәи ҳаиԥыларазы даараӡа иҭабуп ҳәа уасҳәоит" – иҳәеит Аԥсны Ахада Рауль Ҳаџьымба.

Борис Багаҭелиа иеицлабрақәа ртәы далацәажәеит

Рауль Ҳаџьымба иара убас иазгәеиҭеит Борис Багаҭелиа иџьабаа шырацәоу Аԥсны Аџьынџьтәылатәи еибашьраҿы.

"Иахьынӡаздыруа иӷәӷәаны ухәын, аибашьра ашьҭахь ашәарҭадаратә структурақәа рҟны аус ууан, иахьа уажәраанӡагьы узҿу Аԥсны ахьӡ ашьҭыхра ауп", — ациҵеит Ҳаџьымба.

Борис Багаҭелиа иазгәеиҭеит аицлабра аҟны ахԥатәи аҭыԥ агара шымариамхаз.

"Аветеранцәа рыбжьара ԥшьынтәны сықәгылоит, урҭ рахьтә Грециа имҩаԥысуаз аҟны актәи аҭыԥ згеит. Ҵыԥхгьы Израиль ахԥатәи аҭыԥ згеит, сынтәагьы. Сзақәԥоз Узбекистанынтәи аспортсмен аԥҟарақәа еилаганы дыкшеит, аха уи аӡбаҩцәа ирызгәамҭеит", — иҳәеит уи.

Борис Багаҭелиа иеицлабрақәа ртәы далацәажәеит

Аспортсмен иажәақәа рыла, ҳаԥхьаҟа Ҭырқәтәыла имҩаԥысраны иҟоу Адунеи ачемпионат аҟны аиааира игарц игәы ишҭоу. 

Борис Багаҭелиа ахԥатәи аҭыԥ ахьигаз Адунеи ачемпионат мҩаԥысуан Хорватиа жьҭаара 19 инаркны 23-нӡа.

Ажәабжьқәа зегьы
0